генерал-майори милитсия Азизулозода Сафиало Азизуло

Аз мубориза бо коронавирус то таълимоти динӣ: мулоқоти генерал бо сокинони Нуробод

628
(Таҷдидшуда 11:08 24.03.2020)
Генерали милитсия Азизулозода Сафиало Азизуло бо сокинон ва шикорчиёни ноҳияи Нуробод яқ қатор масъалаҳои мубрами кишварро баррасӣ намуд

ДУШАНБЕ, 24 мар — Sputnik. Бино бар иттилои дафтаи матбуоти Вазорати умури дохилаи Тоҷикистон, ахиран вохӯрии сардори РВКД дар минтақа ва ноҳияи Рашт генерал – майори милитсия Азизулозода Сафиало Азизуло дар якҷоягӣ бо сардори Раёсати КДАМ оид ба гурӯҳи ноҳияҳои минтақа полковник Нуралӣ Муродов бо сокинон ва шикорчиёни ноҳияи Нуробод баргузор гардид.

Тавре манбаъ қайд намудааст, зимни вохӯрӣ масъалаҳои мубрами рӯз, аз қабили пешгирии паҳншавии бемории коронавирус ва роҳҳои ҷилавгирӣ аз он ббаррасӣ шуд.

Инчунин зимни мулоқот мақмоти милитсия ва КДАМ бо сокинону шикорчиёни минтақа дар масоли терроризм – экстремизм, содиршавии ҷиноят дар байни ноболиғон, ба таълимоти ғайриқонунии динӣ фаро гирифтани онҳо, таблиғу ташвиқи анъанаҳои миллӣ, расму оини аждодӣ ва либосҳои миллӣ ибрози андеша намуданд.

Гуфта шудааст, ки дар хотимаи вохӯрӣ сокинони ноҳияи Нуробод барои чунин вохӯрии судманд изҳори миннатдорӣ намуданд.

Кормандони мақомоти ҳифзи ҳуқуқи Тоҷикистон барои боз ҳам тақвият ёфтани ҳамкорӣ бо аҳолӣ як зумра таклифҳо пешниҳод карданд.

628
Барчаспҳо:
вирус, мулоқот, генерал, баррасӣ, кишвар, масъала, Нуробод, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

97
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

97
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

544
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

544
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон