Афзоиши теъдоди мубталоён ба коронавирус дар ИДМ: шумори гирифторон ба 1167 нафар расид

345
(Таҷдидшуда 15:57 24.03.2020)
Шумораи гирифторони коронавирус дар Ӯзбекистон ба 49 расид. Ин дар ҳолест, ки дар маҷмӯъ дар ҳудуди кишварҳои ИДМ шумори гирифторон ба коронавирис ба 1167 нафар расидааст

ДУШАНБЕ, 24 мар — Sputnik. Вазорати тандурустии Тоҷикистон дар истинод ба Созмони ҷаҳонии беҳдошт  (СҶБ) хабар додааст, ки дар рӯзҳои ахир се шаҳрванди дигари Ӯзбекистон, ки ду нафари онҳо аз Россия ва 1 нафари дигар аз Туркия баргаштанд, гирифтори коронавирус шуданд.

Тибқи иттилои манбаъ, ҳамин тариқ, шумораи умумии мубталоён дар ин кишвар ба 49 нафар расид.

Ҳамзамон манбаъ таъкид доштааст, ки ба ҳолати 24 март шумораи умумии гирифторони  коронавирус дар давлатҳои ИДМ 1167 нафарро ташкил медиҳад.

“Аз ҷумла, дар Арманистон шумораи онҳо ба 235, дар Молдова ба 109, дар Беларус ба 81, дар Озарбойҷон ба 72, дар Қазоқистон ба 68 ва дар Қирғизистон ба 42 нафар расид. Дар Россия ва Украина шумораи мубталоён бетағйир боқӣ монда, мутаносибан 438 ва 73 нафарро ташкил медиҳад”, - қайд намудааст манбаъ.

Ҳамзамон манбаъ зикр кардааст, ки дар кишварҳои ИДМ шумораи бемороне, ки шифо ёфтаанд, дар ҳоли афзоиш аст.

“Дар Беларус 22 нафар, дар Россия – 17, дар Озарбойҷон – 10, дар Арманистону Молдова 2-нафарӣ ва дар Украина – 1 нафар шифо ёфта, ба манзили зисташон баргаштанд. Дар Озарбойҷон ва Молдова 1-ҳолатии фавт ва дар Украина се ҳолат ба қайд гирифта шуд”,- хабар додааст вазорати тандурустии Тоҷикистон.

Ба ҳамин тартиб Вазорати тандурустӣ қайд намудааст, ки миёни кишварҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.

Дар ҳамин ҳол, дар Афғонистон шумори гирифторони коронавирус ба 42 нафар расида, аз миёни онҳо 1 бемор шифо ёфт ва 1 тани дигар вафот кард.

Ҳамагӣ дар ҷаҳон беш аз 381 ҳазор нафар ба коронавирус гирифтор шудаанд, ки аз ин шумора беш аз 16 ҳазор нафар вафот карда, зиёда аз 102 ҳазор кас шифо ёфтаанд ва беш аз 12 ҳазор тан дар ҳолати вазнин қарор доранд.

Шумораи кишварҳо ва ҳудудҳои паҳншавии сироят меафзояд. СҶБ имрӯз дар бораи беш аз 190 давлат ва ҳудуд гузориш медиҳад.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Чин (81171), Италия (63927), ИМА (46145), Испания (35136), Олмон (29056), Эрон (23049), Фаронса (19856), Кореяи Ҷанубӣ (9037), Швейтсария (8795) ва Бритониё (6650) дохил мешаванд.

345
Барчаспҳо:
гирифторони беморӣ, афзоиш, ИДМ, вирус, Ӯзбекистон
Жители города Душанбе в медицинских масках на улице

Бидуни фавт: Вазорати тандурустӣ омори ҷадиди коронавирус дар Тоҷикистонро эълон кард

977
(Таҷдидшуда 19:32 25.05.2020)
Вазорати тандурустии Тоҷикистон тозатарин маълумот дар мавриди теъдоди шифоёфтагон, гирифторон ва қурбониёни маризии коронавирусро нашр намуд

ДУШАНБЕ, 25 май – Sputnik. То 25 майи соли равон дар мамлакат 2773 нафар зери назорати табибон қарор доранд, хабар медиҳад Вазорати тандурустии Тоҷикистон.

Ба иттилои манбаъ, дар як шабонарӯзи охир 232 нафар пас аз шифо ёфтан ба хонаҳояшон рухсат дода шудаанд.

Ҳамзамон, манбаъ ба Sputnik Тоҷикистон таъйид намуд, ки  то соати 19:00 дақиқаи 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Фаврӣ: шумораи гирифторони коронавирус дар Тоҷикистон зиёд шуд - омори нав

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

977
Барчаспҳо:
маризон, омор, Вазорати тандурустии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон
Активисты гражданского общества осведомляют о новом коронавирусе в Кабуле

Афзоиши гирифторони коронавирус дар Афғонистон: аз 11 ҳазор гузашт

47
Шабонарӯзи охир дар Афғонистон 591 ҳолати нави сироят ёфтани коронвирус ба қайд гирифта шуда, як нафар аз ин беморӣ ҷон додаст

ДУШАНБЕ, 25 май – Sputnik. Дар Афғонистон, шумораи мубталоён ба коронавирус марзи 11 ҳазор нафар гузашт, хабар медиҳад Tolo News.

Тибқи иттилои Вазорати тандурустии ин кишвар, давоми 24 соати охир дар ҷумҳурӣ 591 ҳолати нави сирояти COVID-19 ба қайд гирифта шудааст.

Ба иттилои манбаъ, теъдоди умумии мубталоён ба ин беморӣ ба 11 582 нафар расид.

 Гузашта аз ин, дар давоми як рӯзи охир танҳо як нафар фавтида ва 22 нафар беморон табобат ёфтанд.

Гуфта мешавад, аз лаҳзаи ворид шудани вирус дар Афғонистон то кунун, 1095 беморе табобат шуданд.

Ёдовар мешавем, ки аввал авҷи сирояти коронавирус ба Эрон расида, сипас ба Афғонистон ҳамсояи он интиқол ёфт.

Аввалин гирифтори беморӣ дар ин кишвар танҳо дар вилояти Ҳирот, ки бо Эрон ҳамсарҳад аст, пайдо шуда буд.

Пас аз чанде, дар Вазорати Тандурустии Афғонистон пешгӯӣ карда шуд, ки тибқи он 80% аҳолии ин кишвар коронавирусро аз сар мегузаронад.

47
Барчаспҳо:
маризон, гирифторон, омор, вирус, Афғонистон
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

301
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

301
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон