Пограничник. Архивное фото

ВУХ аз баста шудани гузаргоҳҳои марзӣ миёни Тоҷикистону Қирғизистон хабар дод

899
(Таҷдидшуда 17:09 24.03.2020)
Маҳдудияти мазкур нисбати шаҳрвандони Тоҷикистон ва шаҳрвандони дигар кишварҳо, ки аз Тоҷикистон берун мешаванд, ронандагони автомобилҳои боркаш, дипломатҳо ва инчунин аъзои ҳайатҳои ҳукуматӣ татбиқ намегардад

ДУШАНБЕ, 24 мар — Sputnik. Вазорати умури хориҷии Тоҷикистон аз баста шудани гузаргоҳҳои сарҳадӣ миёни Тоҷикистон ва Қирғизистон хабар медиҳад.

Бар хабари котиботи ВУХ, тасмими баста шудани фаъолияти гузаргоҳҳо сар имрӯз, 24 - уми март ба ҳукми қонунӣ медарояд. Гуфта мешавад ин тасмим да робита ба эълон шудани пандемия ва авҷи маризии сироятии коронавирус дар Қирғизистон ба назар гирифта шудааст.

Коршинос: бастани марз бо Афғонистон марзнишинонро бечора мекунад

Бояд таъкид кард, ки маҳдудияти мазкур нисбати шаҳрвандони Тоҷикистон ва шаҳрвандони дигар кишварҳо, ки аз Тоҷикистон берун мешаванд, ронандагони автомобилҳои боркаш, дипломатҳо ва аъзои оилаи онҳо, ки дар Ҷумҳурии Тоҷикистон аккредитатсия шудаанд, инчунин аъзои ҳайатҳои ҳукуматӣ татбиқ намегардад.

Қобили зикр аст, ки ба далели хуруҷи ин маризӣ дар ҷаҳон кишварҳои Осиёи Марказӣ ба мисли дигар давлатҳо, сарҳадашонро маҳкам намуданд.

Маризии даҳшатбори коронавирус феълан дар Тоҷикистон зуҳур накардааст, аммо дар кмишварҳое, Ӯзбекистон, Қирғизистон ва Қазоқистонин маризӣ аллакай хуруҷ кардааст ва теъдоди сироятёфтагон дар ҳоли афзоишанд.

899
Барчаспҳо:
марз, Қирғизистон, Тоҷикистон
Гололедица , архивное фото

Ҳушдори КҲФ ба ронандаҳо: то 27 ноябр яхбандӣ ва тармафароӣ мешавад

71
(Таҷдидшуда 19:16 24.11.2020)
Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст

ДУШАНБЕ, 24 ноя — Sputnik. Кумитаи ҳолатҳои фавқулода аз яхбандӣ дар роҳҳои мошингард ва ҳамзамон тармафароӣ ҳушдор медиҳад.

Ба иттилои манбаъ, дар қитъаҳои роҳҳои мошингарди "Душанбе — Чанок", "Душанбе — Ваҳдат — Лахш", "Душанбе — Рашт", "Душанбе — Сангвор", "Душанбе — Кӯлоб", "Шоҳин — Дарвоз", "Ванҷ- Хоруғ", "Хоруғ — Ишкошим — Мурғоб" эҳтимоли яхбандӣ, тӯдашавии барф дар баъзе ҷойҳо, инчунин дараҷаи баланди хатари фаромадани тарма мавҷуд аст.

КҲФ аз сардшавии ҳаво, боришоту яхбандӣ ва лағзиши тарма ҳушдор медиҳад

Ба шаҳрвандон тавсия дода мешавад, ки дар ин рӯзҳо аз мусофират, сафарҳо ба мавзеъҳои аз лиҳози фаромадани тарма хатарнок худдорӣ кунанд, ҳушёр ва эҳтиёткор бошанд.

"Ронандагон ҳангоми ҳаракат дар минтақаҳои кӯҳӣ ё қитъаҳои дорои хатари фаромадани тарма бояд фосилаи муқарраршудаи байни мошинҳоро қатъиян риоя кунанд, дар роҳҳо бодиққат ва эҳтиёткор бошанд", - шарҳ доданд дар Кумитаи ҳолатҳои фавқулода.

Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст.

71
Барчаспҳо:
тармафароӣ, ҳушдор аз яхбандӣ, яхбандӣ, ҳушдор

Вазорат аз 39 ҳолати нави сироятёби ба COVID-19 дар Тоҷикистон хабар дод

16
(Таҷдидшуда 19:02 24.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 24 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 39 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 24 ноябр 11 ҳазору 971 ҳолатро ташкил медиҳад.

"Дар як шабонарӯзи охир 43 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 355 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8% - и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID - тадбир ва чораҳои заруриро амалӣ менамояд.

16
Барчаспҳо:
фавт, вазорат, вируси корона, Тоҷикистон