Санаторий Бахористон

Истироҳатгоҳи режими шадид: шароити карантин дар Тоҷикистон чигуна аст

520
(Таҷдидшуда 14:12 26.03.2020)
Мусофироне, ки аз хориҷа ба Тоҷикистон меоянд зери назорати шадиди пизишкон гирифта мешаванд. Шароити карантин барои мусофирон гуногун аст. Бархеҳо дар биноҳои сарду куҳна ва дигаре дар биноҳои сатҳи олӣ нигаҳдорӣ мешаванд

ДУШАНБЕ, 26 мар — Sputnik. Дар Тоҷикистон аз ҳафтаи гузашта тамоми нафаронеро, ки аз хориҷа ба ҷумҳурӣ ворид мегарданд ба таври ҳатмӣ, зери карантин қарор мегиранд.  Пас аз фуруд омадани ҳавопаймо, мусофиронро ҳамроҳ бо бағоҷҳояшон аз фурудгоҳ бо автобусҳо ба минтақаҳои карантин мебаранд.

Аммо ташкилкунандагони карантин на ҳама вақт дар ташкили шароит муваффақ мебошанд. Барои мисол як гурӯҳ шаҳрвандони Тоҷикистонро, ки ахиран ҳавопаймо ба кишвар расонданд,  дар шароите ҷойгир карданд, ки дар он на шароити зиндагӣ ва на тиббӣ буд.  

Sputnik Тоҷикистон бо бархе аз мусофирон суҳбат карда, аз шароити карантин дар кишвар пурсон шуд.

“Ман аз Лондон тавассути Дубай омадам. Аз овозаҳо фаҳмидам, ки ин парвози охирин аст ва мо ба он бо душворӣ расидем. Пас аз он, ки ба Душанбе расидем, ман худам мехостам ба хона нарафта ба карантин равам. Тамоми мусофирон то охир намедонистан, ки моро чӣ интизор аст. Баъзеҳо мегуфтан моро ба карантин мебаран баъзеҳо мегуфтанд ба хона ҷавоб медиҳанд”, - ба ёд меорад Дилрабо.

21 март соати 2-и шаб баъд аз чандин соати интизорӣ ба мусофирон бағоҷҳояшонро доднад ва масъулин вазъро ба мо шарҳ доданд: бино бар хатари паҳншавии коронавирус шаҳрвандонро барои аз ташхис гузаштан ба беморхонаи “Истиқлол” мебарем. Ба карантин нафароне гирифта хоҳанд шуд, ки натиҷаи ташхисаши онҳо манфӣ мебошад, дигаронро ҷавоб медиҳем.

Ин гуфтаҳоро як мусофири дигар низ тасдиқ кард.

“Ҳавопаймои мо шаб ба фурудгоҳи Душанбе фуруд омад. Ҳама монда буд ва мехостем ба зудӣ ба хона бирасем. Аммо пас аз убури сарҳад дар фурудгоҳ ҳамаро дар як ҷой ҷамъ оварданд ва ба ду гурӯҳ тақсим карданд. Ҳамаро ба автобусҳо шинонданд ва ба куҷое бурданд. Гуфтан ба хотири ҷилавгири аз паҳншавии вирус моро аз ташхис мегузаронанду сипас ба хонаҳо ҷавоб медиҳанд”, - гуфт  Нилуфар.  

Аммо дар асл мисли ҳамеша кор ранги дигар гирифт.

Сардӣ, гуруснагӣ ва оромӣ

Аввалин гурӯҳи 80 нафариро ба “Маркази ҷумҳуриявии бемориҳои пӯст ва узвҳои таносул" оварданд. Шиносномаҳоро ҷамъ карданд ва ба утоқҳо ҷо ба ҷо карданд. Утоқҳо ба гуфтаи шоҳидон умуман ба қабули беморон омода набуд: мусофирон шоҳиди аз даромадгоҳ шоҳиди бинои сарду шароити ғайри санитарӣ шуданд.

“Дар утоқҳое, ки барои ҷойгир намудани 5-6 нафар дар бар гирифта шуда буд, 10-12 кати хоб гузошта шуда буд. Моро катҳои куҳнаи даврони шуравӣ, бистарҳои чиркин, намнокӣ, деволҳои мағори сиёҳ баста ҷойпӯш ва кӯрпаҳои дарида  интизор буд. Мо шоҳиди бинои куҳнаи даврони Шӯравӣ шудем, ки ҳеҷ шароите надорад”, - гуфт Саодат.

Мусофирони хаста шабро рӯз карданду субҳи содиқ аз пайи ҷустуҷӯи роҳбарият шуданд.

 

Пассажиров отправляют на карантин
Пассажиров отправляют на карантин

 

“Роҳбарият баъд аз зуҳр расид. Онҳо бидуни ниқобу либоси махсус омаданд. Вақте, ки мо дар бораи ташхис пурсидем, онҳо бо тааҷуб ба мо гуфтанд, ки ҳеҷ гуна ташхис дар ин бемористон нест ва набуд. Дастгоҳи ҳарорати бадансанҷӣ дар ин бемористон як дона буд ва нишондиҳандаҳои онро касе назорат намекунад. Корҳои санитарӣ дар бинову утоқҳо дар дӯ рӯз як маротиба гузаронида мешавад. Аз рӯи қоида ин кор бояд ду маротиба дар як рӯз гузаронида шавад”- гуфт як зани шоҳид.

Ин ҳам дар ҳолест, ки дар бемористони мазкур беморони қабли ҳам табобат меёбанд.

“Ман бо духтарам аз истироҳатгоҳ баргаштам. Бо худ либоси гарм надоштем. Шаб дар сарди ларзида, субҳро интизор шудем. Ба шавҳарам занг задам, вай барои мо дастгоҳи гармидиҳӣ, рахти хоби тоза, косаву пиёла, чойнаки электрикӣ ва тамоми лавозимоти зарурӣ овард. Акнун ҳар рӯз шавҳарам барои мо ғизо меорад, чунки он ғизое, ки дар инҷо ба мо медиҳанд хурданаш як каме хатар дорад”, - гуфт як модари эҳсосӣ.

Дарҳои ҳоҷатхона ва ҳаммоми занона кулф надоранд ва он баста намешаванд. Ҳаммоми мардона бошад қулф дораду аммо аз нисф зиёди дараш шишагин аст, ки тамоми ҳаммом ҳамчун кафи даст аст.   

Шароити бад  

Гурӯҳи дуюмро низ ба карантин равон карданд. Аксари мусофирон нигарони мекашиданд, ки баъд аз фуруд омадани ҳавопаймо бо онҳо чӣ кор хоҳанд кард.

“Вақте, ки ба автобус нишастем маълумот дигар шуд. Маълум шуд, ки мардумро ба лагери кӯдаконаи “Зимчуруд”-и  Варзоб мебаранд ва ба ҳамонҷо гурӯҳи пизишкон меоянд. Чанд зан аз хориҷа баъд аз ҷарроҳи баргашта буданд ва ба нигаҳдории махсус ниёз доштанд”, - гуфт як шоҳиди дигар.

Маълум шуд, ки лагери кӯдакона то охир сохта нашудааст ва ягон шароит барои нигаҳдорӣ таъмин нашудааст. Бино наму сард буд.

“Вақте, ки мо шароит нигаҳдориро дидем, ҷанҷол шурӯъ  шуд. Аз аввал ба хуби фаҳмондем, ки дар инҷо ҳеҷ шароите барои зиндагӣ нест. Сипас ба тамоми мақомотҳои мухталифи давлатӣ шикоят бурдем то ба мо дастгоҳи гармидиҳӣ диҳанду об гузаронанд, чунки барои 100 нафар 6 ҳоҷатхона буд ва ҳамааш бидуни об”, - гуфт Дилрабо.

Пизишконе, ки ҳатто дар ин бора иттилоъ надоштанд, ба ҳар ҳол сафарбар карда шуданд. Онҳо ҳатто ниқобу дасткаш надоштанд. Онҳо лавозимот ва дармонҳои одӣ дар даст доштанд.

Барои беҳбуд кардани шароит расонаҳои хабарӣ кумак карданд. Дар шабакаҳои иҷтимоӣ аксу наворҳо аз ҷой ва шароити нигоҳдорӣ пайдо шуд.

Қисса ба хуби анҷом ёфт

Баъд аз ин мақомот барои рафъи ин камбудиҳо зуд талош кард. Баъд аз як рӯз эълон карданд, ки чизу чораҳоятонро ҷамъ кунед, Шуморо ба дигар ҷой мебаранд. Аксар нигарон буданд, ки баъд шикоятҳо онҳоро боз ба ҷои бадтар мекучонанд. Аммо ҷойи нав дар ҳақиқат беҳтар будааст.

 

Вид из санатория
Вид из санатория

 

“Моро ба истироҳатгоҳи Харангон барои куҳансарбозони ҶБВ ва қаҳрамонони меҳнат бурданд. Утоқҳои гарм ва тамоми шароит барои нигаҳдорӣ дар карантин мавҷуд аст. Утоқҳо дорои ҳоҷатхона, чойнак, яхдон мебошанд. Мардум бо хуроки гарм таъмин ҳастанд ва пизишкон дар як рӯз чанд маротиба аз мо хабар мегиранд”, - гуфт як духтари ҷавон.

Мушкили бо гигиена ва чораҳои санитарӣ вуҷуд надорад. Пизишкон бо ниқоб ва либосҳои махсусаснд.

Ҳоло карантин бештар ба буду бош дар истироҳатгоҳ шабоҳат дорад. Дар рӯзҳои боду ҳавои хуб мардум ба сайру гашт мебароянд ва аз ҳавои тоза нафас мекашанд.

Ҳарчанд мардум дар карантин қарор доранд онҳоро гуфтугӯ бо наздиконашон маҳрум накардаанд. Хешу табор метавонанд ба наздикони худ лавозимоти иловагӣ ба монанди доруву либоси тоза биёранд.

Дар “Харангон” тақрибан 500 нафар ҷойгир карда шудааст. Дар маҷмӯъ ба карантин беш аз 3 ҳазор нафар гирифтор шудааст. Мақомот умедвор аст, ки дар ду ҳафтаи наздик миёни нафароне, ки ба карантин гирифтор шудаанд, коронавирус ошкор нагардад.

Дар ҳамин ҳол, паҳни коронавирус авҷ гирифтааст. Аз ҷумла дар кишварҳои ҳамсояи Тоҷикистон. Шумори гирифторон ба коронавирус дар Қирғизистон 3 баробар афзоиш ёфта аз 16 ба 42 нафар расид ва дар Ӯзбекистон шумори нафарони ба ин вирус гирифторшуда  ба 45 нафар расид.

520
Барчаспҳо:
нигаҳдорӣ, сардӣ, бино, шароит, назорат, мусофирон, Тоҷикистон
Визит принца Карим Ага-Хана IV в Болгар

63 соли имомати Оқохони IV: исмоилиён ид доранд-акс

96
Исмоилиёни ҷаҳон имрӯз 11 июл 63-юмин солгарди ба тахти Имомат нишастани Шоҳ Карим ал Ҳусайниро таҷлил доранд

ДУШАНБЕ, 11 июл — Sputnik. Оқохони IV - Шоҳ Карим ал Ҳусайнӣ, 49-умин имоми исмоилиёни ҷаҳон, пас аз бобояш Султон Муҳаммадшоҳ Оқохони севвум, дар рӯзи 11 июли соли 1957, дар синни 20-солагӣ ба симмати мазкур баргузида шуд.

Пайравони исмоилия дар Тоҷикистон, ки теъдодашон ҳудуди 200 ҳазор нафар арзёбӣ мегардад, дар баробари ҳаммазҳабонашон аз нуқоти гуногуни ҷаҳон 11 июлро ҳамчун Рӯзи Имомат таҷлил мекунанд.

Дар Вилояти Мухтори Куҳистони Бадахшон, ки исмоилиёни Тоҷикистон асосан дар он ҷо зиндагӣ мекунанд, дар ин рӯз чорабиниҳои фарҳангию маърифатӣ баргузор мегарданд. Чун хизмат ба ҷамоатро исмоилиён аз арзишҳои аслии ҳаётии худ медонанд, дар ин рӯз бисёри хизматрасониҳо дар навоҳии ВМКБ, аз ҷумла мусофирбарию дигар намуди хадамот ройгон сурат мегиранд.

Кумаки Ожонси Оқохон барои мубориза бо COVID-19 дар Суғду Хатлон-аксҳо

Дар шароити пандемия таҷлили рӯзи Имомат низ бо бархе тағйирот амалӣ мешавад ва бисёри чорабиниҳои фарҳангию маърифатӣ тариқи онлайн баргузор мешаванд. Аз ҷумла созмони Нур дар Русия эълон кард, ки дар шароити маҳдудиятҳои марбути пандемия бархе чорабиниҳои фарҳангию маърифатӣ тариқи онлайн сурат мегиранд.

Шоҳзода Карим Оқохон 13 декабри соли 1936 дар шаҳри Женеваи Швейсария дар хонаводаи шоҳзода Алӣ Салмонхон ва бону Тоҷуддавла Алихон ба дунё омадааст. Вай дастпарвари донишкадаи исломшиносии Донишгоҳи Ҳарвард буда, бунёдгузор ва сарвари Шабакаи тавсеъаи Оқохон (AKDN) аст. Ӯ пас аз падарбузургаш Султон Муҳаммадшоҳ дар рӯзи 11 июли соли 1957, дар 20-солагӣ пешвои руҳонии исмоилиёни ҷаҳон шудааст.

96
Матч между душанбинским Истиклолом и Худжандом

Дархости Тоҷикистон барои баргузории бозиҳои гуруҳии Ҷоми Осиё-2020 дар Душанбе

65
Конфедератсияи футболи Осиё ҷадвали рақобатҳо марҳилаи гурӯҳии Ҷоми Конфедератсияи футболи Осиё-2020-ро дар минтақаи Осиёи Марказӣ нашр намуд.

ДУШАНБЕ, 9 июл – Sputnik. Тибқи иттилои федератсияи Футболи кишвар,  тақвими бозиҳо пас аз баррасиҳои зиёд аз ҷониби раҳбарияти Конфедератсияи футболи Осиё ва ҳайаташ гирифта шуд.

Тоҷикистон дар Ҷоми Конфедератсияи футболи Осиё-2020 шомили гуруҳи "D" мебошад.

Ба иттилои манбаъ, бозиҳои гурӯҳи "D" бо иштироки дастаҳои футболи  "Истиқлол"-и Тоҷикистон, "Алтин Асир"-и Туркманистон, "Дордой"-и  Қирғизистон ва "Хуҷанд"-и  Тоҷикистон аз 23  октябр то 4  ноябри соли равон, доир мешаванд.

Ба иттилои манбаъ, ҳар чор бозӣ  дар як кишвар доир мегардад, ки  то ҳануз дақиқи набуда, тасмими ниҳоӣ дар бораи макони баргузорӣ рӯзҳои наздик гирифта мешавад.

ФФТ мегӯяд, барои баргузории ин рақобатҳо дар Душанбе дархост ирсол кардаанд.

Ғолиби гурӯҳ дар нимфинали байниминтақавӣ, ки 24-25 ноябр пешбинӣ шудааст, бозӣ мекунад. Бозии финалии байниминтақавӣ 2 декабр ва рақобати ниҳоии Ҷоми AFC 12 декабр доир мешавад.

 

65
Пассажиры в здании Казанского вокзала во время дезинфекционной обработки вокзала

Анҷумаи ширкатҳои сайёҳии Русия бозшавии сарҳадҳоро пешгӯӣ кард

0
(Таҷдидшуда 12:34 11.07.2020)
Анҷумаи ширкатҳои сайёҳии Русия пешгӯии хушбинонаро барои  барқарор кардани парвозҳои байналмилалӣ гуфт

ДУШАНБЕ, 11 июл – Sputnik. Парвози хатсайрҳои мусофирбари ба минтақаҳои сайёҳие, ки маъмулан мардуми рус ба он таваҷҷуҳ доранд, дар гумон аст пеш аз  охири моҳи сентябр - октябр барқарор шавад,  гуфт  Мая Ломидзе, директори иҷроияи Анҷумани ташкилотҳои сайёҳии Русия (ATOR) зимни суҳбаташ дар эфири радиои "Говорит Москва".

Мая Ломидзе изҳор доштааст, ки пешгӯии аз ҳама хушбинона авохири моҳи сентябр – октябр хоҳад буд.

Ба гуфтаи вай, дар навбати аввал, интиқол ба ҷойҳои маъмултарини туристӣ дубора барқарор карда мешавад.

Вай илова намуд, ки набояд дар илова ба ҳодисаҳои рухдода асабонияти худро зиёд кард.

"Аммо ин маънои онро надорад, ки мо дар соли 2020 ба ҳеҷ ҷо парвоз нахоҳем кард. Албатта, ин саволест, ки ҳама ҳам сайёҳон ва ҳам соҳаи туризм мепурсанд. Ин як саволи муҳим аст, вақте имконпазир мешавад мо на танҳо шаҳрвандони худро фиристем, балки шаҳрвандони хориҷиро низ қабул мекунем".

Ба гуфтаи вай, бояд дарк кард, ки вазъ хеле зуд тағир меёбад.

Ломидзе ёдовар шуд, ки Хорватия охири моҳи июн боз шуд, дар моҳи май Туркия эълом дошт, ки барои қабули шаҳрвандони Русия омода аст.

"Булғория омодагии худро барои қабули шаҳрвандони Русия эълом кард. Ҳама эҳсос доштанд, ки фавран, агар пагоҳ набошад, пас аз фардо, мо ба баъзе кишварҳо парвозро оғоз хоҳем кард" Анҷумани ширкатҳои сайёҳӣ.

Вай афзуд, ки агар вазъи эпидемиологӣ дар ҷаҳон бадтар шавад, маҳдудияти кушодани сарҳадҳо метавонад тамдид ёбад. Бар асоси пешгӯиҳо, равуои байналмилалӣ танҳо дар моҳи декабр дубора барқарор мешавад.

"Ҳоло мо медонем, ки кушодашавии парвозҳо ба ягон минтақаи сайёҳӣ то охиримоҳи июл мӯъҷиза хоҳад буд, ва дар гумон аст. 99 фоиз - не. Август сахт зери суол аст" гуфт ӯ.

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

0