Русия боз ба Тоҷикистон барои санҷиши коронавирус тест дод

© © Sputnik / Владислав ВодневПробирка с коронавирусом 2019-nCoV
Пробирка с коронавирусом 2019-nCoV  - Sputnik Тоҷикистон
Обуна шудан
Ба воситаи 201 таҷҳизоте, ки Русия ба Тоҷикистон дастрас кардааст, метавон 21 ҳазор санҷиш анҷом дод.

ДУШАНБЕ, 27 мар — Sputnik. Русия ба Тоҷикистон барои мубориза бо вируси корона бастаи севуми тестҳои санҷиширо ирсол кард, хабар медиҳад дафтари матбуоти Сафорати кишвар дар Тоҷикистон.

Пробирка с тестом на коронавирус в руках  - Sputnik Тоҷикистон
Шумори гирифторони коронавирус дар ҷаҳон аз ним миллион гузашт: ИМА дар ҷойи аввал
Дар умум 210 таҷҳизоте, ки фиристода шудааст, имконияти гузаронидани 21 ҳазор санҷиши вирусро дорад.

"Дар шароити мураккаби кунунӣ, Русия қарор дод, ки қисми калони тестҳои аз ҷониби мутахассисони ватанӣ коркардшударо ба Тоҷикистон ирсол кунад. Умед дорем, ки онҳо дар кишвар ба пешгирии паҳншавии COVID-19 мусоидат хоҳанд кард", - гуфтааст сафири Русия дар Тоҷикистон Игор Лякин-Фролов.

Феълан низ пизишкони тоҷик аз тестҳое истифода мебаранд, ки моҳи феврал аз Русия ирсол шуда буданд.

Дар Тоҷикистон вируси корона ба қайд гирифта нашудаст. Аммо шаҳрвандоне, ки аз минтақаҳои хатарзо баргаштаанд, ба карантин фаро гирифта мешаванд.

Лентаи хабарҳо
0