Эмблема Центральной комиссии по выборам и референдумам  Республики Таджикистан

Эълони номи 25 узви нави Маҷлиси миллӣ: аз Рустам Эмомалӣ то Файзов, Аҳмадзода, Ҳакимзода

2937
(Таҷдидшуда 18:16 27.03.2020)
Комиссияи марказии интихобот ва раъйпурсии Тоҷикистон интихоботи даъвати нави аъзои Маҷлиси миллиро баргузоршуда эълон намуда, феҳрасти 25 узви тозаинтихоби онро нашр кардааст

ДУШАНБЕ, 27 мар — Sputnik. Тибқи иттилои КМИР, дар панҷ ҳавзаи бисёрмандатии интихоботӣ бо иштироки 2 ҳазору 163 нафар вакилони интихобкунанда, аъзои нави Маҷлиси миллӣ интихоб гардиданд. Хабаргузории "Ховар" аз қавли КМИР феҳрасти 25 узви тозаинтихоби Маҷлиси миллиро нашр кардааст.

Аз ҷумла аз ҳавзаи бисёрмандатӣ дар Вилояти Мухтори Кӯҳистони Бадахшон №1 панҷ нафар ба узвияти Маҷлиси миллӣ интихоб гардиданд.

  • Файзов Ёдгор Доёрович – раиси  Вилояти Мухтори Кӯҳистони Бадахшон
  • Абдураҳмонзода Саидбурҳони Саидраҳмон – раиси ноҳияи Дарвози Вилояти Мухтори Кӯҳистони Бадахшон
  • Додхудо Фаррух Муборакшо – раиси ноҳияи Рӯшони Вилояти Мухтори Кӯҳистони Бадахшон
  • Мирзозода Мусо Одинамуҳамад – раиси ноҳияи Ишкошими Вилояти Мухтори Кӯҳистони Бадахшон
  • Қонунзода Шодигул Худобахш – директори Муассисаи давлатии таълимии "Мактаби Президентӣ барои хонандагони болаёқат дар шаҳри Хоруғи Вилояти Мухтори Кӯҳистони Бадахшон".

Панҷ нафари дигар аз ҳавзаи интихоботии бисёрмандатӣ дар вилояти Суғд №2 ба Маҷлиси миллӣ роҳ ёфтанд.

  • Аҳмадзода Раҷаббой – Раиси вилояти Суғд
  • Набизода Мадина Раҳмат — директори Муассисаи давлатии таълимии «Мактаби Президентӣ барои хонандагони болаёқат дар шаҳри Бӯстон»
  • Ҳакимзода Карима Исроиловна – сартабиби беморхонаи №1-и Ҷамоати деҳоти Ворухи шаҳри Исфара
  • Мӯъминова Фирӯза Исроиловна – мудири шуъбаи кор бо занон ва оилаи мақомоти иҷроияи ҳокимияти давлатии шаҳри Истаравшан
  • Шукурзода Мурод Ҷура – раиси Кумитаи иҷроияи Ҳизби Халқии Демократии Тоҷикистон дар шаҳри Панҷакент

Аз ҳавзаи интихоботии бисёрмандатӣ дар вилояти Хатлон №3 нафарони зерин интихоб шудаанд.

  • Ҳакимзода Қурбон – раиси вилояти Хатлон
  • Одилзода Дилбар Раҳим – директори Муассисаи давлатии таълимии “Мактаби Президентӣ барои хонандагони болаёқат дар шаҳри Кӯлоб”
  • Одиназода Бозоралӣ Неъмат – раиси ноҳияи Мир Сайид Алии Ҳамадонии вилояти Хатлон
  • Шоҳиён Зарифхӯҷа Фақер – иҷрокунандаи вазифаи раиси ноҳияи Панҷи вилояти Хатлон
  • Шоиддинов Файзиддин Таваккалович – директори Неругоҳи барқи обии “Норак” ба номи Т.Улҷабоев

Аз ҳавзаи интихоботи бисёрмандатӣ дар шаҳри Душанбе № 4 низ 5 нафар ба палатаи болоии парлумон интихоб шуданд.

  • Рустами Эмомалӣ – Раиси шаҳри Душанбе
  • Раҳмон Дилшод Сафарбек – декани факултети ҳуқуқшиносии Донишгоҳи миллии Тоҷикистон
  • Гулзода Маҳмадшоҳ Қурбоналӣ — ректори Донишгоҳи давлатии тиббии Тоҷикистон
  • Амонзода Илҳом Темур – ректори Донишгоҳи технологии Тоҷикистон
  • Одилбекова  Лола Қиёбековна – мудири шуъбаи маорифи ноҳияи Исмоили Сомонии шаҳри Душанбе

Аз ҳавзаи интихоботии бисёрмандатӣ дар шаҳру ноҳияҳои тобеи ҷумҳурӣ №5 низ мақомдорони ҳукуматҳои ноҳиявӣ ба Маҷлиси миллӣ интихоб шудаанд.

  • Хоҷазода Фарзона Ҳаким – муовини раиси шаҳри Ваҳдат
  • Акрамзода Рустам – раиси ноҳияи Рӯдакӣ
  • Ҷумъазода Шарифҷон – раиси шаҳри Ҳисор
  • Вализода Абдуқодир Исуф – раиси шаҳри Турсунзода
  • Муқими Раҳимҷон Набизода – раиси ноҳияи Рашт

Интихоботи аъзои Маҷлиси миллии Тоҷикистон имрӯз 27 март баргузор шуда, дар он беш аз 2 ҳазору 163 вакили интихобкунанда аз маҷлисҳои вилоятию шаҳрӣ иштирок кардаанд.

2937
Барчаспҳо:
овоздиҳӣ, интихобот, Маҷлиси миллӣ, Тоҷикистон
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

81
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

81
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

141
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

141