Маҳмадсаид Убайдуллоев, раиси Маҷлиси миллии Тоҷикистон, акс аз бойгонӣ

Ҳамдигарро таъриф карда, ба осмон набарорем: Убайдуллоев дар бораи мансабдорону коррупсия

8340
(Таҷдидшуда 15:34 29.03.2020)
Маҳмадсаид Убайдуллоев, раиси Маҷлиси миллии Тоҷикистон, изҳор дошт, ки талаботи мардум аз мақомдорон бештар шудаасту онҳо бояд ҷавобгӯй бошанд

ДУШАНБЕ, 29 мар — Sputnik. Убайдуллоев дар ҷаласаи охир зимни шунидани гузориши Юсуф Раҳмон, додситони кулли Тоҷикистон, бо зикри бархе дастовардҳо дар кори ин мақомот, таъкид кард, ки ҳадафи чунин гузоришҳо танҳо таърифу тавсиф нест.

“Ҳамчуноне гуфтам, ҳисоботро на барои он мешунавем, ки якдигарро таърифу тавсиф карда, ба осмон барорем, зеро талаботи ҷомеа нисбат ба фаъолияти ҳар яки мову шумо пурзӯртар шудааст”, - изҳор дошт Убайдуллоев дар хитоб ба мақомдорон ва таъкид намуд, ҳар яки онҳое, ки интихоб ё ба мақомҳои баланди давлатӣ таъйин шудаанд, бояд ба талаботи мардум бештар ҷавобгӯй бошанд.

Ӯ афзуд, ки ба баъзе  масъалаҳо диққати бештар дода шавад ва аз ҷумла дастгирии соҳибкориро зикр карда, ба ҳозирин гуфт, агар дар ҷомеа иқтисодиёт набошад, заминаи молиявӣ набошад, мову шумо фаъолият карда наметавонем.

"Тавре огаҳӣ доред, ҷаҳон дар остонаи буҳрони навбатии иқтисодии молиявӣ қарор дорад. Дар ин бобат, прокурори генералӣ бояд имконият ва фишангу неруи назорати прокурориро баҳри ҳифзи манфиатҳои иқтисодии кишвар, пешгирии афзоиши шумораи бекорон, қарзи музди меҳнат, ҳимояи молистеҳсолкунандагони ватанӣ ва масъулияти иҷтимоии соҳибкорон равона созад", - хабар дод нашрияи “Садои мардум” аз қавли Убайдуллоев.

Раиси Маҷлиси миллӣ инчунин коррупсияро таъкид намуда, дар хитоб ба Юсуф Раҳмон афзуд, аҳли ҷомеа ба умеди он аст, ки муборизаи беамон, доимӣ, пайгирона бо ин зуҳурот, ки аз вабо бадтар аст, бояд амалӣ карда шавад.

8340
Барчаспҳо:
Маҳмадсаид Убайдуллоев, коррупсия, Тоҷикистон
Приветственная Стелла в город Варзоб, архивное фото

Дар ноҳияи Варзоб дигар коронавирус нест?: мақомот ба муовини сарвазир чӣ иттилоъ дод

8
(Таҷдидшуда 11:32 03.06.2020)
Дар ҷаласаи як ҷаласа мақомоти ноҳияи Варзоб ба муовини сарвазири кишвар иттилоъ дод, ки дар ноҳияи Варзоб охирин беморони гирифтори COVID-19 табобат ёфта, аз беморхона ҷавоб шуданд

ДУШАНБЕ, 3 июн - Sputnik. Дар ин бора зимни ҷаласаи ҷамъбастии назди муовини Сарвазири мамлакат Ширин Исматуллозода, ки 2 июн дар ноҳияи Варзоб баргузор гардид, гузориш дода шудааст, иттилоъ додааст АМИТ “Ховар”.

Гуфта шудааст, ки зимни ҷаласа ба муовини сарвазири кишвар гузориш дода шуд, ки дар беморхонаи  ноҳияи Варзоб низ охирин беморони гирифтори COVID-19 табобат ёфта, ҷавоб шуданд.

Ҳамчунин дар ҷаласа таъкид гардид, ки дар пешгирии ин сироят сар аз давраи гӯшанишинӣ то бартарафкунии он раиси ноҳия, кормандони соҳаи тиб ва дигар масъулин саҳми арзанда гузоштанд.

Дар ҳамин ҳол, муовини сарвазир Ширин Исматуллозода ба мақомоти ноҳия дастур додааст, ки корҳои безараргардониро давом дода, бо аҳолӣ ҳамеша тамос шаванд.

Ҳамзамон манбаъ қайд намудааст, ки давоми чанд рӯзи охир чунин ҷаласаҳои корӣ таҳти роҳбарии Ширин Исматуллозода дар шаҳру навоҳии Турсунзода, Ҳисор, Рӯдакӣ, Шаҳринав ва Ваҳдат низ баргузор гардиданд.

Гуфта шудааст, ки дар доираи дастуру супоришҳои Президенти Тоҷикистон фаъолияти духтурони минтақавӣ, дармонгоҳҳо, касалхонаҳо ва тамоми муассисаҳои соҳаи тандурустӣ тибқи реҷаи 24 соат дар шабонарӯз фаъолият намуда, ташхис, қабул ва ҷобаҷокунии беморон зери назорати бевоситаи мутахассисон қарор дорад.

Бояд гуфт, ки тибқи  дастури Президенти Тоҷикистон Эмомалӣ Раҳмон гурӯҳи корӣ таҳти роҳбарии муовини сарвазири Ширин Исматуллозода бо мақсади таҳлили  ҳолати воқеии  пешгирӣ ва табобати бемории коронавируси навъи COVID-19 ва гузаронидани корҳои фаҳмондадиҳӣ дар шаҳру ноҳияҳои тобеи ҷумҳурӣ ба сафари корӣ баромад.

8
Барчаспҳо:
ҷавоб, беморхона, бемор, муовини сарвазир, вирус, Варзоб, Тоҷикистон
Душанбе, архивное фото

Борони суст: пешбинии дақиқи ҳавошиносон барои имрӯз

67
(Таҷдидшуда 11:35 03.06.2020)
Имрӯз дар Тоҷикистон ҳавои камабр ва тағйирёбанда дар назар буда, эҳтимоли бориши нисбатан сусти борон пешбинӣ шудааст

ДУШАНБЕ, 3 июн - Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, дар ноҳияҳои алоҳида борони кӯтоҳмуддат меборад. Бод аз сӯи шарқ бо суръати 2-7 метр дар як сония мевазад.

Ҳаво дар ғарби вилоят   шабона 9+14 ва рӯзона 24+29 дараҷа гарм  мешавад. Дар  шарқи вилоят  ҳаво шабона аз 1  дараҷа хунук то 4 дараҷа гарм ва рӯзона 10+15 дараҷа гарм мешавад, хабар медиҳад АМИТ "Ховар" аз қавли Ожонс.

Ҳаво дар вилояти Суғд  камабр ва тағйирёбанда шуда,  дар водиҳо эҳтимоли бориши нисбатан сусти марҳилавӣ (0-0,5мм) дар назар аст. Дар ноҳияҳои алоҳидаи кӯҳӣ ва доманакӯҳӣ борони кӯтоҳмуддат борида, дар баъзе ноҳияҳо раъду барқ ба амал меояд. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 18+23 ва рӯзона 34+39 дараҷа гарм  мешавад. Дар ноҳияҳои кӯҳӣ ҳаво шабона 4+9  ва рӯзона 20+25 дараҷа гарм мешавад.

Дар вилояти Хатлон  ҳаво камабр ва тағйирёбанда шуда,  эҳтимоли бориши нисбатан сусти марҳилавӣ дар назар аст. Дар ноҳияҳои алоҳидаи доманакӯҳӣ борони кӯтоҳмуддат борида, дар баъзе ноҳияҳо раъду барқ ба амал меояд. Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 17+22 ва рӯзона 35+40 дараҷа гарм мешавад. Дар  доманакӯҳҳо ҳаво шабона 12+17 ва рӯзона 25+30  дараҷа гарм мешавад.

Дар шаҳру ноҳияҳои тобеи марказ ҳаво камабр ва тағйирёбанда шуда, дар ноҳияҳои алоҳида борони кӯтоҳмуддат меборад. Раъду барқ ба амал меояд.  Шамол аз самти шарқ бо суръати 3-8 метр дар як сония  мевазад.  Ҳаво  дар водиҳо  шабона 13+18 ва рӯзона 31+36 дараҷа гарм мешавад.  Дар ноҳияҳои кӯҳӣ ҳаво шабона 9+14 ва рӯзона 24+29 дараҷа  гарм мешавад.

Дар  шаҳри Душанбе ҳаво тағйирёбандаи бебориш мешавад. Шамол аз самти шарқ бо суръати 3-8  метр дар як сония   мевазад. Ҳаво шабона 14+16 ва  рӯзона 33+35 дараҷа гарм мешавад.

67
Барчаспҳо:
Ожонси обуҳавошиносӣ, Боду ҳаво, Тоҷикистон