Председатель ГБАО Ёдгор Файзов

Шанбегии раис Файзов: аз ниҳолшинонӣ то тозакунии кӯчаву ҷуйбори шаҳр дар қатори мардум

901
(Таҷдидшуда 19:10 29.03.2020)
Ёдгор Файзов, раиси вилояти мухтори Кӯҳистони Бадахшон дирӯз дар ҳашари тозакунии муҳити атроф, ё шанбегӣ ба кӯчаҳои марказии шаҳри Хоруғ баромада, дар баробари мардуми оддӣ як рӯзи тамом ба шинонидани ниҳол ва тоза кардани ҷӯйбору кӯчаҳои Хорӯғ машғул шудааст

ДУШАНБЕ, 29 мар — Sputnik. Гуфта мешавад, чунин иҷрои амали раиси ВМКБ ҳоло дар муқоиса ба иштироки рисони вилоятҳо дар корҳои ҷамъиятӣ камсобиқа аст.

Маълулан иштироки раисони шаҳру ноҳияҳо ва вилоятҳои Тоҷикистон дар маъракаҳои ниҳолшинонӣ дида мешаванд ва он ҳам бо ҳамон сару либоси идорӣ ё ба истилоҳ раисии шиму костюму галстук, ки танҳо бо шинонидани як ё ду бех ниҳол иктифо меварзанд.

Аммо Ёдгор Файзов бо дарки ин, ки кори дастаҷамъӣ кор аст, бо сару либоси оддӣ ҳамроҳи сокинон ба маъракаи ҷамъиятӣ баромада ва худ ба тозакунии кӯчаҳо ва ҷӯйборҳои атрофи роҳи марказии шаҳри Хоруғ аз партов машғул шуд.

Зеро то кунун ҳеҷ кадоме аз раисони шаҳру ноҳия ва ҳатто ҷамоатҳо Тоҷикистон дида нашудаанд, ки бидуни либоси расмӣ ва дар қатори мардуми оддӣ як рӯзи тамом дар маърака ва ё ҳашари тозакунии муҳити атроф даст ба кор шудаанд.

Бино ба иттилоъи Ғолиб Ниятбеков, сухангӯи ҳукумати ВМКБ, дар ҳашари оммавӣ, ки ба хотири поксозии муҳити атроф сурат гирифтааст ба ҳисоби Файзов дигар аъзои ҳукумати вилоят ҳам иштирок доштаанд.

"Бо мақсади сазовор пешвоз гирифтани 30-солагии Истиқлолияти давлатии Ҷумҳурии Тоҷикистон сокинони вилояти мухтори Кӯҳистони Бадахшон бо тозаву озода намудани гирду атрофи идораву муассисаҳо ва ҷойҳои ҷамъиятӣ шурӯъ намуданд. Дар баробари дигар кормандони муассисаҳои давлатӣ кормандони Дастгоҳи раиси ВМКБ низ бо иштироки бевоситаи раиси ВМКБ Ёдгор Файзов дар ҳудуди бозори марказии шаҳри Хоруғ ҳашар гузаронида дар маркази шаҳр ниҳолҳои ороишӣ шинониданд",-иттилоъ медиҳад Ниятбеков.

Ин танҳо нахустин ширкати Файзов дар қатори мардум дар кори ҷамъиятӣ нест, балки чанде қабл аксҳои дигари ӯ дар расонаҳо роҳ ёфт ва тавре дида мешуд, ки Файзов дар баробари мардуми оддӣ ба белкунии фарби биноҳои давлатию ҷамъиятӣ машғул аст.

Ҳоло акнун ҷои ин аксҳои ӯро аксҳои дигар ва он ҳам иштироки раис дар ҳашари шанбегӣ гирифтааст, ки корбарони шабакаҳои иҷтимоӣ ин рафтори ӯро беҳтарин намунаи ибрат, барои дигар раисони вилоятҳо, шаҳру ноҳияҳо ва ҳатто ҷамоатҳои Тоҷикистон меҳисобанд.

Иддае аз соҳибназарон мегуянд, бар иловаи иҷрои ин кору амалаш, Ёдгор Файзов боз як хислатҳои фарқкунандаи дигар аз раисони вилоятҳо ва шаҳру ноҳияҳо дорад. Ӯ гоҳ -гоҳ пиёда аз хона ба коргоҳ-ҳукумат меравад ва сари роҳ аз наздик бо мардум дар бораи мушкилоташон суҳбатҳои рӯ ба рӯ анҷом медиҳад ва ҳамин аст, ки ҳоло ӯро раиси мардумӣ унвон мекунанд.

901
Барчаспҳо:
ҳашар, раис, Хоруғ, ВМКБ
День 29 мая

Ҷашнҳои рӯзи 29 май дар Тоҷикистон ва ҷаҳон

3
(Таҷдидшуда 20:45 28.05.2020)
Рӯзи бисту нуҳуми май дар Ҷумҳурии Доминикан Рӯзи модар таҷлил мешавад. Ин рӯз ҳамчунин рӯзи автомобилронони ҳарбии Қувваҳои Мусаллаҳи Федератсияи Русия, буда дар Ҷумҳурии Қирғизистон Рӯзи Қувваҳои Мусаллаҳ мебошад

Рӯзи 29 май дар ҷаҳон чӣ рух дод

Соли 1923 Иттифоқи ҷамъиятҳои Салиби Сурх ва Ҳилоли Аҳмари Иттиҳоди Шӯравӣ таъсис ёфтааст.

День 28 мая
© Sputnik / Стас Этвеш / Вишнякова Мария

Соли 1964 Никита Хрушов эълон намуд, ки Иттиҳоди Шӯравӣ барои аксбардории ҳудуди ИМА аз спутник-ҷосус истифода мебарад.

Соли 2002 Ассамблеяи генералии СММ қатънома қабул намуд, ки тибқи он имрӯз дар тамоми ҷаҳон ҳамчун Рӯзи байналмилалии сулҳофарон ҷашн гирифта мешавад.

Рӯзи 29 май дар Тоҷикистон чӣ рух дод

Соли 1992 муносибатҳои дипломатии Тоҷикистон ва Озарбойҷон барқарор карда шуданд.

Соли 2009 дар шаҳри Душанбе вохӯрии навбатии Гуфтугӯи минтақавии сиёсӣ байни сегонаи Иттиҳоди Аврупо ва Осиёи Марказӣ бо иштироки вазирони корҳои хориҷии ин кишварҳо баргузор гардид.

Соли 2010 Президенти Тоҷикистон Эмомалӣ Раҳмон  дар робита ба садамаи қатораҳои мусофиркашон, ки муҷиби талафоти бузурги ҷониву хисороти бузурги молӣ гашт, ба Президенти Ҷумҳурии Ҳиндустон Пратибха Патил барқияи тасаллият ирсол намуданд.

Соли 2012 Эмомалӣ Раҳмон ба муносибати 20 – солагии барқарор гардидани муносибатҳои дипломатии байни ду кишвар ба Президенти Ҷумҳурии Озарбойҷон Илҳом Алиев барқияи табрикотӣ ирсол карданд.

Соли 2015 «Стратегияи рушди инноватсионии Ҷумҳурии Тоҷикистон барои давраи то соли 2020» қабул гардид.

Сли 2015 дар Варзишгоҳи марказии ҷумҳуриявии шаҳри Душанбе дастаҳои футболи «Истиқлол» ва «Регар-ТадАЗ» байни ҳам қувваозоӣ намуданд.

Соли 2018 дар шаҳри Душанбе Конференсияи шашуми ҳамкории минтақавии Русия ва Тоҷикистон доир шуд.

Ҷашнҳои рӯзи 29 май

  • Дар Ҷумҳурии Доминикан —  Рӯзи модар.
  • Рӯзи автомобилронони ҳарбии Қувваҳои Мусаллаҳи Федератсияи Русия.
  • Дар Ҷумҳурии Қирғизистон — Рӯзи Қувваҳои Мусаллаҳ.
3
Барчаспҳо:
таърих, ҷашн, Ҷаҳон, Тоҷикистон
Мавзуъ
Ҷашнҳои рӯзи 25 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 27 май дар Тоҷикистон ва ҷаҳон
Ҷашнҳои рӯзи 28 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Сотрудники пограничной службы на пункте пропуска Кен-Булун автодорожный на границе Кыргызстана и Казахстана. Архивное фото

Марзи Тоҷикистон ба рӯйи кадом ҳамсоягонашбоз мондааст?

287
(Таҷдидшуда 17:33 28.05.2020)
Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд

ДУШАНБЕ, 28  май — Sputnik. Мудири идораи ҳамлу нақли заминии Вазорати ҳамлу нақли Тоҷикистон Фарух Неъматзода гуфтааст,  ба далели шуюи Корона фақат 7 гузаргоҳи ҳамлу нақли байналмилаллӣ дар ин кишвар бозаст.

Ба нақл аз сомонаи "Парс тудэй", Фарух Неъматзода ин матлабро дар нишасти видио канфронсии интиқоли байналмилаллии коло дар шароити густариши Корона эълон кард.

Вай дар ин нишаст,ки бо талоши Бонки рушд ва бозсозии Аврупо баргузор шуд гуфтааст, ки дар ҳоли ҳозир аз 19 гузаргоҳи марзии Тоҷикистон бо Узбакистон фақат 3 гузаргоҳ фаол аст.

"Ҳамчунин дар марзҳои Тоҷикистон ва Қирғизистон ду гузаргоҳ ва Тоҷикистон бо Чин ва Афғонистон ҳам як гузаргоҳ боз аст", - афзудааст вай.

Ин мақоми Вазорати ҳамлу нақли Тоҷикистон таъкид кард,ки аз тамоми ронандагони мошинҳои боркаш ҳангоми вуруд ба Тоҷикистон озмоиши Корона гирифта мешавад ва дар сурати доштани алоими бемори карантина мешаванд.

Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд.

287