отеля Hilton

Бесобиқа: меҳмонхонаи “Ҳилтон” дар Душанбе баста шуд

1755
“Ҳилтон Душанбе Ҳотел” (Hilton Dushanbe Hotel), яке аз меҳмонхонаҳои маъруфи Тоҷикистон, фаъолияти худро муваққатан қатъ кард. Мудири кулли ширкат ин иқдомро бесобиқа хонд

ДУШАНБЕ, 30 мар — Sputnik. Маъмурияти “Ҳилтон” зимни як муколамаи катбӣ дар таъйиди ин хабар ба Sputnik-Тоҷикистон гуфт, дарҳои меҳмонхона ба он хотир баста мешавад, ки дар шаҳр сатҳи фаъолиятҳои соҳибкорӣ поён омада, парвозҳо лағв шудаанд.

Праздничный концерт в Худжанде
© Официальная страница пресс-службы президента РТ в Facebook

“Фарм Текс”: аҳолии Тоҷикистон дилпур бошанд, мо онҳоро бо ниқоб таъмин мекунем

Қаблан Павел Йиндра, мудири кулли “Ҳилтон Душанбе Ҳотел” зимни як баёнияи расмӣ баста шудани меҳмонхонаро ба шуйӯъи вируси COVID-19 дар ҷаҳон рабт дод, ки дар пайи он соҳаи ҷаҳонгардӣ ва тиҷорати меҳмонхонадорӣ осеб дидаанд.

Дар Эрон аз коронавирус 14 ҳазор нафар шифо ёфт

“Аз ин хотир, мо тасмим гирифтем, ки кори меҳмонхонаро аз 1 апрели соли 2020 муваққатан ба ҳолат таълиқ дароварем ва мутаассифона, наметавонем дархостҳои шуморо барои иқомат ва баргузории чорибиниҳо бипазирем. Авлавияти аслии мо сиҳати меҳмонон ва коркунони мо аст. Илова бар ин, дар ҳоле, ки як корхонаи масъули иҷтимоӣ ҳастем, тамоми талоши худро барои ҷилавгирӣ аз шуйӯъи вирус анҷом хоҳем дод. Мо аз ҳама мехоҳем, ки дар хона бимонанд ва иқдомоти меъёрии саломатии шахсиро риоят карда ва тамоми дастуруламалҳоеро, ки тавассути идораҳои давлатӣ ирсол мешаванд, пайравӣ кунанд”, - омадааст дар баёнияи мудири кулли “Ҳилтон Душанбе Ҳотел”.

 “Ҳилтон Душанбе Ҳотел” ба хонадони меҳмонхонаҳои “Ҳилтон”, як ширкати маъруфи амрикоӣ тааллуқ дорад ва дар Тоҷикистон дар биное ба фаъолият пардохт, ки қаблан ба ширкати дигари маъруфи амрикоӣ “Шератон” тааллуқ дошт.

"Шератон Душанбе" (Sheraton Dushanbe) марбути Starwood Hotels & Resorts Worldwide, яке аз ширкатҳои бузурги амрикоии тиҷорати меҳмонхонадорӣ буд, ки аввалин меҳмонхонаи худро дар Осиёи Миёна соли 2014 маҳз дар Душанбе боз кард.

Бинои он ба маблағи $55 доллар аз сӯи ширкати ҳиндии СHL сохта шуда, 148 утоқи навъи гуногун дорад. Дар маросими кушодашавии он гуфта шуд, дар меҳмонхона 180 нафар кор хоҳанд кард, ки 95% - и онҳо шаҳрванди Тоҷикистон хоҳанд буд.

 Рӯшан нест, ки чӣ тавр соли 2017 "Шератон Душанбе" ба “Ҳилтон Душанбе Ҳотел” табдили ном кард. Ва ба ин суол, ки ҳоло дар ширкат чанд нафар кор мекунад ва ҳуқуқи онҳо дар замони қатъи муваққатии фаъолияти меҳмонхона чӣ гуна муроот хоҳад шуд, маъмурияти “Ҳилтон” посухе надод. Аммо мудири кулли “Ҳилтон Душанбе Ҳотел” дар баёнияаш гуфтааст, ки вазъияти кишвар ва ҷаҳонро, ки марбут ба шуйӯъи “вируси корона” аст ва ҳамчунин иттилоот дар бораи азсаргирии парвозҳо ва фаъолияти комили ширкатҳоро аз наздик пайгирӣ хоҳанд кард.

“Дар аввалин беҳбудиҳои шароит мо мутмаиннан шуморо аз оғози кор мутталеъ хоҳем кард ва аз истиқболи шумо дар чаҳордевори меҳмонхона хушҳол хоҳем шуд. Мо як иқдоми бесобиқаеро рӯи даст гирифтем ва аз пуштибониву дарки шумо сипосгузорем”, - гуфтааст Павел Йиндра.

1755
Барчаспҳо:
Душанбе, ширкат, муваққат, маъруф, меҳмонхона, Тоҷикистон
Гробы умерших от коронавируса, архивное фото

Боз фавт: эълони омори сироят, фавт ва шифоёбӣ аз COVID - 19 дар Тоҷикистон

457
(Таҷдидшуда 19:22 28.10.2020)
Аз аввали ҳамагирии коронавируси навъи COVID - 19 то кунун гирифторони ин беморӣ дар Тоҷикистон ба 10900 нафар баробар шуд, хабар медиҳад Вазорати тандурустӣ

ДУШАНБЕ, 28 окт — Sputnik. Вазорати тандурустии Тоҷикистон омори тозаи сироят, фавт ва шифоёбӣ аз коронавирусро  дар Тоҷикистон эълон кард, ки мувофиқи он боз як шаҳрвани кишвар қурбони ин беморӣ шуд.

Ин ниҳод иттилоъ медиҳад, ки дар шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  10900 нафар баробар гардид.

Ҳамзамон, дар 24 соати охир 61 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10070 (92,4%)  баробар гардид.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Тибқи иттилои Вазорат дар давоми шабонарӯзи гузашта аз COVID - 19 боз як нафари дигар ҷон бохта, шумораи умумии қурбониёни ин вабои аср ба 82 нафар расид.

Манбаъ афзуда, ки Ҳукумати Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз сокинони кишвар даъват карда, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

457
Барчаспҳо:
омор, вируси корона, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Ремесленная ярмарка в Исмаилитском центре в Душанбе

"Made in Tajikistan-2020": намоишгоҳ баргузор мешавад, аммо онлайн

21
(Таҷдидшуда 16:31 28.10.2020)
Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад

ДУШАНБЕ, 28 окт — Sputnik. Баргузоркунандагони намоишгоҳ эълон карданд, ки "Made in Tajikistan-2020" баргузор мешавад, вале тариқи онлайн.

Намоишгоҳ аз 26 ноябр то 17 декабр доир мешавад.

"Вобаста ба вазъи кунунии иқтисодии ҷаҳон ва инчунин пандемияи COVID-19 тасмим гирифта шудааст, ки баргузории намоишгоҳ тавассути Интернет сурат гирад", - тавзеҳ додаанд аз Палатаи савдо ва саноат ба "Ховар".

Made in Tajikistan: ду медал ба маҳсулоти тоҷикӣ дар намоишгоҳи Маскав

Гуфта мешавад, ҳадафи асосии намоишгоҳ дастгирии соҳибкорон ва содиркунандагони Ҷумҳурии Тоҷикистон дар соли 2020, инчунин дастгирии истеҳсолкунандагони ватанӣ, таблиғи ширкатҳою маҳсулот дар бозорҳои дохилию байналмилалӣ ва афзоиши иқтидори содиротии Тоҷикистон мебошад.

“MADE IN TAJIKISTAN”. Муаррифии маҳсулоти истеҳсоли ватанӣ дар намоишгоҳи байналмилалӣ

Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад.

21

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия