Маҳбаси шаҳри Ваҳдат. акс аз бойгонӣ

"Зиндонҳо бе корона": Мансурҷон Умаров дар бораи ҳифз ва раҳоии зиндониён

1099
Шурӯъ аз имрӯз, 31 март, вазорати адлияи Тоҷикистон мулоқотҳои кӯтоҳмуддату дарозмуддат ва дастрасии зиндониён ба дастовезҳои наздиконашонро муваққатан қатъ кард

ДУШАНБЕ, 31 мар — Sputnik. Мансурҷон Умаров, муовини вазир ва сардори Сарраёсати иҷрои ҷазои ҷиноии вазорати адлияи Тоҷикистон ба Sputnik Тоҷикистон гуфт, ин тасмим ба хотири ҷилавгирӣ аз шуйуъи "вируси корона" дар зиндонҳои кишвар гирифта мешавад.

Вай афзуд, густариши ин вирус дар зиндонҳои Тоҷикистон паёмадҳои ногувореро дар пай хоҳад дошт ва ин тасмим ба хотири ҳифзи саломатии маҳсубон гирифта мешавад.

"Ин як ҷузъи маҷмӯаи тадобирест, ки бо дастури раҳбарияти олии кишвар вазорати адлия рӯйи даст гирифтааст. Мо ниқобҳои пизишкии вежа ё респераторҳоро байни зиндониён, кормандон ва муҳофизони маҳбасҳо таҳия ва тавзеъ кардем. Дар зиндонҳо корҳои профилактикӣ ва зиддиуфунӣ (дезинфексия) кардан анҷом дода шуд. Дастгоҳҳои ҳароратсанҷро низ харидорӣ карда, дар ихтиёри кормандони тиббии зиндонҳо гузоштаем, ки сари вақт онҳоро муоина кунанд ва барои қарантина кардани афроди машкук маконҳои махсусро низ таҳия намудем", - гуфт Мансурҷон Умаров.

Сардори Сарраёсати иҷрои ҷазои ҷиноии вазорати адлияи Тоҷикистон мегӯяд, танҳо ҳомили вирус ба зиндонҳои Тоҷикистон кормандони онҳо буда метавонанд, ки бо олами берунӣ робита доранд ва эҳтимоли сироятшавиашон зиёд аст.

"Мо фикри инро ҳам кардаем. Агар корманд камтарин нишонаи ҳар гуна маризии монанд ба "вируси корона" – ро нишон диҳад, ӯро аслан намегузорем, ки вориди зиндон шавад", - гуфт Мансурҷон Умаров.

Марги ногаҳонаи Ҳусейн Абдусамадов, роҳбари ҳамлагарон ба сайёҳони хориҷӣ дар зиндон

Зиндонҳо дар саросари ҷаҳон ба яке аз хатарноктарин маконҳои шуюъи "вируси корона" табдил ёфтаанд. Ба гунаи мисол, ҳукумати Эрон ба хотири ҳифзи ҷони зиндониён ҳудуди 100 ҳазор нафари онҳоеро, ки ҷурмҳои сабук доранд, озод кард. То ба ҳол Амрико 1700, Судан - 4000 ва Баҳрайн ҳудуди 900 зиндониро раҳо ё авф намуданд.

Мавзӯъи раҳоии зиндониён дар саросари ҷаҳон, аз ҷумла Ҳинд, Покистон, Афғонистон, Туркия, Олмон, Испания, Ирландия ва дигар кишварҳои ҷаҳон таҳти баррасии мақомоти зидахл аст. Расонаҳо аз шӯришҳои зиндониён дар Италия ва гаравгонгирии зиндонбонон низ хабар дода буданд.

Мансурҷон Умаров гуфт, мақомоти марбутаи Тоҷикистон вазъи тамоми кишварҳои ҷаҳонро пайваста пайгирӣ доранд ва аз таҳаввулот огоҳанд, аммо раҳоии зиндониён дар ҳоли шуюъи "вируси корона" ба Додситонии кул, Суди Олӣ ва дигар мақомоти зидахл рабт дорад.

"Аммо агар чунин вазъ ва масъала ҳам пеш ояд, ҳатман мавзуъ миёни ниҳодҳои зирабт ба миён гузошта ва баррасӣ мешавад. Ҳоло дар ин маврид суҳбат кардан барвақт аст. Худо мегӯем, ки чунин вазъ пеш наояд", - гуфт сардори Сарраёсати иҷрои ҷазои ҷиноии вазорати адлияи Тоҷикистон.

Тоҷикистон дар баробари Туркманистон дуввумин кишвари Осиёи Марказӣ ва ИДМ аст, ки то ба ҳол мавриди гирифторӣ ба "вируси корона" – ро таҷриба накардааст.

1099
Мавзуҳо:
Пайомадҳои COVID-19 дар Тоҷикистон ва ҷаҳон (492)
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

12
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

12
Дворец Нации

Фармони Раҳмон: нархи неруи барқ, об ва алоқа то охири соли 2020 баланд намешавад

79
(Таҷдидшуда 14:11 05.06.2020)
Эмомалӣ Раҳион бо судури фармони аз 5 июн  ба Ҳукумати мамлакат дастур дод, ки то охири соли 2020 масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад

ДУШАНБЕ, 5 июн — Sputnik. Президенти Ҷумҳурии Тоҷикистон Эмомалӣ Раҳион ба Ҳукумати дастур дода, ки то охири соли 2020 бо мақсади кам намудани хароҷоти истеҳсолии корхонаҳо, роҳ надодан ба баландшавии нархи маҳсулоти ватанӣ, хизматрасониҳои пулакӣ ба аҳолӣ ва сатҳи таваррум баррасии масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад.

Фармони президент: киҳо аз андоз озод шуданд?

Дар Фармони мазкур омадааст, ки Ҳукумати ҷумҳурӣ аз ҳисоби маблағҳои захиравии буҷети давлатии соли 2020 ва маблағҳои ғайрибуҷетӣ барои харидорӣ ва пурра намудани захираҳои моддии давлатӣ, аз ҷумла ғалла, тухмиҳои зироатҳои кишоварзӣ, заҳрхимикатҳо ва сӯзишворӣ маблағҳои мақсаднок ҷудо намояд.

Президент барои оилаҳои муҳоҷирон кӯмакпулӣ ҷудо кард: боз киҳо ва чандпулӣ мегиранд?

Дар баробари ин, бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст ва аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар карда мешавад.

79
Барчаспҳо:
об, барқӣ, фармон, Эмомалӣ Раҳмон, Тоҷикистон
Мавзуҳо:
Фармон, амр ва қарорҳои тозатарини Эмомалӣ Раҳмон