Руки с мобильными телефонами, архивное фото

Фаврӣ: дар Тоҷикистон нархи гуфтугӯи телефонӣ ва интернет гарон мешавад

8680
(Таҷдидшуда 17:04 02.04.2020)
Ширкати мухобиротии Tcell бо ирсоли паёмак (смс) ба муштариёни худ хабар додааст, ки сар аз санаи 11-уми апрел нархи хизматрасонии алоқаи мобилӣ ва интернет боло бардошта мешавад

ДУШАНБЕ, 2 апр -Sputnik. Ширкати Tcell бо ироаи паёмаки телефонӣ ба муштариёни худ аз ивази тарофаҳо ва баланд шудани арзиши хизматрасониҳои он хабар додааст.

Бино ба хабари ин ширкат, ки имрӯз ба телефонҳои мобилии сокинон равон карда шудааст, гуфта мешавад, ки минбаъд ба нархномаи муоиширати телефонӣ ва ҳам қимати хизматрасонии интернет тағйироти нав ҷорӣ карда мешавад.

“Муштарии муҳтарам, ба таваҷҷуҳи Шумо мерасонем, ки аз 11. Апрели соли 2020 тарофаи Шумо ба тарофаи “Аввалин 2016” иваз мегардад. Арзиши як дақиқаи занги баромад дар дохили шабака -20 дирам, зангҳо ба операторҳои дигар -30 дирам, 1 Мб Интернет- 30 дирам. Инчунин, нархи хизматрасониҳои иловагии “Интихоби ман” ба 6 сомонӣ ва “Диёри ман” ба 7 сомонӣ тағйир меёбанд”, - омадааст дар паёмаки ширкати Tcell.

То ин вақт бахши аъзами муштариён ба далели арзон будан аз дигар тарофаҳо бо пардохти 3,5-5,5 сомонӣ барои ҳар ҳафта аз “Интихоби ман” истифода мекарданд, вале минбаъд барои ин намуд хизматрасонии мобилӣ маблағи бештар пардохт хоҳанд кард.

Зимнан ин ширкат яке аз пурнуфузтарин ширкатҳои мобилии дар миёни Babilon, Beeline ва Megafon дар Тоҷикистон ба ҳисоб меравад. Ширкати Tcell сабаби боло бурдани ҳаққи хизматрасониҳояшро зимнан шарҳ надодааст.

8680
Барчаспҳо:
интернет, алоқа, алоқаи мобилӣ, хизматрасонӣ, нарх, нарх, кам шудани муштариёни интернет, Тоҷикистон, мобилӣ
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

74
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

74
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

138
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

138