Озода Рахмон, архивное фото

Қонуншикании раис: Озода Раҳмон мушкили №1-ро гуфту бори дуюм нигарониро ба Раҳмон расонд

5537
(Таҷдидшуда 13:03 03.04.2020)
Озода Раҳмон, роҳбари Дастгоҳи иҷроияи раисиҷумҳури Тоҷикистон дар феҳрасти мушкилоте, ки додситонҳои кишвар бояд ба он таваҷҷуҳ кунанд, таҳти рақами як қарорҳои ғайриқонунии раисони шаҳру навоҳии кишварро ном бурд

ДУШАНБЕ, 3 апр — Sputnik. Озода Раҳмон, роҳбари Дастгоҳи раисиҷумҳури Тоҷикистон, дар ҷаласаи ахири Маҷлиси миллӣ изҳор дошт, ки соли гузашта низ нигарониро аз қарорҳои ғайриқонунии раисони шаҳру навоҳӣ дар бораи тақсими замин, ба додситони кулли кишвар баён дошта буд.

Ӯ дар пайи шунидани гузориши Юсуф Раҳмон, додситони кулли Тоҷикистон изҳор дошт, ки таҳлил нишон медиҳад, қонуншиканиҳо дар самти истифодаи замин тамоюли афзоиш дорад.

Ба гуфтаи роҳбари Дастгоҳи иҷроияи раисиҷумҳур, соли 2019 нисбати беш аз 680 қарори раисони шаҳру ноҳияҳо эътирози прокурорӣ оварда шудааст, ки нисбат ба соли 2018 ҳудуди 140 эътироз зиёд мебошад.

“Масъалаи мазкур соли сипаришуда низ, зимни шунидани ҳисоботи прокурори генералӣ барои соли 2018, баррасӣ ва боиси нигаронӣ гардид”, - зикр намуд раиси Дастгоҳи раисиҷумҳур.

Ӯ зикр намуд, ки ду сол қабл дар Додситонии кулли Тоҷикистон барои назорати қонунгузории замин сохтори алоҳида бо 50 воҳиди корӣ таъсис дода шуд.

Озода Раҳмон зарур хонд, ки додситонии кулли Тоҷикистон кор барои пешгирии қонуншиканӣ дар соҳаи истифодаи заминро таҳким бахшад.

Бар асоси оморе, ки нашрияи парлумонии “Садои мардум” аз қавли додситонии кишвар нашр кардааст, ки соли 2019 барои бартараф намудани қонунвайронкуниҳо дар соҳаи замин 740 пешниҳод, 1229 амр ва 1064  эътироз оварда, 893  нафар ба ҷавобгарии интизомию моддӣ кашида, 3245 парвандаи маъмурӣ, 883 парвандаи ҷиноятӣ оғоз карда шуданд. Дар асоси санадҳои додситонӣ 1,3 миллион сомонӣ зарар барқарор ва 8 ҳазору 196,4 гектар замин ба ҳолати аввала баргардонида шудааст.

5537
Барчаспҳо:
қонуншиканӣ, замин, қарор, Озода Раҳмон, Тоҷикистон
Охотничье ружье, архивное фото

Тирпарронӣ дар марзи Тоҷикистону Қирғизистон ва маҷрӯҳ шудани як нафар

118
Ҷабридида фавран ба бемористон мунтақил шуд ва феълан дар ҷойи ҳодиса мақомоти ҳифзи ҳуқуқ аз ҳар ду ҷониб тафтишот мебаранд

ДУШАНБЕ, 2 июн – Sputnik. Дар марзи Тоҷикистону Қирғизистон шаби гузашта тирпарронӣ сурат гирифт. Ба гуфтаи мақомоти қирғиз, афроди номаълум аз сӯи Тоҷикистон ба ҷониби як шаҳрванди Қирғизистон оташ кушодаанд. Нерӯҳои марзбонии Тоҷикистон то ба ҳол қазияро шарҳ надодаанд.

Гуфта мешавад, тирпарронӣ соати 01:30 дақиқа дар деҳаи Эки - Таши вилояти Бодканд рух додааст. 

Афроди номаълум аз ҷониби Тоҷикистон ба сӯйи шаҳрванди 38 - солаи Қирғизистон оташ кушоданд ва ӯро маҷрӯҳ намуданд.

Тирпаронӣ дар марз: КДАМ гуфт, марди қирғиз ҷавонзани тоҷикро паронд

Хадамоти марзбонии Қирғизистон мегӯяд, ронандае,ки самти Ош - Исфана ҳаракат дошт аз тири милтиқи шикорӣ ҷароҳати сабук бардошт ва дар беморхонаи Самарқандак бистарӣ карда шуд.

Дар ҳамин ҳол, шаби гузашта мулоқоти намояндагони пулиси ду кишвар баргузор шуд ва феълан низ гуфтушуниди ҳар ду ҷониб идома дорад. 

Манбаъ меафзояд, айни замон вазъият дар марз мӯътадил аст.

Қаблан, маркази матбуоти Қӯшунҳои сарҳадии Кумитаи давлатии амнияти миллии Тоҷикистон хабар дод, ки соати 11:55-и  27 майи соли 2020 бархилофи созишномаҳои қаблан баимзорасида, шаҳрванди Қирғизистон Бахтибеков Соат, сокини деҳаи Куктоши ҷамоати деҳоти Оқсой ба сӯйи ҷавонзани 25-сола, шаҳрванди Тоҷикистон тир холӣ кард.

Манбаъ аз шаҳрванди тирхӯрдаи Тоҷикистон, Шаропова Шукрона Зуҳурбоевна (Муътабархонуми Зухриддин), соли таваллудаш 1995, истиқоматкунандаи маҳаллаи Қақири Ҷамоати деҳоти Чоркӯҳ ва коргари бригадаи №14-уми тухмипарварии ҳамин маҳалла ном бурд. Шаропова аз қисмати рости баданаш захмӣ шуда буд.

118
Барчаспҳо:
тирпарронӣ, марз, Қирғизистон, Тоҷикистон
Мавзуҳо:
То кай?: танишҳои марзӣ миёни Тоҷикистону Қирғизистон
Преступник за решеткой

Боздошти ронандае, ки нимашаб ҷавонзани роҳрӯбро пахш намуда, фирор кард

187
(Таҷдидшуда 11:28 02.06.2020)
Раёсати умури дохилӣ дар шаҳри Душанбе аз боздошти ронандае хабар медиҳад, ки пас аз пахш намудани роҳрӯб аз ҷойи ҳодиса фирор кардаст

ДУШАНБЕ, 2 июн – Sputnik. Саъдуллоева Холӣ сокини 34 - солаи шаҳри Душанбе, ки ба тамиз намудани роҳу хиёбонҳои пойтахт машғул аст, аз ҷониби ронадаи номаълум пахш шуда буд.

Ба иттилои котиботи Раёсати умури дохилӣ дар шаҳри Душанбе, ҳодисаи мазкур санаи 31 - уми май дар кӯчаи Н.Қарабоев рух додааст.

ВУД: дар ду рӯзи истироҳат дар се садамаи нақлиётӣ панҷ нафар ба ҳалокат расид

Ҷавонзани роҳрӯб соати 03:10 дақиқа ба тамиз кардани роҳи кӯчаи Неъмат Қарабоев машғул буд, ки ронандаи шахсияташ номаълум ӯро бо автомашинаи худ пахш кард ва фавран аз ҷойи ҳодиса фирор кард.

Зимнан, кормандони пулис аснои баргузор кардани корҳои ҷустуҷӯӣ, ронандаи фироркардаро боздошт намуданд.

"Муайян карда шуд, ки ронандаи автомашинаи тамғаи Опел-Астра рақами қайди давлатиаш 7222 СМ 01, шаҳрванд Алиев Сангмаҳмад Валиевич соли таваллудаш 1992, истиқоматкунандаи шаҳри Душанбе, кӯчаи Чортут мебошад, ки дар ҳақиқат рӯзи 31-уми майи соли ҷорӣ тақрибан соати 03:10 дақиқа ҳангоми идора намудани воситаи нақлиёташ дар кӯчаи Н. Қарабоев ҷавонзани роҳрӯбро пахш намудааст", - таъкид мешавад дар хабар.

Зикр мегардад, ки ронандаи ҷавон ба ҷойи расондани кӯмак ба роҳрӯби ҷароҳатбардошта, баръакс аз ҷойи ҳодиса рӯ ба гурез мениҳад.

РВУД мегӯяд, вобаста ба ҳолати мазкур маводҳои дахлдор тартиб дода шуда, таҳқиқ ҷараён дорад.

Манбаъ меафзояд, Саъдуллоева Холбӣ пас аз муоинаи тиббӣ аз бемористон мураххас шуд.

187
Барчаспҳо:
фирор, пахш, ронанда, боздошт
Пробирка с кровью анализа на антитела к коронавирусу COVID-19

Оғози истеҳсоли “Антиковид-19” дар Тоҷикистон: дорусоз гуфт, сироятро 99% кам мекунад

1 / 2
0
Сайидвалӣ Ҳикматов, дорусози тоҷик, истеҳсоли маҳлули антисептикии пошанда (спрей)-ро ба роҳ мондаст, ки “Антиковид-19” ном дорад

ДУШАНБЕ, 2 июн - Sputnik. Маҳлул дар асоси сиёҳдона тайёр шуда, қобилияти баланди зиддивирусӣ дорад, хабар додаст нашрияи парлумони Тоҷикистон, “Садои мардум”.

Ба иттилои манбаъ, Ҳикматов муътақид аст, ки агар беморони гирифтори коронавирус рӯзе 6-8 маротиба маҳлулро ба кому даҳон пош диҳанд, эҳтимолияти сироят ёфтани дигарон 99 дарсад кам мешавад.

“Духтурон ва дигар ашхосе, ки бо беморон тамос доранд, агар бо ин маҳлули антисептикӣ даҳонашонро коркард намоянд, хатари сироятёбӣ қариб пурра аз байн меравад”, - омадааст дар матлаб.

Манбаъ афзуд, бемороне, ки дар шаҳрҳои Хуҷанду Панҷакент, Турсунзода ва ноҳияи Мастчоҳ аз маҳлули “Антиковид-19” истифода бурдаанд, беҳбудиро эҳсос намуданд.

Нашрия навиштааст, ки яке аз бартариҳои нӯшдорую маҳлули антисептикии пошандаи “Антиковид-19” дар он аст, ки хосияти иммуномодуляторӣ дошта, қувваи муҳофизатии ҷисмро пурқувват мекунад.

“Магнийи таркиби сиёҳдона фаъолияти системаи дилу рагҳо, шуш, мағзи сар, системаи асаб ва мушакҳоро беҳтар мегардонад. Оҳан барои хунофарӣ, мис барои беҳтаргардонии раванди табодули моддаҳо дар ҳуҷайраҳо, манган баҳри фаъолияти хуби ғадуди зери меъда, селен дар муолиҷаи бемориҳои саратонӣ кумак мерасонанд. Витаминҳои гурӯҳи В дар фаъолияти хуби ҷигару низоми асаб нақши муҳим  мебозанад”, - омадааст дар матлаб.

0
Барчаспҳо:
истеҳсол, дорусозӣ, дору, сироят, Тоҷикистон