Таҷлили рӯзи Ғалаба дар Тоҷикистон, акс аз бойгонӣ

Он ҷо ҷанг, ин ҷо филм: Душанбе ё “Театрленд” и Ҷанги бузурги ватанӣ

476
(Таҷдидшуда 17:44 03.04.2020)
Дар тӯли Ҷанги бузурги ватанӣ, ки солҳои 1941 – 1945 давом дошт, ду студияи филм ва 17 театри Иттиҳоди Шӯравӣ ба Душанбе тахлия шуданд

ДУШАНБЕ, 3 апр - Sputnik. Ин арқом зимни як мизи гирд дар мавзӯи “Нақши Тоҷикистон дар пирӯзӣ дар Ҷанги бузурги ватанӣ (1941-1945)” дар Маркази захираҳои Созмони Милал дар Донишгоҳи славянии Русияву Тоҷикистон тавассути муаррихони тоҷик баён шуд.

Ғафур Шерматов, муаррих ва рӯзноманигори низомӣ, мегӯяд, ду студияи филм – “Союздетфилм”, ҳамакнун студияи филми Горкийи  Маскав ва 80% студияи филми Одесса дар оғози Ҷанги бузурги ватанӣ ба Душанбе тахлия (эвакуатсия) шуда буданд.

Ба гуфтаи вай, ҳунармандон, маҷмӯаҳои ороишӣ, таҷҳизоти синамоӣ ва соири лавозимоте, ки “Союздетфилм” тавонист аз Маскав берун орад, дар 18 қатор ба Сталинобод, ҳоло Душанбе таҳвил дода шуд ва дар хонаи синамои Горкий (баъдан Филармонияи давлатии Тоҷикистон ва акнун телевизиони “Сафина”) мустақар гардиданд.

“Онҳо аз октябри 1941 то августи 1944 дар Душанбе кор карданд. Дар ин муддат 15 филми синамоӣ ва беш аз 100 филми мустанад рӯи навор оварданд. Ба унвони мисол, филми машҳури "Кошчеи ҷовидон" дар Тоҷикистон филмбардорӣ шуда буд. Ман дар пойгоҳи низомии 201 кор мекунам ва ба бачаҳо мегӯям, ки ин филм дар Тоҷикистон рӯи навор омадааст. Онҳо бо тааҷҷуб мегӯянд, чӣ мегӯӣ?” - мегӯяд Ғафур Шерматов.

Ба гуфтаи Абдулло Ғафуров, муовини мудири Пажӯҳишгоҳи таърихи Фарҳангистони улуми Тоҷикистон, 13 ноябри 1941, Кумитаи марказии Ҳизб коммунисти Тоҷикистон қарор "Дар бораи созмони тавлиди филмҳои дифоъии ҳунарӣ дар студияи синамои Сталинобод"-ро тасвиб кард.

"Ин қарор сохти филмҳои синамоии тамомқад, тақвияти пояҳои моддиву фаннии студияи филм ва таъмини ҷойи зисти гурӯҳи бузурге аз филмсозони халлоқи воридшуда аз студияи “Союздетфилм” – и Маскав ба пойтахти ҷумҳуриро дар назар дошт. Ин тасмим нақши муҳимме дар рушди филмбардорӣ ифо кардааст. 5 декабри ҳамон соли 1941 маҷмӯае аз филми ҷангии №7 таҳти унвони "Моҷароҳои ҷадиди сарбози шуҷоъ Швейк" рӯи пардаҳои телевизион омад”, - нақл кард Ғафуров.

Ба ҳамин минвол, студияи Тоҷикистон ба ҳамроҳии студияи “Союздетфилм” филмҳоеро дар мавзӯи дифоъи низомӣ тавлид карданд. Солҳои 1942 - 1943 филмҳои "Савганди Темур", "Лермонтов", "Ҷанг дар назди Сокол", "Шики венагӣ", "Мо аз Урал" бо ҳузури фаъоли филмсозони тоҷик эҷод шуд.

Дар солҳои баъдӣ филмҳои синамоие, назири "Як шаби Белград" , "Шоҳзода ва гадо" (Марк Твен) , "Март - апрел" , "Тоҷикистон" ва ғайра экранӣ шуданд.

Дар оғози соли 1943 филми "Писари Тоҷикистон" рӯи пардаҳои телевизиони ин кишвар зоҳир шуд. Муваффақияти бузурге низ бар филми мустанади "Консерти Тоҷикистон" афтод.

Дар соли 1942 студияи муттаҳидаи Душанбе 34 маҷалласинамои "Тоҷикистони Шӯравӣ дар рӯзҳои ҷанг" – ро мунташир кард, ки 15 қисми он дар телевизиони умумишӯравӣ намоиш дода шуд.

Ба гуфтаи Ғафур Шерматов, он замон супоришоти зиёде барои мубориза бо "испанка", вабо, табҳои ҳасбаву кабуд ва дигар эпидемияҳо маҳз ба студияи “Союздетфилм” аз сӯи Иттиҳодияи синамогарони Иттиҳоди Шӯравӣ барои равшангари беҳдоштӣ дода мешуд.

“Ин филмҳо соати худро интизоранд. Онҳо дар бойгонии мустанадоти савтӣ, тасвирӣ ва видеоии Архиви давлатии Тоҷикистон нигаҳдорӣ мешаванд. Ман онҳоро дидаам. Бойгоникунандагони мо ба содагӣ намедонанд бо онҳо чӣ кор кунанд. Мо таҷҳизоти муносибе барои тармими онҳо надорем. Ин як чунин фоҷиа аст", - гуфт рӯзноманигор ва муаррихи низомӣ.

Ҳамин тавр, ҳунармандони машҳури синамо, назири Фаина Раневская, Борис Тенин, Рина Зелёная, Сергей Мартинсон, Сергей Филиппов, Борис Андреев, Алексей Консовский, Георгий Милляр, дар кулл беш аз 100 бозигар он замон дар Тоҷикистон кор кардаанд.

"Дар гӯристони Душанбеи мо ду Ҳунарманди мардумии Иттиҳоди Шӯравӣ - Борис Аркадин ва Иван Чевелёв ба хоби абад рафтаанд. Мутаассифона, онҳо натавонистанд бар "испанка" пирӯз оянд", - мегӯяд Ғафур Шерматов.

Ба гуфтаи муаррихон, дар солҳои ҷанг Театри комедии мусиқии Ленинград (ҳоло Санкт – Петербург), Театри Воронеж ба номи Шорс, капеллаи украинии "Думка", Оркестри симфонии Киев, Театри лухтаки Днепропетровск, Театри “Ромен”, Театри Аркадий Райкин, беш аз 6 гурӯҳи театрии Украина, бахше аз Театри Немирович-Данченко – и Маскав, дар маҷмӯъ 17 гурӯҳи театрӣ дар Тоҷикистон фаъол буданд.

“Ҳар ҳунарманд ҷойи худро медонист. Ҳама кор мекарданд. Душанбе ба як “театрленд” – и бузург табдил ёфта буд. Театрҳо ба ҳама шаҳрҳо сафар мекарданд. Ин қаблан ҳаргиз иттифоқ науфтода буд ва баъд аз он низ иттифоқ науфтод ва эҳтимолан ҳаргиз дигар иттифоқ нахоҳад афтод", - гуфт Ғафур Шерматов.

476
Барчаспҳо:
Душанбе, ҶБВ, Тоҷикистон
В Душанбе созданы рабочие группе по борьбе с коронавирусом

Аз хона набароед: 45 гурӯҳи кории Рустами Эмомалӣ дар мубориза бо коронавирус

205
Гурӯҳи корӣ иборат аз намояндагони мақомот ва волонтёрон аз сокинон хоҳиш мекунад, ки безарурат ба кӯча набароянд, ниқоби тиббӣ пӯшанд ва фосиларо дар ҷойҳои ҷамъиятӣ нигоҳ доранд

ДУШАНБЕ, 3 июн - Sputnik. Бо дастури шаҳрдори Душанбе ҷиҳати пешгирӣ аз паҳншавии коронавирус 45 гурӯҳи корӣ ташкил гардид, хабар медиҳад шаҳрдории пойтахт.

Бино бар иттилои манбаъ, гурӯҳ аз намояндагони мақомот ва волонтёрон иборат аст. 

Гурӯҳ  миёни аҳолӣ - дар ҷойҳои ҷамъиятӣ, бозорҳо, боғҳои фарҳангию фароғатӣ, майдончаҳои варзишӣ ва бозии кӯдакона вобаста ба пешгирӣ аз паҳншавии сирояти ҳамагири коронавирус - COVID-19 ва истифодаи ниқобҳои яккарата, инчунин риояи фосилаи иҷтимоӣ ташвиқот мебарад.

Дар маҷмӯъ, дар чор ноҳияи шаҳри Душанбе 45 гурӯҳи таблиғотӣ-фаҳмондадиҳӣ иборат аз 235 нафар кормандони соҳаҳои гуногуни шаҳрдорӣ ташкил шуда, ба маҳаллҳои сернуфуз ва ҷойҳои ҷамъшавии одамон сафарбар гардидаанд.

Гуфта мешавад, дар рӯзи аввали кори гурӯҳҳои фаҳмондадиҳӣ дар чор ноҳияи пойтахт дар маҷмӯъ бо 1790 нафар аҳолӣ-намояндагони табақаҳои гуногуни ҷомеа, ки дар кӯчаву хиёбонҳои пойтахт ва бозору марказҳои савдо бе ниқобҳои яккарата гашту гузор мекарданд, ҷиҳати пешгирӣ аз сирояти ҳамагири коронавирус - COVID-19 корҳои таблиғотӣ-фаҳмондадиҳӣ сурат гирифт.

В Душанбе созданы рабочие группе по борьбе с коронавирусом
В Душанбе созданы рабочие группе по борьбе с коронавирусом

Ба онҳо оид ба риояи қоидаҳои гигиенаи шахсӣ дар ҷойҳои ҷамъиятӣ, истифодаи ниқобҳои муҳофизатӣ, роҳҳои пешгирӣ ва табобати беморон дар шароити хона ва дигар масъалаҳои марбут ба пешгирӣ аз сирояти коронавирус - COVID-19 маслиҳат дода шудааст.

Бояд тазаккур дод, ки аъзои гурӯҳ рӯзи нахустини фаъолият - 2 июни соли ҷорӣ дар доираи корҳои фаҳмондадиҳӣ ба 1790 нафар шаҳрвандон ниқобҳои муҳофизатии яккарата ва маводи таблиғотӣ - тавсияҳои Созмони Умумиҷаҳонии Тандурустӣ ва мутахассисони кишварро оид ба риояи қоидаҳои пешгирӣ аз паҳншавии сирояти ҳамагири коронавирус - COVID-19 тақдим карданд.  

Мақомоти иҷроияи ҳокимияти давлатии шаҳри Душанбе аз ҳамаи сокинон ва меҳмонони пойтахт эҳтиромона даъват ба амал меорад, ки масъалаҳои истифодаи ниқобҳои яккарата, маҳлулҳои безараркунанда (антисептик) ва фосилаи иҷтимоиро дар ҷойҳои ҷамъиятӣ риоя намуда, бе зарурат аз хона набароянд.

205
Нуриддин Каршибоев, архивное фото

Вируси корона ба вазъи молии журналистони тоҷик таъсир кардааст

115
(Таҷдидшуда 18:20 03.06.2020)
Нуриддин Қаршибоев, раиси Анҷумани миллии расонаҳои мустақили Тоҷикистон (НАНСМИТ) гуфт, вазъи буҳронии имрӯза натанҳо ба журналистон балки ба тамоми қишрҳои ҷомеъа таъсир расондааст

ДУШАНБЕ, 3 июн – Sputnik. Нуруддин Қаршибоев, раиси Анҷумани миллии расонаҳои мустақили Тоҷикистон иқдоми хубарнигорони қазоқ, ки дар пайи ҷаъмоварии кумак ба рӯзноманигорони тоҷик мебошандро як иқдоми ҳамраъӣ хонд ва гуфт, ки беҳтар мебуд маводи журналистони тоҷик дар расонаҳои кишварҳои ҳамсоя чоп мешуд во онҳо ба ҷои кумаки молӣ, ҳаққу заҳмат бигиранд.

“Маоши журналистони тоҷик нисбат ба ҳаққу заҳмати рӯзноманигорони қирғизу қазоқ хеле паст аст. Инро бояд эътироф кард. Ин тасмиме, ки аз ҷониби як гуруҳ журналистони қазоқ аз ҷумла Марат Содиков гирифта шудааст, як иқдоми дастгири ё ҳамрайъӣ  бо рӯзноманигорони тоҷик ба шумор меравад”, - гуфт ӯ.

Ҷаноби Қаршибоев илова кард, хуб мешуд барои журналистони тоҷик имконият медоданд то дар расонаҳои кишварҳои ҳамсоя ҳамкорӣ намоянд.

“Масалан хабаргузориҳои кишварҳои ҳамсоя аз журналистони тоҷик мавод бигиранд ва дар расонаҳои худ чоп кунан ва барои онҳо ҳаққу заҳмат диҳанд” ,– қайд кард Нуруддин Қаршибоев.

СУТ аз хатари воридшавии коронавирус аз хориҷ ба Тоҷикистон гуфт

Ба қавли раиси Анҷумани миллии расонаҳои мустақили Тоҷикистон вазъияти молиии журналистони тоҷик чандон бад нест, ки барои як бурида нон зор бошанд аммо онҳо ин иқдоми рзноманигорони қазоқро ҳамчун як иқдоми хайрия ва нишонаи ҳамраъӣ медонанд.

“Албата бархе аз рӯзноманигорони тоҷик инро қобили қабул намедонанд, аммо гурӯҳе ҳаст, ки ба ин кумакҳо эҳтиёҷманд бошанд. Ба ҳисоби миёна маоиши ҳар як рӯзноманигор  дар Тоҷикистон 100-120 долларро ташкил медиҳад. Вале дар ин миён, албата рӯзноманигороне ҳастанд, ки пули бештар мегиранд. Вале, аз ин кам шояд дар нашрияҳои ноҳиявӣ ва шаҳрӣ  гиранд. Вале ҳамҳзамон бояд як чизро ба назар гирифт, ки аксари журналистон бо ду се расона ҳамкорӣ мекунан ва барои таъмини оилаашон аз дигар сарчашмаҳо низ истифода мекунанд”, зикр кард Нуруддин Қаршибоев.

Раиси Анҷумани миллии расонаҳои мустақили Тоҷикистон таъкид дошт, ки вазъияти буҳронӣ ба тамоми соҳаҳои рекламаву тиҷорат таъсир гузоштааст. Ҳозир дар расонаҳои ҷой додани реклама хеле коҳиш ёфтааст ва ин боиси паст гардидани вазъи молиявии расонаҳо шудааст.

Ёдрас мешавем, ки ахиран дар сомонаи иҷтимоии Фейсбук як гурӯҳ рӯзноманигорони Қазоқистон эълон карданд, ки бино бар буҳрони шидиди молиявии журналистони тоҷик барои онҳо кумаки молӣ ҷамъоварӣ мекунанд. Ба қавли онҳо ҳудуди ин кумак бояд аз 15 доллари амрикоӣ кам набошад то онҳо тавонанд маводи ғиизоӣ бихаранд.

115
Барчаспҳо:
таъсир, журналист, буҳрон, расонаҳо, Тоҷикистон

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0