Общественный транспорт в Душанбе, архивное фото

Дастури қатъии вазорат: пеш аз сафар "дезинфексия" кунед

265
(Таҷдидшуда 12:49 04.04.2020)
Вазорати нақлиёти Тоҷикистон бо ирсоли барқия аз масъулини ҳамаи ширкатҳои мусофиркашонӣ тақозо намудааст, ки пеш аз сафар, дару тиреза ва салони автобусу микроавтобусҳои мусофирбарҳоро бояд бо маҳлулҳои кимиёвӣ безарар гардонанд

ДУШАНБЕ, 4 – апр Sputnik. Ин дастури вазорат бо мақсади пешгирӣ аз паҳншавии эҳтимолии бемории корона ё COVID -19 буда ва ҳолати иҷрои онро раёсату шӯъбаҳои нақлиёт дар шаҳру ноҳияҳо ба назорат мегиранд.

Қарори Рустами Эмомалӣ: дар Душанбе  тадобир барои пешгирии коронавирус пурзӯр мегардад 

Мирислом Комилов, муовини сардори Раёсати муассисаи давлатии нақлиёти автомобилӣ ва хизматрасонии логистикӣ дар вилояти Суғд дар суҳбат бо Sputnik Тоҷикистон гуфт, ҷараёни корҳои санитарии дохили мусофирбарҳо назорат мешаванд.

"Мо рӯзи гузашта ба шаҳри Панҷакент сафар карда бо ронандаҳо, роҳбарони ширкатҳои мусофиркашонӣ ва масъулини соҳа дар бораи дастури қатъии вазорати нақлиёт оид ба безараргардонӣ - "дезинфексия"- и дохили воситаҳои нақлиёт, корҳои фаҳмондадиҳиро гузаронидем. Дар дигар шаҳру ноҳияҳо ҳам дар ин бора корбарӣ доранд", - афзуд Комилов.

Малик Партобов, муовини сардори Хадамоти давлатии танзим дар соҳаи нақлиёт дар Суғд таъкид намуд, ки ба ҳисоби ҳолати техникӣ, онҳо шароити санитарии нақлиётҳои мусофирбариро муоина мекунанд.

"Ҳоло кормандони мо дар ҳар шаҳру ноҳияҳо ба нуқтаҳои диспечерии ин ширкатҳо рафта, ҳолати санитарии дохили воситаи мусофирбарҳоро, ки чи гуна пеш аз сафар бо хлор ва дигар маҳлулҳои кимиёвӣ безарар гардонида мешаванд, назорат мебаранд", -  гуфт Партобов.

Зимнан, корхонаҳои воҳиди давлатӣ дар шаҳрҳои Хуҷанд ва Душанбе ҳаракати шуморе аз автобусҳои мусофирбариро роҳандозӣ кардаанд. Дар дигар шаҳру навоҳии кишвар хизматрасонии мусофирбарӣ пурра ба зимаи ширкатҳои нақлиёти хусусӣ вогузор аст.

265
Барчаспҳо:
дастур, вазорати нақлиёт, автобус
Зулфия Абдусаматзода - зам министра здравохранения

Абдусаматзода бо намояндаи JICA солимии модарони тоҷикро баррасӣ кард

21
(Таҷдидшуда 17:23 30.10.2020)
Муовини вазири тандурустӣ Зулфия Абдусаматзода бо роҳбари Намояндагии JICA дар Тоҷикистон Мунео Такасака муносиботи Вазорат бо ин ширкатро баррасӣ кард

ДУШАНБЕ, 30 окт — Sputnik. Муовини вазири тандурустии Тоҷикистон, Зулфия Абдусаматзода бо роҳбари Намояндагии JICA дар Тоҷикистон Мунео Такасака онлайн суҳбат кард.

Бино ба гузориши Вазорати тандурустӣ, Абдусаматзода доир ба ҳамкориҳои вазорат бо Намояндагии JICA дар Тоҷикистон махсусан дар самти солимии модар ва кӯдак суханронӣ намудааст.

Таҳсил дар Ҷопон: Муҳриддин ва Мияшита ёддошти тафоҳум имзо карданд

"Дар вохурӣ ҷонибҳо доир ба ҳамкориҳои дуҷониба дар самти таъмини солимии модар ва кӯдак табодули афкор намуда, ҷиҳати боз ҳам густариш додани  ҳамкориҳо дар ин самт ҳавасмандии хешро иброз намуданд", - омадааст дар хабарнома.

Мунео Такасака дар навбати худ, роҷеъ ба саҳми Ҳукумати Ҷопон дар татбиқи бомуваффақияти лоиҳаҳо дар соҳаи тандурустӣ тавассути Намояндагии JICA дар Тоҷикистон сухан гуфтааст.

Мулоқоти Сироҷиддин Муҳриддин бо роҳбарони пешину навтаъйини JICA дар Тоҷикистон

Таъкид мешавад, ки JICA яке аз шарикони муҳими Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба шумор рафта, дар доираи ҳамкориҳои дуҷониба то имрӯз як қатор лоиҳаҳо татбиқ гардида истодаанд.

21
Барчаспҳо:
кӯдак, модар, суҳбат, муовини вазир, Вазорати тандурустӣ
Мужчина смотрит в окно у рабочего стола

Кормандони Маркази адлияи ноҳияи Рӯшон соҳиби бино мегарданд

7
(Таҷдидшуда 15:47 30.10.2020)
Ба гуфтаи масъулини Ҷамъияти масъулияташ маҳдуди СУ-5, онҳо тасмим гирифтаанд, ки то фарорасии Рӯзи Парчами давлатӣ бинои мазкурро мавриди баҳрабардорӣ қарор диҳанд.

ДУШАНБЕ, 30 окт – Sputnik. Дар арафаи таҷлили Рӯзи Парчами давлатӣ кормандони Маркази адлияи ноҳияи Рӯшон ба бинои нав мекӯчанд. Ин бино аз ду ошёна ва таҳхона иборат буда, маблағгузории онро Вазорати адлияи Ҷумҳурии Тоҷикистон бар уҳда дорад.

Муовини аввали раиси ноҳияи Рӯшон Гулмаст Дӯсталиев гуфт, ки "мақомоти иҷроияи ҳокимияти давлатии ноҳия ба чунин бинои зебову барҳаво  хеле ниёз дошт. Зеро кормандони Маркази адлияи ноҳия, нотариуси давлатӣ ва бойгонӣ дар биноҳои кӯҳна, ки аввали солҳои шастум сохта шуда буданд, фаъолият доранд".

"Намуди зоҳирии ин биноҳо низ ба меъёрҳои меъмории замони муосир посухгӯ нест ва  симои маркази ноҳияро, ки дар ду даҳсолаи охир ба таври бесобиқа тағйир ёфтааст, коста мегардонад. Баробари ба итмом расондани сохтмони мазкур ҳам барои кормандони Маркази адлияи ноҳия  шароити мусоиди корӣ фароҳам оварда мешавад ва ҳам симои кӯчаи марказӣ ба худ ҳусни зеботар мегирад", - таъкид намудааст вай.

Дар Бадахшон 7 бунгоҳи тиббӣ бунёд мешавад

Сардори Ҷамъияти масъулияташ маҳдуди СУ-5 Навбаҳор Каримов, ки сохтмони биноро бар дӯш дорад, изҳор намуд, ки “бино аз 16 утоқи корӣ иборат буда, бинокорон  кӯшиш мекунанд ҳамаи утоқҳоро бе ягон камбудӣ ба ҳайати комиссия супоранд. Орзуи ҳар бинокор ин аст, ки соҳибони ояндаи бино аз кораш розӣ бошанду ба онҳо изҳори сипос намоянд. Ин беҳтарин мукофот барои ҳар бинокор аст”.

Ба гуфтаи масъулини Ҷамъияти масъулияташ маҳдуди СУ-5, онҳо тасмим гирифтаанд, ки то фарорасии Рӯзи Парчами давлатӣ бинои мазкурро мавриди баҳрабардорӣ қарор диҳанд.

 

7

Ҳабиб амали Макронро маҳкум кард: "мо пайғамбарамонро беш аз ҳама дӯст медорем"

61
(Таҷдидшуда 17:41 30.10.2020)
Ҳабиб Нурмуҳаммадов қаҳрамони ҷаҳон дар риштаи муҳорибаҳои омехта рафтори президенти Фаронса Эммануэл Макронро нисбати пайғамбари ислом Муҳаммад (с) шарҳ дод

ДУШАНБЕ, 30 окт — Sputnik. Ҳабиб Нурмуҳаммадов дар саҳифааш дар Instagram аз ояти Қуръонӣ мисол оварда, акси президенти Фаронса Эммануэл Макронро бо изи пой нашр кард ва ӯро бадтарин махлуқ хонд.

"Бигзор Худои Таъоло чеҳраи ин махлуқ ва тамоми пайравони ӯро, ки зери шиори озодии сухан, эҳсоси беш аз якуним миллиард мусалмонро таҳқир мекунанд, зишт гардонад.  Бигзор Худо онҳоро дар ҳаёт ва дар охират хор созад. Худо дар ҳисобот зуд аст ва шумо инро хоҳед дид", - навиштааст Ҳабиб.

Ӯ афзуда, ки мусалмонон пайғамбарашон Муҳаммад (с) - ро беш аз ҳар касе дӯст медоранд.

Посмотреть эту публикацию в Instagram

Да обезобразит Всевышний лицо этой твари и всех его последователей, которые под лозунгом свободы слова оскорбляют чувства более полутора миллиарда верующих мусульман. Да унизит их Всевышний в этой жизни, и в следующей. Аллах скор в расчёте и вы это увидите. Мы - мусульмане, любим нашего Пророка Мухаммада (да благословит его Аллах и приветствует) больше, чем наших матерей, отцов, детей, жён и всех остальных близких нашему сердцу людей. Поверьте мне, эти провокации им выйдут боком, конец всегда за Богобоязненными. - ‎قبح الله وجه هذا الأبتر وجميع تبعهم الذين يؤذون الشعور أكثر من نصف مليار مسلم تحت قناع الحرية ‎أذلهم الله في الدنيا والآخرة إن الله سريع الحساب ‎نحن مسلمون نحب رسولنا ونبينا محمد صلى الله عليه وسلم أكثر من أمهاتنا وآبائنا وأبنائنا وأزواجنا ومن جميع خلق الله سبحانه وتعالى ‎صدّقوني هذه الاستفزازات سوف تخرج من أعناقهم والعاقبة للمتقين - Holy Quran 33:57 ------------------ إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُّهِينًا Воистину, тех, которые поносят Аллаха и Его Посланника, Аллах проклял в этом мире и в Последней жизни и уготовил им унизительные мучения.

Публикация от Khabib Nurmagomedov (@khabib_nurmagomedov)

"Мо мусалмонон, Паёмбарамон Муҳаммад (с) -ро аз модарон, падарон, фарзандон, ҳамсарон ва ҳамаи одамони ба диламон наздик, бештар дӯст медорем. Бовар кунед, ин иғвоҳо ба онҳо бармегарданд, оқибати хуб ҳамеша барои парҳезгорон аст", - навиштааст қаҳрамон.

Тазоҳурот дар Теҳрон пас аз шарҳи Макрон дар бораи Ислом - навор

Ёдовар мешавем, чанде пеш дар шаҳри Конфлан-Сент-Онорини Фаронса, ки дар 27-километрии Порис ҷойгир аст, сари омӯзгори коллеҷро аз тан ҷудо намуданд. 

Профессор матолибҳои нашркардаи Charlie Hebdo-ро бо донишҷӯён муҳокима кард ва инчунин ба онҳо карикатураҳои пайғамбар Муҳаммад (с) - ро нишон медод.

Қотили ӯ шаҳрванди 48 - солаи Алҷазоир буда, дар коллеҷи мазкур яке аз фарзандони ӯ таҳсил мекард.

Дар робита ба ин қазия, раисҷумҳури Фаронса Эммануэл Макрон ба тамоми фаронсавиҳо супориш дод, ки карикатураи пайғамбарро дар тамоми идораҳои давлатӣ овезон кунанд.

Ин амали Макрон боиси нигаронии ҷомеаи мусалмонон гардид.

61
Барчаспҳо:
Фаронса, маҳкум, Қуръон, Эммануэл Макрон, Ҳабиб Нурмуҳаммадов