Алишер Абдукаримов, замглавврач Джаббор Расуловской болницы

“Ташхис маълум нест”: суҳбат бо пизишке, ки гумон меравад, мубталои “коронавирус” шудааст

6586
(Таҷдидшуда 17:24 06.04.2020)
Дар пайи фавти як сокини ноҳияи Ҷаббор Расулов 11 пизишки беморхонаи марказии ин ноҳия ба гумони ибтило ба “вируси тоҷдор” ба шифохонаи шаҳри Хуҷанд интиқол ёфтаанд

ДУШАНБЕ, 6 апр — Sputnik. Қаблан расонаҳо хабар дода буданд, ки вазъи сиҳатии онҳо , бахусус, яке аз онҳо – Алишер Абдукаримов, муовини сардухтури шифохонаи марказии ноҳияи Ҷаббор Расулов вазнин аст. Хабарнигори Sputnik Тоҷикистон бо мавсуф тамос гирифт ва ҷузъиёти ҳодисаро пурсид. Мавсуф дар бораи вазъи саломатии худу ҳамроҳонаш гуфт:

 

Алишер Абдукаримов, замглавврач Джаббор Расуловской болницы
© из личного архива Алишера Абдукаримова
Алишер Абдукаримов, замглавврач Джаббор Расуловской болницы

Абдукаримов: Ягон гап нест. Ман сиҳату саломатам. Ҳамин ҷо дар шӯъбаи терапияи шифохонаи шаҳри Хуҷанд дар қарантина қарор дорам. Таҳлилҳоямонро гирифтаанд. Гуфтанд, ки соати 10 маълум мешавад. Мунтазирем. Рости гап, ягон тасф надорам, ягон аломати дигар ҳам нест. Дигарон ҳам инчунин. Шахсан ҳатто ягон дору ҳам нахӯрдаам. Аз воҳима ҳам таби одам баланд мешавад.

SputnikТоҷикистон: Кадом воҳима?

Абдукаримов: Ин ки дар берун расонаҳо дар бораи ман навиштаанд. Наздикон, ёру дӯстон, фарзандонам занг мезананд, рӯзноманигорон тамос мегиранд.

Sputnik Тоҷикистон: Ягон диагноз ба Шумо намондаанд?

Абдукаримов: Не, фақат ба хотири тафтишот хобидаем. Таҳлилҳоро гирифтаанд, агар манфӣ баромад, ҷавоб медиҳанд хона меравем.

Sputnik Тоҷикистон: Ҳамон одаме, ки мариз шуда, фавтидааст, киву чикора буд ва чӣ маризӣ дошт?

Абдукаримов: Он кас як деҳқони оддии 59 - сола буда, дар қишлоқи Гулафшон, собиқ Янтоқзори ҷамоати деҳоти “Ҳаёти нав” – и ноҳияи Ҷаббор Расулов зиндагӣ мекард. Ҳангоми кор дар саҳро, чун мавсими кишту кору дигар масруфиятҳои деҳқонӣ аст, оби сард нӯшидаанд. Пас аз ин сар мешавад. Санаи 21 ё 22 беморӣ авҷ мегирад. Фикр мекунад, зукоми оддӣ аст ва бо табобат дар хона машғул шудааст. Аммо баъдтар вақте маризӣ авҷ гирифта, ба узвҳои роҳи нафас мегузарад, ба пневмония мубтало мешавад. Шушаш шамол мехӯрад. Ҳамин тавр, ҷойҳои дард фасод мегиранд. Ҳарду тарафи шуш шамол мехӯрад, яъне аз ду тараф пневмония мешавад. Ин як ҳолат ё мавриди хеле нодир аст. Мо ҳамин гуна ташхис додем.

Sputnik Тоҷикистон: Оё ба Қирғизистон рафта, ё тамосҳое бо афроди дигари машкук доштааст?

Абдукаримов: Бале, ҳатман ки пурсидем. Он кас умуман ба Қирғизистон нарафтааст ва бо ягон маризи дигар тамос надоштааст. Аммо чун ду тарафи шушаш шамол хӯрда буд, бо Хадамоти беҳдоштиву эпидемиологӣ ба ин натиҷа расидем, ки таҳлилҳои ӯро барои ташхис ба Душанбе фиристем, ба хотири ин, ки боз “вируси тоҷдор” надошта бошад. Душанбе посух дод, ки таҳлилҳояш манфӣ аст, яъне ҳеҷ асаре аз вирус нест. Аммо он кас, ки 28 бистарӣ шуда буданд, 1 апрел дар шӯъбаи эҳё вафот карданд.

Sputnik Тоҷикистон: Ин қарантину интиқоли шумо ба Хуҷанд чӣ тавр иттифоқ афтод?

 Абдукаримов: Аз вафоти он кас се – чор рӯз гузашта буд. Як корманди мо, ки бо он кас тамос дошт ва он касро табобат мекард, шикоят аз дарди гулӯ, якеи дигар аз дарди сар кард. Худи ман ҳам, ки он касро муоина карда будам, тасф кардам ва ҳароратам баланд шуд. Дар умум 11 нафаре, ки бо он бемор тамос доштем, ҳамин гуна аломатҳоро нишон доданд. Мо ба раҳбарияти шифохона муроҷиат кардем, ки пас аз ҳамон маврид ҳамин ҳодисаҳо ҷараён доранд, чӣ кор кунем? Тасмим бар ин шуд, ки моро ба Хуҷанд интиқол диҳанд. Аз ҳамаи мо ташхис гирифтанд ва гуфтанд, ки то маълум шудани натиҷаҳо бояд дар қарантина бошем.

Sputnik Тоҷикистон: Аҳли оилаи марҳумро низ таҳти қарантина гирифтанд?

Абдукаримов: Бале, аъзои оилаи он кас дар табобатгоҳи Ғӯлакандози ноҳияи Ҷаббор Расулов таҳти қарантина қарор доранд. P.S. Дар вазорати тандурустӣ ва ҳифзи иҷтимоии Тоҷикистон ба Sputnik Тоҷикистон гуфтанд, ки ташхиси 11 пизишк аз ноҳияи Ҷаббор Расулов то як – ду соати дигар маълум хоҳад шуд.

 

6586
Барчаспҳо:
суҳбат, ташхис, Хуҷанд, вирус, беморхона, Ҷаббор Расулов, сокинон
Люди в масках в районе Рудаки, архивное фото

Саркашӣ аз пардохти алимент 243 нафарро ба ҷавобгарии ҷиноятӣ кашид

70
(Таҷдидшуда 16:51 08.03.2021)
Мудири бахши робитаҳои байналмилалии Хадамоти иҷрои Тоҷикистон эълон кардааст, ки дар соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар парванда оғоз шудааст

ДУШАНБЕ, 8 март – Sputnik. Ширинов Аюбҷон, мудири бахши робитаҳои байналмилалии Хадамоти иҷрои назди Ҳукумати Тоҷикистон қайд кардааст, ки мутаассифона, таҳлили вазъи истеҳсолоти иҷро вобаста ба ситондани алимент нишон дод, ки воридшавии шумораи ҳуҷҷатҳои иҷро вобаста ба ин намуди санади судӣ сол то сол тамоюли зиёдшавӣ дорад.

Вай афзуд, айни ҳол, дар ҷумҳурӣ зиёда аз 71 ҳазор ҳуҷҷати иҷро вобаста ба ситондани маблағи алимент мавҷуд мебошад, ки ба сарбории ҳар иҷрочӣ бо назардошти дигар санадҳои судӣ зиёда аз 800 то 1200 санади судӣ рост меояд.

“Танҳо дар зарфи як сол, яъне соли 2020 барои иҷрои маҷбурӣ 11 330 ҳуҷҷати иҷро вобаста ба ситондани маблағи алимент ворид гардидааст, ки ситониши доимии давравиро пешбинӣ менамоянд”, - таъкид доштаст удири бахши робитаҳои байналмилалии Хадамоти иҷрои назди Ҳукумати Тоҷикистон.

Ҳамзамон Аюбҷон Ширинов, гуфт, ки соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар тибқи талаботи моддаи 177 Кодекси ҷиноятии Ҷумҳурии Тоҷикистон парванда оғоз шудааст.

“Инчунин, дар баъзе мавридҳо новобаста аз татбиқи ҷазои ҷиноятӣ маблағи қарзи алимент пардохт нагардида, ҳангоми адои ҷазо қарзи алимент давра ба давра зам гардида, боиси мушкил ситондани он барои таъминоти фарзандони ноболиғ мегардад”, - гуфт ӯ. 

Ҳатто ҳолатҳое мешаванд, ки волидон аз пардохти алимент бадқасдона саркашӣ намуда, бар зами ин боз даст ба ҷиноят мезананд.

Гуфта мешавад, ки бо мақсади сари вақт ситондани алимент барои фарзандони ноболиғ, болиғи ғайриқобили меҳнат, ҳимояи ҳуқуқҳои модару кӯдак роҳбарияти хадамоти иҷро ва кормандони он тамоми чораҳоро тибқи қонунгузории Тоҷикистон меандешанд.

70
Барчаспҳо:
маблағ, Прокуратура, пардохт, саркашӣ, Тоҷикистон

Симои микроноҳияи 13-и шаҳри Хуҷанд табдил меёбад

194
(Таҷдидшуда 17:22 08.03.2021)
Мақомоти шаҳри Хуҷанд эълон доштааст, ки дар микроноҳияи 13-уми шаҳр маҷмааи хизматрасонӣ бо тарҳи хос бунёд мегардад

ДУШАНБЕ, 8 март – Sputnik.  Бино бар иттилои дафтари матбуоти мақомоти шаҳри Хуҷанд, корҳои ободонӣ бахусус дар дохили хонаҳои баландошёнаи микроноҳияи 13-уми шаҳр вусъат гирифта, қадди роҳ, пайраҳаҳо ба низом дароварда шуда, то ба имрӯз беш аз 30 адад хонаҳои баландошёнаи ин маҳалла аз ҷониби кормандони Корхонаи давлатии “Истифодабарии манзили соҳили рост” рангубор карда шуданд.

Ҳамзамон манбаъ қайд кардааст, ки дар партави ин корҳои ободонию созандагӣ ва бунёдкории шаҳрдорӣ миёни хонаҳои баландошёнаи 17, 37, 38, ва 25-и микроноҳияи 13-уми шаҳри Хуҷанд маҷмааи хизматрасонӣ бо тарҳи хос иборат аз чойхона, дорухона, сехи дӯзандагӣ, нонвойхона, майдончаи бозии футбол, мавзеъи бозии кӯдакона, ҷои истироҳати сокинони биноҳо, танӯрхона ва ошхона бунёд шуда истодааст, ки дар арафаи Наврӯзи байналмилали 2021 мавриди баҳрабардорӣ қарор хоҳад гирифт.

Ҳамзамон таъкид гардидааст, ки барои сарсабзу зебо гардонидани муҳити зист дар ин микроноҳия беш аз 400 бех ниҳолҳои ҳамешасабзи шинонида шуданд, ки ба муҳити атроф накҳати дигар мебахшад.

Зикр шудааст, ки сокинони микроноҳияи 13-ум аз ин иқдоми шаҳрдорӣ истиқбол карданд.

Бояд гуфт, ки дар шаҳри Хуҷанд барои дар сатҳи баланд ҷашн гирифтани 30-солагии Истиқлолияти давлатии Тоҷикистон, силсилаи корҳои бунёдкорӣ сурат гирифта истодааст.

194
Барчаспҳо:
бунёд, хизматрасонӣ, маҷмаа, симо, Хуҷанд, Тоҷикистон
Таджикская певица Манижа, архивное фото

Тоҷикдухтар Манижа Сангин, Русияро дар озмуни Евровидение-2021 намояндагӣ мекунад

425
(Таҷдидшуда 01:05 09.03.2021)
Сарояндаи тоҷики муқими Русия Манижа Сангин Русияро дар озмуни Евровидение-2021 намояндагӣ мекунад

ДУШАНБЕ, 9 мар — Sputnik. Шабакаи якуми телевизиони Русия дар бораи роҳёбии Манижа Сангин ба Евровидение-2021 эълон кард.

Гуфта мешавад, Манижа Сангин Русияро бо таронаи Russian woman. намояндагӣ хоҳад кард.

Қаблан шабака иттилоъ дода буд, ки иштирокчии Евровидение аз кишвар рӯзи душанбе - бо овоздиҳии тамошобинон дар як намоиши махсуси идона муайян карда мешавад.
Довталабон Manizha, #2Маши или Therr Maitz буданд, ки тоҷикдухтар соҳиби роҳхат ба Евровидение-2021 гардид.
Евровидение-2021 рӯзҳои 18-22 май дар шаҳри Роттердами Нидерландия баргузор мешавад ва дар он сарояндагон аз 41 кишвар ширкат хоҳанд кард.

Ба гуфтаи созмондиҳандагон, озмун ба таври муқаррарӣ баргузор мешавад, аммо ҳайатҳо ва шумораи рӯзноманигорон коҳиш дода мешаванд.

Клипи нави Манижа: бо қонунҳои Қуръон дохили калисо-видео

Ҳанӯз маълум нест, ки тамошобинон ба намоишҳо ҳозир мешаванд ё не.

Соли гузашта Евровидение бо сабаби пандемияи коронавирус лағв шуда буд. Мебоист Русияро гурӯҳи Little Big намояндагӣ мекард.

Манижа Сангин, сарояндаи тоҷики муқими Русия соли 1991 дар Душанбе ба дунё омадааст ва ба гуфти худаш замони нооромиҳо бо аҳли оилаашон ба Русия омадааст.

Манижа навозанда, муаллиф ва сарояндаи мустақил аст, ки бо тахаллуси Manizha маъруф аст. Ӯ пас аз нашри видеоиҳои муаллифиаш дар Instagram шӯҳрат пайдо кард.

Манижа Сангин то имрӯз ҳамаи сурудҳояшро ба забонҳои русӣ ва англисӣ сароидааст. Ӯ дар мусоҳибае гуфт қасд дорад аввал ба хотири ҷамъ кардани аудитория ба ин забонҳо бисарояд ва баъд ба забони модарияш хоҳад суруд. Ахиран ӯ намоҳанги худ "Не до славянка"-ро пешкаши мухлисон кард ва дар он бо забони тоҷикӣ "ё бача ту мара гуш кун" хитоб карда, бо забонҳои русию англисӣ сурудро дар мавзӯи муҳоҷирату миллату зиндагӣ давом дод, ки ин тарона мавриди истиқболи коргарон қарор гирифт. 

Манижа Сангин нахустин сафири СММ аз Русия оид ба гурезагон

Номбурда мегӯяд, аз 8-солагӣ ба эҷоди суруд машғул ҳаст ва ҳамаи намоҳангҳои худро худаш монтаж ва омода мекунад.

Ӯ ахиран соли гузашта нахустин сафири ҳусни нияти Русия оид ба гурезагон дар Созмони Миллали Муттаҳид интихоб шуд.

425