Главная мечеть в городе Худжанде перед рынком Панчшанбе  в Таджикистане, архивное фото

"Ба овозаҳо бовар накунед": даъвати фаъолони Хуҷанд аз мардум

821
(Таҷдидшуда 20:15 06.04.2020)
Аз сокинони Хуҷанд даъват шудааст, ки ба овозаҳои сироятёбии сокини ноҳияи Ҷаббор Расулов бовар накунанд, чун бино ба иттилои Фаррух Мақсудзода, сардори Раёсати тандурустии вилоят, дар вилоят ягон бемори сироятшуда бо ташхиси коронавирус ба қайд гирифта нашудааст

ДУШАНБЕ, 6 апр — Sputnik. Дар майдони Регистони бозори марказии "Панҷшанбе"-и шаҳри Хуҷанд барои пешгирӣ аз паҳншавии коронавирус аксия баргузор шуд.

Ин аксия бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Хуҷанд дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд,  Маркази вилоятии ташаккули тарзи ҳаёти солим, Маркази пешгирӣ ва мубориза бар зидди бемории СПИД-и вилояти Суғд таҳти унвони "Худ ва дигаронро аз сирояти коронавирус ҳифз намоед",  доир гардид.

"Таҳлилҳо манфӣ": фавти марди 60-сола ва карантинкунии 13 сокини Ҷаббор Расулов дар Хуҷанд

АМИТ "Ховар" бо такя ба Маркази иттилоот ва таҳлили ҲХДТ дар шаҳри Хуҷанд хабар медиҳад, ки ташкилкунандагони ин ҳамоиш зимни тақсимоти варақаҳо ба сокинон ҳушдор медоданд, ки ба хотири ҷилавгирии сироятёбӣ аз коронавирус онҳо бояд бештар худро аз издиҳом канора гиранд, ҳамчунин ба рӯй кашидани ниқоби ҳимоятӣ, сари вақт бо оби гарм ва собун шустани дастон ва дигар корҳои тозагиро риоя намоянд. 

Таъкид шудааст, ки барои баланд бардоштани масуният (иммунитет) ҳарчи бештар истеъмол намудани ғизоҳо ва алалхусус, сабзавоту меваҷот, пиёз ва сирпиёз (чеснок) ҳамчун фитонсид мувофиқи мақсад аст.

Ҳамчунин аз сокинон даъват шудааст, ки ба овозаҳои сироятёбии сокини ноҳияи Ҷаббор Расулов  ба ин беморӣ бовар накунанд. Зеро, бино ба иттилои сардори Раёсати тандурустии вилоят Фаррух Мақсудзода, дар вилоят ягон бемори сироятшуда бо ташхиси коронавирус ба қайд гирифта нашудааст. 

Пурзӯр намудани назорати сокинон, дар маҳаллаю кӯчаҳо бо худ доштани ниқоби ҳимоятӣ танҳо чораи худро эҳтиёт кардан аст.

Маълумот дода шуд, ки бемории сироятии коронавирус имрӯз ба ҳаёти сокинони сайёра, хосса давлатҳои Аврупо ва Амрико хисороти беш оварда, бинобар риоя накардани чораҳои пешгирӣ сироятёбӣ авҷ гирифта истодааст.

 

821
Барчаспҳо:
аксия, вирус, Суғд
Мавзуҳо:
Пайомадҳои COVID-19 дар Тоҷикистон ва ҷаҳон (412)
Доллары и чайник

Пул нест: касри буҷет дар чаҳор моҳ ба 60 миллион доллар расид

208
(Таҷдидшуда 02:47 26.05.2020)
Вазорати молияи Тоҷикистон ахиран эълон кардааст, ки буҷети кишвар давоми чаҳор моҳи соли равон наздик ба 60 миллион доллар расидааст

ДУШАНБЕ, 26 май – Sputnik. Ҳаҷми умумии буҷети ҳукумати Тоҷикистон давоми чаҳор моҳи соли равон ба 6 миллиарду 823 миллион сомонӣ расидааст, ки бо касри 600 миллион сомонӣ (муодили 58 миллион доллар) рубарӯ шудааст, иттилоъ додааст хабаргузории “Парстудей”

Вазорати молияи Тоҷикистон далели ин касри буҷетро густариши вируси корона ба сабаби таътилии касбукорҳо ва коҳиши пардохти молиёт ва аворизи мухталиф унвон кардааст.

Хароҷоти буҷет соли - 2020: кадом бахшҳо муҳиманд

Коршиносони Вазорати молияи Тоҷикистон бо ишора ба авзои иқтисодии Тоҷикистон дар паи густариши вируси корона дар ин кишвар эҳтимоли касри 230 миллион долларии буҷети ҳукумат то поёни имсол пешбинӣ кандаанд. 

Ҳаҷми умумии бюджети ҳукумати Тоҷикистон дар соли равон, 26 миллиарду 100 миллион сомонӣ(муодили 2 миллиард 100 миллион доллар) аст.  

208
Барчаспҳо:
норасоӣ, Вазорати молия, пул, доллар, Тоҷикистон
Посол Ирана в Таджикистане Мухаммажтаки Собири

Аз Ҷурабек Назрӣ то Мунира Ҳакимова: паёми дардноки сафири Эрон ба мардуми Тоҷикистон

572
(Таҷдидшуда 02:39 26.05.2020)
Сафири Эрон дар Тоҷикистон ба даргузашти чанд нафар аз шахсиятҳои саршиноси ҷумҳурӣ изҳори ҳамдардӣ кард

ДУШАНБЕ, 26 май – Sputnik. Муҳаммадтақӣ Собирӣ, сафири Эрон дар Тоҷикистон дар паёмаш қайд кардааст, ки ахиран чанд тан аз ҳунармандон ва шахсиятҳои барҷастаи илмӣ ва адабии тоҷик ба диёри боқӣ рахт барбастанд ва  ҷомеаи фарҳангии тоҷикро доғдор намуданд.

Сафири Эрон таъкид доштааст, ки даргузашти Муҳаммадалии Аҷамӣ,  Баҳриддин Камолиддинов, Саидшоҳ Акрамов, Хайрӣ Назарова, Савринисо Сабзалиева, Мунира Ҳакимова, Абӯбакри Зубайдӣ, Хуршед Алидод, Абдуфаттоҳ Ҳотамов ва  ғайра барои фарҳанг ва ҷомеаи Тоҷикистон ва алоқамандони мероси гаронбаҳои порсӣ, дарднок мебошад.

Сафири Эрон: шеъри Саъдӣ оинадори сулҳ, ишқ ва дӯстӣ аст

“Ҳанўз дар ғами аз даст додани ин азизон будем, ки хабардор шудам устоди арҷманд ва ҳунарманди саршиноси мардумӣ  ва раиси собиқи Шўъбаи осори хаттии пажўҳишгоҳи шарқшиносӣ Ҷӯрабек Назрӣ низ даъвати ҳақро лаббайк гуфтанд”, - зикр кард Собирӣ.

Вай ҳамчунин афзуд, ки ин ҳунарманд ва донишманди саршиноси  тоҷик  тамоми умрашро барои рушду тавсиаи ҳунар ва забону адаби муштараки порсӣ сипарӣ кард.

Сафир таъкид кард, ки осор ва ёдгорҳои Ҷурабек Назрӣ дар ҳавзаи адабиёт ва санадпажӯҳӣ натанҳо дар Тоҷикистон, балки дар Эрону Афғонистон низ бисёр шинохта шуда ва шахсияти ӯ мавриди эҳтироми тамоми аҳли фарҳанг мебошад.

“Зимни арзи тасалият ба бозмондагон, миллат ва кишвари дӯсту ҳамфарҳанг ва ҳамзабони Тоҷикистон, аз  даргоҳи Худованди бузург барои он марҳум ва соири азизони аз даст рафта оромиши абадӣ ва ҷаннатмаконӣ ва барои бозмондагони муҳтарам сабру шикебоӣ орзу менамоем”, - гуфт  Муҳаммадтақӣ Собирӣ.

Дар ҳамин ҳол, сафири Эрон дар паёмаш ишора кардааст, ки Эрон ҳамвора дар канори давлат ва мардуми Тоҷикистон хоҳад буд ва ӯ боварӣ дорад, ки Тоҷикистон бо талоши нерӯи шарифи пизишкӣ ва бо ҳамгомӣ, ҳамбастагӣ ва имон ин вируси манҳуси каронаро шикаст дода ва бар он пирӯз хоҳад шуд.

572
Барчаспҳо:
ҳамдардӣ, сафир, таслият, ҷумҳурӣ, саршинос, шахсият, даргузашт, Тоҷикистон, Эрон