Преступник за решеткой

Дар пеши зану фарзандаш ҳақорат кард! Боздошту ҳабс ва парвандаи ҷиноятӣ барои таҳқир

926
(Таҷдидшуда 12:52 08.04.2020)
 Раёсати ВКД дар шаҳри Душанбе як нафареро, ки ҳамсояашро таҳқир мекард, ҳабс карда, алайҳи ӯ парвандаи ҷиноятӣ боз кард

ДУШАНБЕ, 8 апр — Sputnik. Маркази матбуоти ин Раёсат дар шарҳи ин мавзуъ ба Sputnik Тоҷикистон иттилоъ дод, ки боздошти ин нафар дар пайи муроҷиати як сокини пойтахт ва навори ирсолнамудаи ӯ анҷом гирифтааст.

“Дар ин навор дида мешавад, ки шахсе ба номи Алӣ пайваста дар назди дигар афрод ва аҳли хонавода Самандар Сулаймонов, мутаваллиди соли 1984, сокини кӯчаи Мехкалони шаҳри Душанберо дашному ҳақоратҳои қабеҳ дода, шаъну шарафашро паст мезанад. Ин як навори пур аз дашному ҳақорат, алфози қабеҳ буда, ҳодисаи шикастани оинаи пеши мошини сабукрави муроҷиаткунанда низ дар он инъикос ёфтааст”, - мегӯяд Маркази матбуоти Раёсати ВКД.

Бино ба иттилои ин манбаъ, дар пайи як қатор чорабиниҳои оперативӣ-ҷустучӯӣ ва санҷиши муроҷиати мазкур кормандони милитсияи пойтахт шахсияти фарди дар навор инъикосгардидаро муайян ва ба Раёсати ВКД дар шаҳри Душанбе ҳозир намудаанд, ки ӯ шаҳрванд Алӣ Сафарбеков, мутаваллиди соли 1989, сокини шаҳри Душанбе, кӯчаи Испечак-2 будааст.

“Зимни бозрасӣ Алӣ Сафарбеков эътироф кард, ки дар ҳақиқат 6 апрели соли ҷорӣ дар кӯчаи Нусратулло Махсуми шаҳри Душанбе бо ғаразҳои пешакӣ ба назди автомашинаи Самандар Сулаймонов рафта, ӯро дар назди ҳамсар ва 3 фарзанди ноболиғаш бе ягон асос дашному ҳақоратҳои қабеҳ дода, тартиботи ҷамъиятиро вайрон намудааст. Ҳамзамон дастгиршуда Алӣ Сафарбеков ба ин кирдорҳои авбошонаи худ қаноат накарда, бо мақсади қасдан несту нобуд кардани амволи ғайр ба воситаи мушт қисмати пеши оинаи мошини сабукрави Самандар Сулаймоновро шикастааст”, - мегӯяд Маркази матбуоти Раёсати ВКД.

Ишқи маргбори духтари ҳамсоя: қатли Хуршед Ғолибови 21 сола-видео

Бино ба иттилои ин манбаъ, айни замон алайҳи Алӣ Сафарбеков тибқи моддаҳои 237 ва 255 – и Кодекси ҷиноии Тоҷикистон барои қасдан несту нобуд ё вайрон кардани молу мулки ғайр парвандаи ҷиноятӣ оғоз карда шудааст.

“Илова бар ин, айни ҳол нисбати номбурда дар асоси Қарори Суди ноҳияи Сино барои итоат накардан ба талаботи қонунии кормандони милитсия ҳабси маъмурӣ ба муҳлати 7 шабонарӯз татбиқ карда шуда, тафтиши парвандаи ҷиноятӣ идома дорад”, - мегӯяд Маркази матбуоти Раёсати ВКД.

926

Дар Исфара яхдони "гармӣ" пайдо шуд - навор

125
"Ниёз дошта бошед, бигиред. Тавоно бошед, гузоред!" , навишта шудааст дар шишаи он, ки Яхдони меҳрубонӣ ном дорад

ДУШАНБЕ, 28 фев – Sputnik. Дар Исфара яхдоне пайдо шуд, ки дилҳоро нарму гарм мекунад, хабар медиҳанд шоирона расонаҳои маҳаллӣ.

Бино бар иттилои манобеъ, гап дар бораи "Яхдони меҳрубонӣ" меравад, ки барои ниёзмандон ташкил шудааст.

"Яхдони меҳрубонӣ" дар маркази шаҳри Исфара ҷиҳати дастгирии оилаҳои камбизоат  гузошта шудааст.

Аз он ҳамарӯза нафарони ниёзманд метавонанд ба таври ройгон маводи озуқа дастрас намоянд.

Ин амали нек аз ҷониби кормандони филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара роҳандозӣ гардидаву яхдони мазкур маҳз дар пешорӯи ҳамин ташкилот гузошта шудааст.

Дар рӯи яхдони меҳрубонӣ, ки дохилаш пур аз анвои гуногуни маводи озуқа мебошад, навишта шудааст, ки "Ниёз дошта бошед, бигиред. Тавоно бошед, гузоред!"

Сарвари филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара Абдуваққос Фаёзов мегӯяд, ки яхдон  аз ҳисоби ташкилот ва кормандони он бо маводи хӯрока пур карда мешавад.

Лекин нафарони дигари хайрхоҳу саховатманд низ метавонанд дар доираи қудрат ва тавон бидуни ҳеҷ як мушкилӣ тавассути ин яхдон ба ашхоси ниёзманд кумаки амалӣ расонанд.

Нони бепул ба ниёзмандон: иқдоми рамазонии "Амид" дар Хуҷанд

Дар "ИМОН Интернешнл", умед бар он доранд, ки "Яхдони меҳрубонӣ" дили афроди дороро нисбат ба мушкилоти ниёзмандон нарму қалби нафарони камбизоатро ба зиндагӣ гарм месозад.

125
Дворец Кохи Навруз зимой

Раиси Парлумони Афғонистон ба тамошои "Кохи Наврӯз" меравад

152
(Таҷдидшуда 12:10 28.02.2021)
Мирраҳмон Раҳмонӣ бо мақомдорони баландпояи Тоҷикистон, аз ҷумла бо раисҷумҳур ва раиси Маҷлиси намояндагон мулоқот низ хоҳад кард

ДУШАНБЕ, 28 фев – Sputnik. Раиси пралумони Афғонистон Мирраҳмон Раҳмон ба тамошои чанд мавзеи зебои Тоҷикистон меравад, гузориш медиҳад вебгоҳи Маҷлиси намояндагон.

Тавре манбаъ иттилоъ медиҳад, шоми дирӯз Раиси Вулуси Ҷиргаи Шӯрои миллии (Парлумон) Давлати Исломии Афғонистон Мирраҳмон Раҳмонӣ вориди Тоҷикистон шуд.

Дар фурудгоҳи байналмилалии шаҳри Душанбе меҳмони олиқадр ва ҳайати ҳамроҳонашонро Муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва Раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода истиқбол намуданд.  

Раиси парлумони Афғонистон дар доираи сафари корӣ раисҷумҳур Эмомалӣ Раҳмон, Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода,  вазири корҳои хориҷии Ҷумҳурии Тоҷикистон, вазири рушди иқтисод ва савдои Ҷумҳурии Тоҷикистон ва  пракурори генералии Ҷумҳурии Тоҷикистон  мулоқот хоҳад кард.

Президенти Тоҷикистон 1 март бо Мирраҳмон Раҳмонӣ мулоқот мекунад

Интизор меравад, Мирраҳмон Раҳмонӣ ва ҳамроҳони ӯ  аз "Осорхонаи миллии Тоҷикистон" ва "Кохи Наврӯз" дидан намоянд.

152

Бибии 77-сола дар TikTok миллион тамошобин ҷамъ овард

0
Екатерина Горбунова аз шаҳри Ейскаи Русия ситораи ҳақиқии Интернет шуд

Пирӣ ба бибии нафақахӯри  77-сола монеаи байни ҷавонон буданаш нашудааст. 

Нафақахӯр фаъолона видеоҳои ҳаҷвиро ба навор мегирад ва дар TikTok мегузорад.

Ситораи Tik Tok, зодаи Тоҷикистон Дина Саева табобат мегирад

Ба корбарон чунин амалҳои бибӣ писанд омадааст ва ӯро блогери комил гуфтан мумкин аст.

Бибӣ феълан дар саҳифааш дар Тикток  500 ҳазор аъзо дорад, аммо ӯ ин шумораро боз ҳам бештар карданист.

 

Наворҳояшро то миллион бор тамошо кардаанд.

"Tik Tok" аз раисҷумҳури Амрико ба додгоҳ шикоят мебарад

Тафсилоти ҷолибро аз навори мо тамошо кунед.

0