Военком и его сын

Комиссари ҳарбӣ писарашро ба аскарӣ фиристод: мансабдорони дигар чи?

3066
(Таҷдидшуда 13:28 08.04.2020)
Сарафроз Музайянов, писари полковник Хоҷа Музайянзод, комиссари ҳарбии шаҳри Конибодом бо супориши бевоситаи падараш ба хизмати сарбозӣ роҳсипор шудааст

 ДУШАНБЕ, 8 апр – Sputnik. Дар маъракаи даъвати баҳории ҷавонон ба сафи Қувваҳои мусаллаҳи Тоҷикистон, зимнан ин нахустин мисоли сафарбаршавии фарзандони мансабдорони баландмақом, барои хизмати сарбозӣ ба ҳисоб меравад. Зафарбек Давлатзода, раиси шаҳри Конибодом бо розигии падараш ба хизмат рафтани Сарафроз Музайяновро иқдоми намунавии комиссар Хоҷа Музайянзод унвон кардааст.

 “Солҳои қаблӣ, бо истифода аз мақоми худ, бархе аз мансабдорон ба ҳар васила монеаи ба хидмат рафтани фарзандони худ мешуданд. Илова бар ин, баъзе ҷавонони синну солашон калонтар мехостанд тарки кишвар кунанд, то аз хидмати ҳарбӣ саркашӣ кунанд. Дар натиҷа, мо нақшаи даъватро иҷро карда натавонистем. Ҳоло бояд чунин инчунин ташаббуси ҳарбӣ-ватандӯстонаи комиссари шаҳр барои дигар мансабдорон бояд намуна бошад”, -  иброз намудааст Давлатзода.

Сарафроз Музайянов хатмкунандаи Донишкадаи молия ва иқтисодии Тоҷикистон буда, дар қатори ихтиёриён ба хизмати сарбозӣ роҳсипор шудааст. Дар маросими сафарбаршавии онҳо, Зафарбек Давлатзода, раиси шаҳри Конибодом иштирок намуда, барои наваскарон шуҷоатмандӣ ва иҷрои хизмати садоқатмандонаро орзу намудааст.

Маъракаи даъвати ҷавонон ба хизмати сарбозӣ дар Тоҷикистон ҳамасола дар ду давра: баҳору тирамоҳ баргузор мешавад, аммо тавре хабарҳо ба нашр мерасанд, барои иҷрои нақша масъулин аз роҳу усулҳои ғайриқонунӣ “облава” кор мегиранд. Эмомалӣ Раҳмон, раисиҷумҳури Тоҷикистон ахиран дар ҷаласаи бахшида ба 27-умин солгарди Рӯзи таъсисёбии Қувваҳои Мусаллаҳи кишвар ба мавзӯъи ҷалби ҷавонон ба хизмат ҳарф зада, таъкид намуд, ки дар ин росто қабл аз ҳама писарони фарзандони мансабдорони давлатӣ намунаи ибрат бошанд.

 “Роҳбарони ҳамаи зинаҳои ҳокимияти давлатӣ, аъзои Ҳукумат ва вакилони парламент, то раисони вилоятҳо, шаҳру ноҳияҳо, ҷамоатҳои шаҳраку деҳот, ташкилоту муассисаҳо, хизматчиёни давлатӣ ва соҳибкорон бояд худашон намуна бошанд. Фарзандони онҳо дар навбати аввал ва ҳатман ба хизмати ҳарбӣ дар сафи Қувваҳои Мусаллаҳ ҳозир бошанд. Зеро ҳама дар назди қонун баробаранд ва ҳамаи табақаҳои аҳолӣ вазифадоранд, ки талаботи онро риоя намоянд”, - иброз намуд, Раҳмон.

Даъвати баҳории ҷавонон ба сафи Қувваҳои мусаллаҳи кишвар сар аз 1-уми апрел оғоз шуда, қарор аст то охири моҳи май давом кунад.

Бар тибқи амри раисиҷумҳур дар тӯли ин моҳҳо ҷавонони соли таваллудашон 1993-2002 ба хизмати ҳарбӣ даъват карда мешаванд, ки агар ҳуқуқи ба таъхир андохтани хизмати сарбозиро надоранд.

3066
Барчаспҳо:
падар, аскарӣ, писар, Комиссариати ҳарбӣ, комиссариат, Конибодом, Тоҷикистон
На рынке Панчшанбе, архивное фото

Анҷоми таътили “вируси корона”: тоҷирони бозори “Панҷшанбе” сари кор баргаштаанд

9
(Таҷдидшуда 10:52 04.06.2020)
Даҳҳо нафар савдогарони калонтарин бозори Хуҷанд “Панҷшанбе” бо гузашти ду моҳи таътили пешгирии “вируси корона” дубора сари кори худ баргаштанд

ДУШАНБЕ, 4 июн – Sputnik. Ғаниҷон Почоев, раиси соҳибкорони бозори “Панҷшанбе” дар суҳбат ба Sputnik Тоҷикистон гуфт, баъди тақрибан ду моҳи таътил аксар тоҷирони ошёнаҳои якум ва дуюми бозор корро оғоз кардаанд.

“Дирӯз беш аз шаст дарсади савдогарони ошёнаи дуюм ба кор баромаданд ва қарор аст, то чанд рӯзи дигар ҳамаи дукондорони бозор ба кори худ идома диҳанд. Ҳоло дар ошёнаи якум қариб навад дарсади савдогарон ба фурӯши меваю сабзавот ва дигар маҳсулоти ниёзи аввала ба кор шурӯъ кардаанд”, гуфт Почоев.

Раиси соҳибкорони бозори “Панҷшанбе” гуфт, ба далели хуруҷи бемории “вируси корона” як моҳ қабл, аксар соҳибкорон бо пешниҳоди ариза ба унвони идораи нозироти андоз боздошти муваққатии молиёт (патент) и худро тақозо намуда, ба таътил баромада буданд.

Бино ба таъкиди Почоев, ҳоло баъди ба эътидол омадани вазъи хуруҷи ин беморӣ, соҳибкорон дубора бар асоси санади дар дастдоштаи худ метавонанд фаъолияти худро идома диҳанд.

Маъмури Юсуфзод, котиби матбуоти раиси шаҳри Хуҷанд аз роҳандозии корҳои безараргардонии саҳну атрофи ин бозор хабар дода, афзуд, ки масъулони сохторҳои марбутаи шаҳрдорӣ, ҷиҳати пешгирӣ аз бемориҳои сироятии кроновируси нави COVID-19 ва таъмини солимии шаҳрвандонву фурӯшандагон гирди атрофии бозорро безарар гардонида, корҳои назоратиро ба иҷро расонидаанд.

“Панҷшанбе” и Хуҷанд аз зумраи калонтарин бозорҳои пушидаи кишварҳои Осиёи Марказӣ шумурда мешавад, ки дар соли 1964 бунёд шудааст. Ба таъкиди нафарони солдида, ба рӯзи панҷшанбеи ҳафта рос омадани нахустин рӯзи кори он, ба номи бозор асос гузошта ва минбаъ ин калонтарин бозори маркази вилояти Суғд “Панҷшанбебозор” номида шудааст.

Як фавт ва афзоиши теъдоди беморон: омори тозаи маризони COVID - 19 дар Тоҷикистон

Бозори мазкур аз ду ошёна иборат буда, фаъолияти он шабонарӯзӣ ба роҳ монда шудааст.

Дар айни ҳол наздики 1300 соҳибкор дар он фаъолият мекунад. Қарор аст, калонтарин бозорҳои матоъ ва либосфурӯшии Суғд аз ҷумлаи “Атуш” ва “Сомон” то нимаи моҳи июн дубора ба кори худ шурӯъ кунанд.

9
Барчаспҳо:
тоҷирон, бозор, Панҷшанбебозор, Суғд, Тоҷикистон

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

130
(Таҷдидшуда 10:16 04.06.2020)
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

130