Официальный визит президента РФ В. Путина в Таджикистан. День второй

Ҳисоботи раисон ва супоришҳои Раҳмон: аз кишти фаровон то пешгирии коронавирус

458
(Таҷдидшуда 20:17 08.04.2020)
Раисони ноҳияҳо вазифадор карда шуданд, ки ҷиҳати пешгирии бемории сироятии коронавирус барои тозаю озода нигоҳ доштани коргоҳ, маҳалли зист, истифодаи маслиҳатҳои мутахассисони соҳаи тиб ва риояи гигиенаи шахсӣ, чораҳои мушаххас андешанд

ДУШАНБЕ, 8 апр — Sputnik. Президенти Тоҷикистон Эмомалӣ Раҳмон бо раисони ноҳияҳои Рашт, Тоҷикобод, Лахш, Сангвор, Нуробод ва Файзобод телефонӣ ҳисобот доданд.

Бино ба гузориши котиботи раисиҷумҳур, дар ҷараёни суҳбати телефонӣ, Раҳмон ҳисоботи раисони ноҳияҳои номбаршударо оид ба рафти тадбирҳои ободонию бунёдкорӣ ва кишту кори баҳорӣ шунидааст.

Эмомалӣ Раҳмон ба раисони ноҳияҳо доир ба вусъати кишту кори баҳорӣ, истифодаи самараноки замин ва таъмини фаровонии бозори истеъмолии аҳолӣ бо маҳсулоти хушсифати ватанӣ супоришҳои қатъӣ додааст.

Аз аломатгузории марз то пешгирии коронавирус: суҳбати телефонии Раҳмон бо Жээнбеков

Бо дарназардошти вазъи имрӯзаи ҷомеаи ҷаҳонӣ, Эмомалӣ Раҳмон ба Ҳукумати Тоҷикистон ва роҳбарияти мақомоти иҷроияи ҳокимияти давлатии ноҳияҳо супориш додааст, ки нақшаи ҷумҳуриявии кишти зироатҳо, ба хусус картошкаро бознигарӣ карда, майдони кишти онро 40-50 фоиз зиёд намоянд.

"Раисони ноҳияҳо вазифадор карда шудаанд, ки дар баробари иҷрои корҳои кишоварзӣ ба тадбирҳои ободонию созандагӣ аҳамияти ҷиддӣ диҳанд ва ҷиҳати пешгирии бемории сироятии коронавирус корҳои фаҳмондадиҳӣ оид ба тозаю озода нигоҳ доштани коргоҳ, маҳалли зист, истифодаи маслиҳатҳои мутахассисони соҳаи тиб ва риояи гигиенаи шахсӣ, чораҳои мушаххас андешанд", - омадааст дар хабарнома.

Ҳамагирии коронавирус

Коронавирус авохири моҳи декабри соли 2019 дар Вуҳани Чин зуҳур кард ва зуд дар дигар кишварҳо паҳн шуд.

11 марти соли 2020 Созмони ҷаҳонии беҳдошт ин бемориро пандемия эълом кард.

Бино бар омор то имрӯз, коронавирус дар 208 давлати ҷаҳон паҳн шудааст. 

Тибқи охирин омор дар ҷаҳон 1 358 943 кас гирифтори коронавирус шудааст. Ин беморӣ ҷони 71,2 ҳазор касро гирифта, пизишкон то имрӯз 272,8 ҳазор нафарро табобат кардаанд.

То рӯзи 8 апрел дар Русия 8672 ҳолати гирифторӣ ба коронавирус ба қайд гирифта шудааст.

Дар Тоҷикистон то рӯзи 8 апрел ягон ҳолати гирифторӣ аб коронавирус ба қайд гирифта нашудааст.

458
Барчаспҳо:
ҳисобот, Президент, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (487)
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

72
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

72
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

168
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

168
Барчаспҳо:
решакан шудани дарахтон, ронанда, Тоҷикистон
Дуздӣ, акс аз бойгонӣ

Студияи “Тоҷикон групп”-ро дузд зад

0
(Таҷдидшуда 16:58 04.06.2020)
Вазорати умури дохилии Тоҷикистон мегӯяд, студияи “Тоҷикон групп” дар шаҳри Душанбе ҳадафи дуздон қарор гирифтааст

ДУШАНБЕ, 4 июн — Sputnik. Тибқи иттилои ВУД, ба идораи милиса дар доҳияи Фирдавсӣ бо ариза ҷавони 21-сола, сокини ноҳияи Ҳамадонӣ, муроҷиат намудаа, аз дуздӣ дар студияи “Тоҷикон групп” хабар додаст.

Муроҷиаткунанда арз доштааст, ки санаи 26-уми майи соли 2020, тахминан соати 11:00-дақиқа, шахси номаълум бо тариқи пинҳонӣ ба студияи “Тоҷикон Групп”, воқеъ дар кӯчаи Неъмат Қарабоев ворид шуда, аз он ҷо 1-адад блоки системавиро дуздида, аз ҷойи ҳодиса ғайб задааст. 

“Зарари расонидашуда 6 ҳазор сомониро ташкил медиҳад, таъкид кардааст Вазорати умури дохилии Тоҷикистон.

Бобоҷонов боз 1 миллион сомониро барои мубориза бо COVID - 19 дод

Манбаъ афзуд, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милиса ҷавони 25-солаи сокини пойтахт ҳамчун гумонбар дар содир намудани кирдори дуздӣ дастгир карда шуд.

ВУД илова намуд, ки феълан аз рӯи ин ҳодиса тафишот идома дорад.

0
Барчаспҳо:
боздошт, дуздӣ, Тоҷикистон