Дети играют на улице зимой, архивное фото

Барфи баъд аз баҳору Наврӯз дар Тоҷикистон - акс

364
(Таҷдидшуда 12:45 09.04.2020)
Шаби 8 ба 9 уми апрел дар аксар шаҳру ноҳияҳои Тоҷикистон барф борида, замину теппаҳоро сафед кардааст

ДУШАНБЕ, 9 апр – Sputnik. Бино ба гуфти сокинон резиши барф дар шаҳри Душанбе ҳам мушоҳида шуда, гулу рустаҳо дар роҳу пайроҳаҳои пойтахтро бо худ пӯшонидааст.

  • Снегопад в Согдийской области, район Деваштич и Мастчох
    Снегопад в Согдийской области, район Деваштич и Мастчох
    Стрингер
  • Снегопад в Согдийской области, район Деваштич и Мастчох
    Снегопад в Согдийской области, район Деваштич и Мастчох
    Стрингер
1 / 2
Стрингер
Снегопад в Согдийской области, район Деваштич и Мастчох

Сокинон навоҳии Суғд, шимоли Тоҷикистон ҳам бо нашри аксҳо дар шабакаҳои иҷтимоӣ аз "ҷанги барфу гул" хабар дода гуфтаанд, ки дар айни шукуфоии гули дарахтони себу ноку бодому зардолу барф сафедии худро нишон дод.

Манобеъи Sputnik Тоҷикистон аз навоҳии Деваштич ва Кӯҳистони Мастчоҳ мегӯянд, охирҳои моҳи апрели соли гузашта ҳам шоҳиди чунин барфрезӣ дар замони шукуфоии гули дарахтон буданд. Аммо ба гуфтаи онҳо, ҳоло марзи барф назар ба гузашта баландтар буда сокинонро ба рӯбидани он машғул намудааст.

"Ҳама ҷо сап сафед, барф. Марзи барф баланд аст ва ҳаракати воситаҳои нақлиёт дар кӯчаҳои деҳотро мушкил намудааст. Аз ин хотир сокинон дар даст белу ҷорӯб ба рӯбидани барф машғуланд",- гуфт як сокини деҳаи Басмандаи ноҳияи Деваштич.

Коршиносон мегӯянд, ба далели резиши барф дар фасли баҳор замони кишту кор ҳам ба таъхир хоҳад афтод. Аксар мардуми деҳқон бар онанд, ки соли гузашта ҳам бо сабаби боридани барфи баъд аз Иди Наврӯз, ҳудуди як моҳ мавсими кишти зироатҳои баҳорӣ дер оғоз шуда буд.

Сокинон мегӯянд, агар ҳам барф дар моҳи апрел сафедии худро сари замину дарахтон нишон дод, вале ҳарорат ба дараҷае сард нест ва онҳо умедворанд, ки аз таъсири нури офтоб он, об шуда, аз ин ҳол гулу муғҷаи дарахтон ба зудӣ раҳо хоҳанд ёфт.

364
Барчаспҳо:
акс, Наврӯз, Тоҷикистон, барф

Ҷашнҳои рӯзи 1 июн дар Тоҷикистон ва ҷаҳон

24
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
24
Барчаспҳо:
ҷашн, ҷаҳон, Тоҷикистон
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

947
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

947