Раджаббой Ахмадзода, глава согдийской области

“Эҳтиёт кунеду ба он тараф нагузаред”: дастури Аҳмадзода барои пешгирӣ аз коронавирус

2080
(Таҷдидшуда 14:59 09.04.2020)
Раҷаббой Аҳмадзода, раиси вилояти Суғд дар Хистеварз ҷамоати наздисарҳадии ноҳияи ба номи Бобоҷон Ғафуров ба масъулини ҳукумат ва мақомоти ҳифзи ҳуқуқ, доир ба масъалаи пешгирӣ аз сирояти коронавирус мулоқот баргузор намудааст

ДУШАНБЕ, 9 апр – Sputnik. Бар пояи хабари сомонаи ҳукумати Суғд, Аҳмадзода аснои сафари ахири худ ба ҷамоати ҳаммарз бо Қирғизистони ноҳияи Б. Ғафуров ба масъулини соҳа дар бораи пурзӯр намудани назорати марз ва пешгирӣ аз убури шаҳрвандон аз тариқи чапроҳаҳо дастур додааст.

"Гуфта шуд, ки дар гузаргоҳҳои сарҳадӣ ва минтақаҳои наздимарзӣ назорат пурзӯр мебошад. Вале ҳастанд шаҳрвандоне, ки ба хотири манфиатҳои худ дидаву дониста хати марзро убур мекунанд. Аз ин хотир, аз масъулини ноҳияи Бобоҷон Ғафуров, аз ҷумла раисони маҳаллаҳо ва фаъолон даъват карда шуд, ки дар байни мардум корҳои тарғиботиро ҳарчи бештар ба роҳ монанд. Чунки як амали ноҷои шаҳрванд метавонад ба интиқоли коронавирус боис гардад, ки ин ба саломатии давлату миллат хатар эҷод мекунад", - иттилоъ додааст сомонаи ҳукумати Суғд.

Раиси вилоят, дар ҷараёни мулоқот пешгирӣ аз сирояти коронавирусро кори дастаҷамъӣ хонда, аз сокинон даъват намудааст, ки худро эҳтиёт намоянд ва то мӯътадил шудани вазъ аз сафар ба кишвари ҳамсоя худдорӣ варзида ба ин кори худ ҷиҳати ҳифзи саломатии худ ва дигарон бо масъул бошанд.

Бемории вируси корона ё COVID -19 аз кишвари Чин хуруҷ карда, шуйӯъи он то ба домани аксар давлатҳои ҷаҳон расид. Бар пояи маълумоти ахир шумори гирифторони ин беморӣ дар ҷаҳон ба 1 миллиону 511 ҳазору 104 нафар расидааст.

Аз рӯи омори сироятёфтагон ва фавтидагон Амрико ва Италия ҳанӯз дар ҷойи авваланд. Чин бошад, аз рӯйи сироятёбӣ ба зинаи шашум ва фавт дар ҷойи ҳафтум қарор гирифт. Эрон дар ҷойи ҳафтум ва Русия дар зинаи 20 қарор дорад.

Шумори гирифторони коронавирус дар ҷаҳон аз 1,5 миллион гузашт

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (434 114 нафар), Испания (148 220), Италия (139 422), Олмон (113 296), Фаронса (82 048), Чин (81 802), Эрон (67 286), Британияи Кабир (60 733), Туркия (38 226) ва Белгия (23 403) дохил мешаванд.

Шумори шифоёфтагон аз ҳама бештар дар Чин — 77 279 нафар, Испания – 48 021, Олмон – 32 814, Эрон – 29 812, Италия – 26 491, ИМА – 23 774, Фаронса – 21 254, Швейтсария – 9 800, Кореяи Ҷанубӣ – 6 937 ва Белгия – 4 681 нафар мебошанд.

Ба қатори давлатҳое, ки дар онҳо теъдоди зиёди ҳолатҳои фавт ба қайд гирифта шудааст, Италия (17 669 нафар), Испания (14 794), ИМА (14 762), Фаронса (10 869), Британияи Кабир (7 097), Эрон (4 003), Чин (3 333), Олмон (2280), Нидерланд (2248) ва Белгия (2240) дохил мешаванд.

Ахиран дар бораи сирояти ин беморӣ аз ҳисоби сокинони давлтаҳои Осиёи Марказӣ: Ӯзбекистон – 472, Қазоқистон — 670 ва Қирғизистон — 280 ҳолат расман хабар доданд.

Масъулини вазорати тандурустӣ дар кишварҳои Тоҷикистон ва Туркманистон аз орӣ будани сокинон аз ин маризӣ таъкид варзида, дар бораи сабт нашудани ягон ҳолати сироят аз вируси корона то санаи 9-уми апрел гузориш додаанд.

2080
Барчаспҳо:
дастур, Раҷаббой Аҳмадзода
Мавзуҳо:
Пайомадҳои COVID-19 дар Тоҷикистон ва ҷаҳон (968)

Дар Исфара яхдони "гармӣ" пайдо шуд - навор

34
"Ниёз дошта бошед, бигиред. Тавоно бошед, гузоред!" , навишта шудааст дар шишаи он, ки Яхдони меҳрубонӣ ном дорад

ДУШАНБЕ, 28 фев – Sputnik. Дар Исфара яхдоне пайдо шуд, ки дилҳоро нарму гарм мекунад, хабар медиҳанд шоирона расонаҳои маҳаллӣ.

Бино бар иттилои манобеъ, гап дар бораи "Яхдони меҳрубонӣ" меравад, ки барои ниёзмандон ташкил шудааст.

"Яхдони меҳрубонӣ" дар маркази шаҳри Исфара ҷиҳати дастгирии оилаҳои камбизоат  гузошта шудааст.

Аз он ҳамарӯза нафарони ниёзманд метавонанд ба таври ройгон маводи озуқа дастрас намоянд.

Ин амали нек аз ҷониби кормандони филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара роҳандозӣ гардидаву яхдони мазкур маҳз дар пешорӯи ҳамин ташкилот гузошта шудааст.

Дар рӯи яхдони меҳрубонӣ, ки дохилаш пур аз анвои гуногуни маводи озуқа мебошад, навишта шудааст, ки "Ниёз дошта бошед, бигиред. Тавоно бошед, гузоред!"

Сарвари филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара Абдуваққос Фаёзов мегӯяд, ки яхдон  аз ҳисоби ташкилот ва кормандони он бо маводи хӯрока пур карда мешавад.

Лекин нафарони дигари хайрхоҳу саховатманд низ метавонанд дар доираи қудрат ва тавон бидуни ҳеҷ як мушкилӣ тавассути ин яхдон ба ашхоси ниёзманд кумаки амалӣ расонанд.

Нони бепул ба ниёзмандон: иқдоми рамазонии "Амид" дар Хуҷанд

Дар "ИМОН Интернешнл", умед бар он доранд, ки "Яхдони меҳрубонӣ" дили афроди дороро нисбат ба мушкилоти ниёзмандон нарму қалби нафарони камбизоатро ба зиндагӣ гарм месозад.

34
Дворец Кохи Навруз зимой

Раиси Парлумони Афғонистон ба тамошои "Кохи Наврӯз" меравад

144
(Таҷдидшуда 12:10 28.02.2021)
Мирраҳмон Раҳмонӣ бо мақомдорони баландпояи Тоҷикистон, аз ҷумла бо раисҷумҳур ва раиси Маҷлиси намояндагон мулоқот низ хоҳад кард

ДУШАНБЕ, 28 фев – Sputnik. Раиси пралумони Афғонистон Мирраҳмон Раҳмон ба тамошои чанд мавзеи зебои Тоҷикистон меравад, гузориш медиҳад вебгоҳи Маҷлиси намояндагон.

Тавре манбаъ иттилоъ медиҳад, шоми дирӯз Раиси Вулуси Ҷиргаи Шӯрои миллии (Парлумон) Давлати Исломии Афғонистон Мирраҳмон Раҳмонӣ вориди Тоҷикистон шуд.

Дар фурудгоҳи байналмилалии шаҳри Душанбе меҳмони олиқадр ва ҳайати ҳамроҳонашонро Муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода ва Раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода истиқбол намуданд.  

Раиси парлумони Афғонистон дар доираи сафари корӣ раисҷумҳур Эмомалӣ Раҳмон, Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода,  вазири корҳои хориҷии Ҷумҳурии Тоҷикистон, вазири рушди иқтисод ва савдои Ҷумҳурии Тоҷикистон ва  пракурори генералии Ҷумҳурии Тоҷикистон  мулоқот хоҳад кард.

Президенти Тоҷикистон 1 март бо Мирраҳмон Раҳмонӣ мулоқот мекунад

Интизор меравад, Мирраҳмон Раҳмонӣ ва ҳамроҳони ӯ  аз "Осорхонаи миллии Тоҷикистон" ва "Кохи Наврӯз" дидан намоянд.

144
Раҳмон Исломиддин Раҳмон, раиси ноҳияи Данғара ва раисиҷумҳур Эмомалӣ Раҳмон ҳангоми мулоқот бо заминдорон

Қарз нест: Раҳмон гуфт, чанд миллиард доллар ба Данғара ҷалб шудааст

0
(Таҷдидшуда 17:15 28.02.2021)
Раҳмон Исломиддин Хайриддин, раиси ноҳияи Данғара, мегӯяд, то имрӯз 1 миллиарду 155 миллион доллар сармояи хориҷӣ ба ноҳия ҷалб карда шудааст, ки аз ин 1 миллиарду 49 миллиону 146 ҳазор доллар сармояи мустақим мебошад.

ДУШАНБЕ, 28 фев – Sputnik. Ба иттилои Исломиддин Раҳмон, соли гузашта нақшаи даромади буҷаи ноҳия барзиёд иҷро шуда, ба ҷои 144,1 миллион ба буҷа 160,6 миллион сомонӣ ворид шуд.

Раиси ноҳия дар суҳбат бо нашрияи “Ҷумхурият” аз сармоягузории давлатию хориҷӣ дар Данғара гуфта, иттилоъ додааст, ки то имрӯз беш аз 1 миллиарду 155 миллион доллар сармояи хориҷӣ ҷалб карда шудааст.

Инчунин дар ноҳия 12 лоиҳаи давлатии сармоягузорӣ амалӣ мегардад, ки маблағи истифодашуда 33,7 миллион доллари амрикоиро ташкил медиҳад.

“Барномаи рушди иҷтимоию иқтисодии ноҳия барои солҳои 2016-2020 -ум 119 лоиҳаро ба маблағи 685,6 миллион сомонӣ дар бар гирифта, ба ҳолати 1 декабри соли гузашта 60 лоиҳа ба маблағи 478,9 миллион сомонӣ ба иҷро расидааст”, - иттилоъ додаст Исломиддин Раҳмон.

Манбаъ афзудааст, ки ҳоло дар ноҳия 38 корхонаи саноатӣ фаъолият дошта, то 30 - солагии Истиқлоли давлатӣ боз 4 корхонаи саноатӣ фаъол мешаванд.

Ҳаҷми умумии истеҳсоли маҳсулоти кишоварзӣ тайи соли 2020 дар ноҳия муодили 1 миллиарду 196 миллион сомонӣ арзёбӣ шудааст.

Қаблан Эмомалӣ Раҳмон, раисиҷумҳури Тоҷикистон, заминҳои паҳновари Данғараро захираи тиллоии Тоҷикистон хонда, таъкид намуд, ки танҳо одам даркор, ки ин заминро истифода барад.

0
Барчаспҳо:
Данғара, пул, Тоҷикистон