Долларҳо, акс аз бойгонӣ

То 170 ҳазор доллар: Раҳмон номи бархе раисони порагирро гуфт

6599
(Таҷдидшуда 17:21 09.04.2020)
Юсуф Раҳмон, додситони кулли Тоҷикистон, номи бархе аз мансабдорони давлатиро, ки ба ивази ҷудо кардани замин то ба садҳо ҳазор доллар пора мегирифтаанд, эълон кард

ДУШАНБЕ, 9 апр — Sputnik. Юсуф Раҳмон гуфт, баъзе аз масъулини замин бо мақсади ба даст овардани даромад бевосита ба тақсимоти ғайриқонунии қитъаҳои замин даст мезананд.

Додистони кул, мисол овард, ки раиси идораи замини шаҳри Хуҷанд, Рустамзода А. ва муовинаш Ахмедов М. дар якҷоягӣ бо шаҳрванд Ахмедов А. майдони 3,8 га заминҳои шаҳри Хуҷандро ба ивази 171 ҳазор доллар ба 6 нафар ғайриқонунӣ ҳамчун қитъаи замини наздиҳавлигӣ фурӯхтаанд.

Ба иттилои Юсуф Раҳмон, инчунин муовини раиси идораи замини шаҳри Панҷакент, Ёриён Ф, 0,06 га замини корами обиро ба 1 нафар ба ивази 10000 сомонӣ, раиси идораи замини ноҳияи Рашт, Хусейнзода Н. 0,12 га замини обиро ба як нафар ғайриқонунӣ ҳамчун қитъаи замини наздиҳавлигӣ ҷудо карда, додааст. Ӯ таъкид намуд, ки аз рӯи ин ҳолатҳо парвандаи ҷиноӣ оғоз гардидаанд.

Додситони кул дар ҷаласаи ахири Маҷлиси миллӣ изҳор дошт, ки садҳо қарорҳои ғайриқонунии раисони шаҳру ноҳияҳо ошкор карда шуданд ва алайҳи онҳо эътироз оварда шуд.

Юсуф Раҳмон мисол овард, ки бо қарори  раиси ноҳияи Б. Ғафуров соли гузашта ба шаҳрванд Ибрагимов бар хилофи қонун аз ҳисоби заминҳои дарёи Сир 933 метри мураббаъ қитъаи замин барои сохтмони манзили истиқоматӣ ҷудо карда шудааст.

Ба ҳамин монанд, бо қарорҳои раиси ноҳияи Рӯдакӣ ғайриқонунӣ ба 7 нафар шаҳрванд аз ҳисоби заминҳои фонди давлатии об 0,4 га қитъаи замин барои сохтмони хонаҳои истиқоматӣ, бо қарори раиси шаҳри Норак ба 10 нафар шаҳрванд барои ташкили минтақаҳои истироҳатӣ аз ҳисоби заминҳои ботлоқзори Неругоҳи барқи обии “Бойғозӣ” майдони 0,8 га қитъаи замин дода шудааст.

Додситони кул афзуд, ки бо қарорҳои раиси ноҳияи Хуросон бошад, аз ҳисоби заминҳои таъиноти саноатии корхонаи “Заводи пахтаи Беҳзод” ба 7 нафар майдони 0,40 га қитъаи замин барои сохтмони манзили истиқоматӣ бо истифодаи якумраи меросӣ ғайриқонунӣ дода шудааст.

“Қабули қарорҳои ғайриқонунӣ оид ба замин дар фаъолияти раисони шаҳру ноҳияҳои Рӯдакӣ 39 адад, Б. Ғафуров ва Деваштич — 29, Мастчоҳ — 27, Хуҷанд — 26, Шаҳринав, Кушониён, Фархор, Ҳисор — 25, Хуросон ва Вахш 25 ададӣ, Шоҳмансур ва Варзоб 21 ададӣ, Рӯшон ва Ашт 18 ададӣ, Панҷакент, Восеъ, Шуғнон ва Рашт 17 ададӣ, Ҷ. Расулов ва Айнӣ 15 ададӣ, Исфара, Истаравшан, Фирдавсӣ, Қубодиён ва Роштқалъа 14 ададӣ ва дигар шаҳру ноҳияҳо низ ошкор ва ҷиҳати бекор кардани онҳо эътирозҳо оварда шудаанд”, - иттилоъ дод нашрияи "Садои мардум" аз қавли Юсуф Раҳмон.

Ӯ таъкид намуд, ки бо эътирозҳои прокурорӣ қарорҳои ғайриқонунӣ бекор карда шуданд. Аммо номи раиси шаҳру ноҳияе, ки барои қарори ғайриқонунӣ дар тақсими замин муҷозот шуда бошад, зикр нагардид.

6599
Барчаспҳо:
пора, замин, Тоҷикистон

Назорати шабонарӯзӣ: муовинони вазир аз чанд беморхонаҳои шаҳри Душанбе дидан карданд

21
(Таҷдидшуда 11:10 26.05.2020)
Роҳбарияти вазорати тандурустӣ Тоҷикистон бо мақсади аз наздик ошнои пайдо кардан бо фаъолияти муассисаҳои тандурустии кишвар гаштҳои шабонаро низ ба роҳ мондааст

ДУШАНБЕ, 26 май – Sputnik. Бино бар иттилои дафтари матбуоти вазорати тандурустии Тоҷикистон, ахиран бо ин мақсад муовинони Вазири тандурустӣ Саида Умарзода ва Шодихон Ҷамшед аз як қатор марказҳои саломатии шаҳри Душанбе дидан намуданд.

Манбаъ қайд намудааст, ки зимни боздид аз марказҳои саломатии мазкур муовинони Вазири тандурустӣ бо табибон вохӯрӣ анҷом дода,  дар рафти он масъалаҳои пурзӯр намудани корҳои омодагӣ барои пешгирии сирояти коронавирус баррасӣ намуданд.

Инчунин зимни боздид масоили таъмини муассисаҳои тандурустӣ бо маводҳои тиббӣ ва зиддивирусӣ, пурзӯр намудани корҳои фаҳмондадиҳӣ миёни аҳолӣ бо мақсади пешгирӣ аз вируси мазкур низ баррасӣ шуданд.

Манбаъ зикр намудааст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.

21
Барчаспҳо:
Душанбе, беморхона, назорат, шабона, тандурустӣ, муассисаҳо, ошноӣ, вазорати тандурустӣ, Тоҷикистон
Арест, архивное фото

ВУД: мақомдор барои ситонидани 5 ҳазору 400-сомонӣ пора дастгир шуд

327
(Таҷдидшуда 10:55 26.05.2020)
Кормандони вазорати умури дохилаи Тоҷикистон сармутахассиси заминсози ҷамоати шаҳраки 20-солагии Истиқлолияти ҳамин ноҳияро барои ситонидани пора дастгир карданд

ДУШАНБЕ, 26 май – Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсия марди 52-солаи сокини ноҳияи Дӯстӣ, сармутахассиси заминсози ҷамоати шаҳраки 20-солагии Истиқлолияти ҳамин ноҳия бо гумони гирифтани пора дастгир намуданд.

ВУД тоҷикистон  таъкид доштааст, ки номбурда, аввалҳои моҳи ноябри соли равон, барои тартиб додани санад ва пешниҳод намудани ҳуҷҷатҳои қитъаи замини наздиҳавлигӣ ба мақомоти дахлдори ноҳияи Дӯстӣ аз марди 65-солаи ноҳияи мазкур 5 ҳазору 400-сомониро ҳамчун пора талаб карда гирифтааст.

Ҳамзамон манбаъ қайд намудааст, ки дар ҳоли ҳозир оид ба ин ҳолат нисбати гумонбаршаванда аз ҷониби Прокуратураи ноҳияи Дӯстӣ парвандаи ҷиноятӣ оғоз карда шуда, тафтишот идома дорад.

Ёдрас мешавем, ки чанде пеш Оҷонсии мубориза бо коррусияи Тоҷикистон аз боздошти як корманди ҳукумати шаҳри Кӯлоб хабар дод, ки дар фиреби 12 сокини аҳаллӣ муттаҳам мешавад.

Ба иттилои манбаъ, Саидмумин Давлатов, мутахассиси пешбари мақомоти иҷроияи ҳокимияти давлатии шаҳри Кулоб моҳҳои май-июни соли 2019 ба боварии шаҳрванд Умаров Ҷ.О. даромада аз ӯ барои аз ҳудуди заминҳои шаҳри Кулоб ҷудо карда додани 0,06 га. қитъаи замини наздиҳавлигӣ, маблағи 9000 сомонӣ талаб карда гирифта, ба фоидаи худ сарф кардааст.

“Ғайр аз ин, номбурда. бо ҳамин тарзу усул аз 12 нафар шаҳрвандони дигар дар маҷмуъ маблағи 139000 сомонӣ талаб карда гирифта тасарруф намудааст”,-афзуд Оҷонсӣ.

Гуфта мешавад, вобаста ба ин ҳолат нисбат ба Саидмумин Давлатов бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

327
Барчаспҳо:
сомонӣ, ришва, дастгир, пора, вазорати умури дохила, Тоҷикистон