Наручники, архивное фото

Боз аз рӯи навор: ҳабси 5 ҷавон ба мӯҳлати 15 шабонарӯз - видео

358
(Таҷдидшуда 22:08 09.04.2020)
Суди ноҳияи Синои шаҳри Душанбе 5 нафарро барои 15 рӯз равонаи ҳабси маъмурӣ кардааст. Онҳо ба майдаавбошӣ муттаҳам мешаванд

ДУШАНБЕ, 9 апр — Sputnik. Маркази матбуоти Раёсати ВКД дар шаҳри Душанбе бо пахши ин хабар гуфтааст, ки боздошти ин афрод дар пайи таҳқиқи як наворе, ки аз сӯи як сокини пойтахт тариқи "Фейсбук" фиристода шудааст, иттифоқ афтодааст.

Бино ба ин манбаъ, 5-уми апрели соли равон ин гурӯҳи ҷавонон дар ҳолати мастӣ дар назди қаҳвахонаи "Шабнам", воқеъ дар кӯчаи Саъдии Шерозии шаҳри Душанбе бо дашномҳои қабеҳ нисбати якдигар муноқиша барпо намуда, эроди атрофиёнро низ ба эътибор нагирифтанд ва бо ин кирдори зиддиҷамъиятӣ ба шаҳрвандону атрофиён беэҳтиромӣ ва тартиботи ҷамъиятиро вайрон кардаанд.

"Дар натиҷаи маҷмӯи чорабиниҳои оперативӣ-ҷустуҷӯӣ шаҳрвандон Комрони Шодмон (соли таваллудаш 1990), Комил Назриев (1991), Алиҷон Юсуфов (1981), Сафар Муродов (1975) ва Умедҷон Қурбонов (1985) боздошт гардиданд. Зимни таҳқиқ маълум шуд, ки ин афрод дар назди тарабхона бо сабаби нофаҳмиҳои ночиз осоиши шаҳрвандонро халалдор сохта, бо алфози қабеҳ ҳамдигарро дар ҷои ҷамъиятӣ таҳқиру дашном намудаанд", - омадааст дар хабари маркази матбуоти Раёсати ВКД дар шаҳри Душанбе.

Ошкор шудани ҳабс ва парвандасозиҳои ғайриқонунӣ: Президент хостори ҷазои муфаттишон шуд

Биино ба ин манбаъ, кормандони милисаи пойтахт ин кирдори ҷавононро аз рӯи моддаи 460-и Кодекси ҳуқуқвайронкунии маъмурии Тоҷикистон - майдаавбошӣ - бандубаст карда, нисбаташон протоколи маъмурӣ тартиб доданд ва барои баррасӣ ба суди ноҳияи Сино ирсол карданд.

"Суд 8 апрели соли ҷорӣ ба ҳар кадоме ҷазо дар намуди ҳабси маъмурӣ ба муҳлати 15 шабонарӯзӣ таъин кард", - омадааст дар хабар.

Ин танҳо мавриди боздошт ва муҷозоти шаҳрвандон дар Душанбе нест, ки аз рӯи наворҳои фиристодаи мардум тариқи шабакаҳои иҷтимоӣ анҷом мегирад.

Дар гузашта Раёсати ВКД дар шаҳри Душанбе даҳҳо нафарро ба ҷурми нақзи коидаҳои роҳ ва ҳатто партофтани ахлот аз баландошёна боздошт ва муҷозот кардааст.

358
Барчаспҳо:
навор, ҷавон, ҳабс
Учения спасательного отряда в водоеме, архивное фото

Боди шадид духтари 11-соларо дар дарёи Сурхоб ғарқ кард

4
(Таҷдидшуда 16:49 30.05.2020)
Кумитаи ҳолатҳои фавқуллодаи Тоҷикистон аз ғарқ шавии ноболиғи 11-сола дар дарёи Сурхоб хабар медиҳад

ДУШАНБЕ, 30 мая — Sputnik. Ҷасади Зулайхои 11-сола, ки шаби 27-уми май аз хона баромада бедарак шуда буд, нисфирўзии дирўз дар соҳили дарёи Сурхоб, дар деҳаи Навободи поёни ҷамоати деҳоти Зафари ноҳияи Фархор пайдо шуд.

Баъди муайян кардани шахсияти ҷасад ўро ба волидонаш супурданд.

Маврид ба ёдоварист, ки шаби 27-уми май, тахминан соати 22:00, ки дар ноҳияи Восеъ боди шадид мевазид ва раъду барқ осмонро гоҳ рушану гоҳ торик мекард,  сокини 11-солаи ҷамоати деҳоти Гулистони ноҳия  аз хона баромад ва дигар касе намедонист ӯ куҷо рафтааст. Волидонаш ҳадс мезаданд, ки ӯ дар дарёи Сурхоб ғарқ шудааст. 

Ба ҷои ҳодиса гурӯҳи наҷотдиҳандагони Кумитаи ҳолатҳои фавқулодда дар минтақаи Кулоб дар ҳайати 12 нафар ҳамроҳ бо кормандони ШВКД-и ноҳия ва сокинони деҳа сафарбар шуда буданд ва ҷустуҷӯи ӯро оғоз карданд. Вале ин кофтуков он рўз натиҷа надо два дирўз аз сари субҳ кофтуков оғоз гардид ва ҳоло ҷасад ба волидонаш супурда шудааст.

4
Барчаспҳо:
ҷасад, пайдо, ғарқшавӣ, Тоҷикистон
Президент Республики Таджикистан Эмомали Рахмон

Раҳмон гуфт, дар даҳ сол барои рушди Хатлон чӣ қадар пул масраф шудааст

34
Раисҷумҳури Тоҷикистон ахиран дар ноҳияи Данғара дар муоқот бо сокинони вилояти Хатлон таъкид дошт, ки мақомот барои рушди иҷтимоиву иқтисодии вилоят дар давоми даҳ сол наздик ба 20 миллиард сомонӣ равона кардааст

ДУШАНБЕ, 30  май — Sputnik. Эмомалӣ Раҳмон, раисҷумҳури Тоҷикистон таъкид дошт, ки ҳукумати кишвар ба рушди соҳаҳои иҷтимоиву иқтисодии вилояти Хатлон ҳамчун яке аз минтақаҳои калонтарани саноатию кишоварзӣ ҳамеша таваҷҷуҳи хосса зоҳир мекунад, иттилоъ додааст дафтари матбуоти раисҷумҳур.

Вай афзуд, ки дар даҳ соли охир аз ҳамаи сарчашмаҳои маблағгузорӣ барои рушди иҷтимоиву иқтисодии вилоят қариб 20 миллиард сомонӣ равона шудааст, ки 80 фоизи он аз ҳисоби буҷети давлатӣ мебошад.

Раҳмон тасвиб кард: то 2021 дар тамоми шаҳру навоҳӣ беморхонаи сироятӣ бунёд мешавад

Инчунин вай афзуд, татбиқи барномаҳои пешбинишуда имкон додааст, ки сатҳи камбизоатӣ дар вилоят аз 50,2 дарсад соли 2009 ба 32,7 фоиз дар соли 2019 коҳиш дода шавад.

“Бо назардошти он ки иқтидорҳои мавҷуда дар вилояти Хатлон ҳанӯз ба таври кофӣ истифода нашуда истодааст”, - гуфт Эмомалӣ Раҳмон.

Дар ҳамин ҳол, раисҷумҳур роҳбарони вилоят ва шаҳру ноҳияҳои Хатлонро вазифадор намуд, ки якҷо бо вазорату идораҳои дахлдор дар асоси таҳлили ҳамаҷониба ва бо дарназардошти ҳадафҳои стратегии кишвар дар самти таҳияи барномаҳои рушди иҷтимоиву иқтисодӣ барои солҳои минбаъда тадбирҳои зарурӣ андешанд ва бо ҷалби сармояи мустақим сарчашмаҳои маблағгузории лоиҳаҳоро дар ҳамкорӣ бо шарикони рушд ва сармоягузорону соҳибкорони ватаниву хориҷӣ дарёфт намоянд.

Инчунин, Эмомалӣ Раҳмон таъкид дошт, ки дар даврони истиқлол дар вилоят 531 корхонаи нави саноатӣ бунёд гардида, аз 75 корхонаи саноатии соли 1991 ба 606 корхона дар соли 2020 расонида шудааст.

“Танҳо тайи шаш соли охир дар ҳудуди вилоят 291 корхонаву коргоҳҳои саноатии нав бо 6900 ҷойи нави корӣ таъсис дода шудааст”, қайд кард раисҷумҳур.

Вай афзуд, имрӯз шумораи кормандон дар корхонаҳои саноатии вилоят нисбат ба соли 1991 ду баробар зиёд мебошад, аммо ин нишондиҳанда ҳамагӣ 2,8 фоизи шумораи умумии аҳолии дар иқтисодиёт машғулбудаи вилоятро ташкил медиҳад.

Дар корхонаҳои саноатии вилоят танҳо 90 намуди маҳсулот истеҳсол мешавад, ки ҳанӯз қонеъкунанда нест.

34
Барчаспҳо:
Эмомалӣ Раҳмон, Раисҷумҳур, иҷтимоӣ, иқтисод, рушд, мақомот, Хатлон, Данғара, Тоҷикистон