Праздничный намаз на Иди Курбон в Душанбе

Имомхатибон: "Дар хона намоз гузоред!" Кумитаи дин: "Дари масоҷид боз хоҳанд монд!"

4256
(Таҷдидшуда 16:18 10.04.2020)
Имрӯз ҷумъа, 10 апрел, дар тамоми масҷидҳои ҷомеъи Тоҷикистон аз намозгузорон хоста шуд, ки беҳтар аст дар хонаҳои худ намоз гузоранд, зеро хатари густариши “вируси корона” зиёд шудааст

ДУШАНБЕ, 10 апр — Sputnik. Имомхатиби яке аз масоҷиди Душанбе гуфт, субҳи имрӯз аз Шӯрои уламои Тоҷикистон матнеро дарёфт карданд, ки бояд ба намозгузорон қироат мешуд

Дар ин матн, ки дар дастраси Sputnik Тоҷикистон қарор гирифт, гуфта шудааст, ки дар аксар давлатҳои ҷаҳон масҷиду калисоҳо баста шуданд ва ҳатто маркази дини ислом - Арабистони Саудӣ маросими ҳаҷ манъ, бузургтарин масоҷиди мусулмонон – Масҷид ул-ҳаром, Масҷиди Набавӣ, Масҷиди Ақсо баста, тавоф дар атрофи Хонаи Каъба ва саъй байни Сафову Марва муваққатан номумкин шуд. 

Дар идомаи матн омадааст, давлатҳои ҳамсояи Тоҷикистон - Чин, Афғонистон, Ӯзбекистон ва Қирғизистон дари масҷиду калисоҳоро бастанд, ҳатто дар Ҷумҳурии исломии Афғонистон фатвои махсус содир шуда, омадани одамон ба масҷидро пурра манъ кардаанд.

"Дохили масҷид аз ҷиҳати сирояти "вируси тоҷдор" ҷои аз ҳама осебпазиртарин мебошад, зеро дар он ҷо одамон аз минтақаҳои гуногун, соҳиби касбу кори гуногун, роҳгузарон дар як фазои маҳдуд ҷамъ омада, намоз мехонанд. Аз як саҷдагоҳ ва ё як ҷои намозгузорӣ дар панҷ вақти намози якрӯза шахсони гуногун истифода менамоянд. Дар ин ҳолат эҳтимолияти сироят якчанд маротиба меафзояд. Дар чунин вазъ ҷиҳати пешгирии сироятёбии одамон мунтазам панҷ маротиба пеш аз намоз ва баъд аз он пурра дезинфексия кардани бинои масҷид, таҳоратхона ва гирду атрофи он, инчунин назорати пӯшидани ниқоб мушкил ва ғайриимкон аст", - омадааст дар нома.

Бо такя ба манобеи шаръӣ имомхатибон таъкид доштаанд, ки дар чунин шароити ҳассос хондани намоз нисбат ба масҷидҳо дар хона афзалтар мебошад ва ҳам ҳадисе ба ривояти Абӯҳурайра (р) аз Паёмбари Худо (с) оварданд: "Шахси мариз назди шахси тандуруст оварда нашавад".

"Дар ҳолати паҳншавии бемориҳои сироятӣ, номусоид будани вазъи ҳаво ва тарс аз душман дар хона намоз гузоштан ҳам фазилати бузург дорад, зеро шумо ба ин васила худ ва дигаронро аз сироятёбӣ эмин нигоҳ медоред. Намозе, ки ба василаи он ба дигар одамон зарари ҷиддӣ мерасад дар назди Худованд қабул намегардад", - омадааст дар матни Шӯрои уламои Тоҷикистон.

Оё ин даъвати имомхатибон маънои дигарбора баста шудани масҷидҳои ҷомеъи Тоҷикистонро дорад? Афшини Муқим, сухангӯи Кумитаи дин, танзими анъана ва ҷашну маросими Тоҷикистон, ба Sputnik Тоҷикистон гуфт, ҳоло сухан дар бораи бастани масҷидҳо намеравад, балки Шӯрои уламо ва ходимони дин бо дарназардошти вазъи воқеӣ ба намозгузорон чунин тавсияҳо додаанд.

"Хушбахтона, дар Тоҷикистон то ба ҳол ягон мавриди гирифторӣ ба “вируси тоҷдор” сабт нашудааст, аммо ба хотири пешгирӣ ходимони дин аз намозгузорон даъват намудаанд, ки намозҳояшонро дар хона адо кунанд", - гуфт Афшини Муқим.

Имомхатибони масоҷиди ҷомеъ ва панҷвақтаи Тоҷикистон бегоҳи рӯзи 3 март ҳангоми намози хуфтан эълон карда буданд, ки намозгузорон аз омадан ба масҷид худдорӣ варзанд. Фардои он рӯз Шӯрои уламо зимни як ҷаласаи фаврӣ ба намозгузорон муроҷиат кард, ки аз намозҳои ҷамоат парҳез карда, ибодатҳои худро дар хона анҷом диҳанд.

Вазорати тандурустӣ ва ҳифзи иҷтимоии Тоҷикистон низ вазъи беҳдоштии масҷидҳои кишварро ғайриқаноатбахш хонда буд.

14 март Кумитаи дин, танзими анъана ва ҷашну маросими Тоҷикистон эълон кард, ки зиддиуфунӣ кардан ва корҳои профилактикии масоҷиди кишвар анҷом мешаванд ва ба зудӣ дари масоҷид боз хоҳанд шуд.

19 март Кумитаи мазкур қабл аз рӯзи ҷумъаи 20 март хабар дод, ки дари масоҷид аз субҳи дигар боз хоҳанд буд, зеро корҳои профилактикӣ ва зиддиуфунӣ кардани онҳо ба анҷом расидааст.

4256
Барчаспҳо:
Шӯрои уламо, бемориҳои сироятӣ, вирус, намоз, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (453)
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

73
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

73
Барчаспҳо:
ҷасад, Ватан, баргардонидан, кишварҳо, Тоҷикистон

Ҷашнҳои рӯзи 1 июн дар Тоҷикистон ва ҷаҳон

69
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
69
Барчаспҳо:
ҷашн, ҷаҳон, Тоҷикистон