Обновленный Детский парк в Душанбе, архивное фото

Дар Тоҷикистон бозорҳо ва майдончаҳои бозии кӯдаконро дезинфексия мекунанд

289
(Таҷдидшуда 15:36 10.04.2020)
Кумитаи ҳолатҳои фавқулода ва мудофиаи граждании Тоҷикистон хабар додааст, ки ба хотири ҷилавгирӣ аз коронавирус дар Тоҷикистон дар марказҳои савдо ва майдончаҳои бозии кӯдакон корҳои дезинфексионӣ роҳандозӣ мешаванд

ДУШАНБЕ, 10 апр — Sputnik. Ахиран  Кумитаи ҳолатҳои фавқулодда Тоҷикистон бо мақсади татбиқи Нақшаи чорабиниҳои Комиссияи пешгирии вируси нави “COVID-2019” ва татбиқи тадбирҳои пешгирӣ аз короновирус дар КҲФ ҷаласаи гурӯҳи корӣ аз ҳисоби намояндагони вазоратҳои тандурустӣ ва ҳифзи иҷтимоии аҳолӣ, кишоварзӣ, корҳои дохилӣ, ҳамчунин Муассисаи давлатии манзиливу комуналӣ баргузор шудааст.

Бино бар иттилои дафтари матбуоти КҲФ Тоҷикстон дар ҷараёни ҷаласа маълумоти фаврӣ дар бораи чораҳои коҳиши хатари густариши вируси короно, теъдоди шахсоне, ки дар карантин қарор доранд, шунида шуд.

Кумита ҳамроҳ бо Вазорати тандурустӣ ва ҳифзи иҷтимоии аҳолӣ аз тариқи воситаҳои ахбор корҳои иттилоотӣ ва паёмрасониро роҳандозӣ кардаанд. Ҳамчунин барои пурсишҳои саривақтии аҳолӣ рақами кутоҳи телефонии “511” фаъол шудааст.  

“Шаҳрвандоне, ки бо нақлиёт аз хориҷи кишвар меоянд дар муассисаҳои тиббӣ ба карантин фаро гирифта мешаванд ва баъди анҷоми муҳлати таъиншуда, онҳо ба хонаҳояшон ҷавоб дода мешаванд”, таъкид доштааст КҲФ.   

Инчунин дар ҷаласаи мазкур намояндаи Муассисаи давлатии манзилию комуналӣ хабар додааст, ки ҳар рӯз дар нақлиёти шаҳрӣ қабл аз оғози корашон корҳои беҳдоштӣ гузаронида мешавад.

“Дар ҷойҳое, ки маъмулан одамон зиёд равуо мекунанд, аз ҷумла дар бозорҳо, марказҳои савдо, майдончаҳои бозии кӯдакон низ корҳои дезинфексионӣ роҳандозӣ мешаванд”,- қайд намудааст манбаъ

Ғайр аз ин гуфта шуд, ки дар ҳамаи шаҳру ноҳияҳо ва маркази вилоятҳо ситодҳо, нуқтаҳои карантинӣ ва озмоишгоҳҳо сохта шудаанд, ки омодаанд ташхиси вируси короно гузаронанд.

Ҳамчунин дар ҳамаи шаҳру ноҳияҳо ва маркази вилоятҳои Тоҷикистон навбатдории шабонарӯзӣ низ ташкил карда шудааст.

289
Барчаспҳо:
ҷилавгирӣ, роҳандозӣ, беҳдоштӣ, вирус, Кумитаи ҳолатҳои фавқуллода, кумита, Тоҷикистон
Министр обороны РТ Шерали Мирзо на полигоне Фахрабад

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

2
Парлумони Тоҷикистон тарҳи қонун "Дар бораи хизмати ҳарбӣ ва ӯҳдадориҳои ҳарбӣ"-ро имрӯз қабул кард, ки бар асоси он солона то 10 фисади ҷавонони синни хизмати ҳарбӣ даъват мешаванд

ДУШАНБЕ, 20 янв – Sputnik. Тарҳи қонун "Дар бораи хизмати ҳарбӣ ва ӯҳдадориҳои ҳарбӣ"-ро Шералӣ Мирзо, вазири мудофиаи кишвар баррасӣ карда гуфт, афроде, ки дар синни хизматанду аз ин 10 фисади даъватшаванда канор мемонад,  бо пардохти маблағу машқи якмоҳа дар ҳайати нерӯҳои захиравӣ, метавонанд соҳиби билетӣ ҳарбӣ шаванд.

Вазири дифоъ гуфт,  тартиби таълими чунин захираҳо ва шакли пардохти хидмати ҳармоҳа ҳанӯз муайян нашудааст ва ин дар салоҳияти ҳукумати мебошад.

Ҳамзамон бар асоси тарҳи нави ин қонун ҷавононе, донишгоҳҳоро новобаста аз кафедраи ҳарбӣ доштанашон хатм мекунанд, танҳо пас аз як соли хизмати аскарӣ, соҳиби рутба мешаванд.

Ин дар ҳолест, ки қаблан донишҷӯёне, ки донишгоҳҳои дорои кафедраҳои ҳарбӣ доштаро хатм мекарданд, рутбаи афсари эҳтиётиро мегарифтанд ва аз хизмат озод буданд.

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

Вазири мудофиаи Тоҷикистон ҳамзамон зимни муаррифии ин тарҳи қонун гуфт, минбаъд  ба ниҳодҳои қудратӣ аз қабили прокуратура, суд, коррупсия, гумрук танҳо афроде ба кор гирифта мешаванд, ки хизмати ҳарбӣ карда бошанд.

2
Премьер-министр РТ Кохир Расулзода

Ҷамъбасти соли 2020 ва супоришҳо барои 2021: маҷлиси Расулзода дар вилояти Хатлон

20
(Таҷдидшуда 11:52 20.01.2021)
Расулзода масъулини вилояти Хатлонро барои таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ вазифадор кард

ДУШАНБЕ, 20 янв – Sputnik. Сарвазири ТоҷикистонҚоҳир Расулзода натиҷаҳои рушди иҷтимоию иқтисодии вилояти Хатлон дар соли 2020 - ро ҷамъбаст кард.

Расулзода зимни суханронӣ ҷиҳати тақвият бахшидани тадбирҳои ободонию бунёдкорӣ, таъсиси коргоҳу корхонаҳои истеҳсолӣ, сарфаю сариштакории неруи барқ, самаранок истифода бурдани заминҳои наздиҳавлигию саҳроӣ ва тақвият бахшидани корҳои тарғиботию ташвиқотӣ ба хотири риояи гигиенаи шахсию ҷамъиятӣ масъулинро вазифадор намуд.

Зикр гардид, ки раҳоӣ аз бунбасти коммуникатсионӣ, таъмини амнияти озуқаворӣ, расидан ба истиқлоли комили энергетикӣ ва саноатикунонии босуръати кишвар чор ҳадафи стратегии мамлакатанд, ки дар доираи ин ҳадафҳо ва дигар барномаву стратегияҳо дар вилояти Хатлон пайваста тадбир андешида мешавад.

Сарвазир таъкид карда, ки “Барномаи рушди иҷтимоию иқтисодии вилояти Хатлон барои солҳои 2016-2020” аз нақшаҳое мебошанд, ки ҷиҳати расидан ба ҳадафҳои стратегӣ ва вазифаҳои умумӣ дар доираи афзалияти сатҳи миллӣ, маҳаллӣ ва соҳавӣ бо дарназардошти истифодаи босамари захираҳои табиӣ, моддӣ ва молиявӣ дар давраи муайян қабул карда шуда, татбиқи онҳо ҳатмӣ мебошад.

Барномаи рушди маориф дар Хатлон ҳамагӣ 22% иҷро шуд: нигарониҳои раисиҷумҳур

Бо мақсади рушди соҳаи саноат дар ҳудуди вилоят се минтақаи озоди иқтисодӣ таъсис дода шуда, дар доираи қонунҳои амалкунанда ба соҳибкорону сармоягузорон афзалият дода мешавад.

Ҳамзамон дар доираи тадбирҳои ободонию бунёдкорӣ ба истиқболи ҷашни 30-солагии Истиқлоли давлатӣ ва Солҳои рушди деҳот, сайёҳӣ ва ҳунарҳои мардумӣ дар шаҳру ноҳияҳои вилояти Хатлон бунёди иншооти таъйиноти гуногун ҷараён дошта, рӯз то рӯз инфрасохтори вилоят беҳтар карда мешавад.

Гуфта мешавад, ки ҷиҳати мақсаднок истифода бурдани заминҳои наздиҳавлигию саҳроӣ хоҷагидорону кишоварзони вилоят бо эҳсоси баланди масъулият талош доранд.

Натиҷаи баланди истеҳсолӣ дар мавсими ҳосилғундории солҳои 2020 исботи заҳматҳои ҳамешагии аҳли заҳмати вилоят мебошад. 

Дар заминаи Стратегияи миллии рушди Ҷумҳурии Тоҷикистон барои давраи то соли 2030 низ чораҳои таъхирнопазир амалӣ карда мешаванд.

Расулзода ҳамчунин таъкид намуд, ки истифодаи самараноки захираву имконияти мавҷуда ва таъмин намудани пешрафти устувори иқтисодиву иҷтимоии вилоят, пеш аз ҳама, ба заҳмати содиқона ва азму талоши созанда, инчунин ҳисси ватандӯстиву ватанпарастии ҳар сокини вилоят вобаста мебошад.

20
Барчаспҳо:
натиҷагирӣ, ҷаласа, Қоҳир Расулзода, Хатлон