Медицинская каталка в больнице, архивное фото

Марги "Шодмони Танӯркабоб" ва қарантинаи хонаводааш: шарҳи мақомот

21815
(Таҷдидшуда 14:02 14.04.2020)
Мақомоти тандурустии вилояти Суғд марги Шодмон Раҷабов, маъруф ба "Шодмони Танӯркабоб" – ро аз бемории "вируси корона" рад карда, мегӯянд, мавсуф дар пайи маризии сил даргузаштааст

ДУШАНБЕ, 13 апр - Sputnik. Маъруф Ҳоҷибоев, муовини сардори Раёсати тандурустии Суғд, ба Sputnik Тоҷикистон гуфт, Шодмон Раҷабов, соли таваллудаш 1959, сокини ноҳияи Шаҳристон, 11 апрел дар Маркази ҳимоя аз бемориҳои сили вилояти Суғд, воқеъ дар шаҳраки Деҳмой фавтидааст.

"3 апрел марҳум дар сауна аз гармохунукӣ меафтад. Аз хавфи ин ки қафаси синааш осеб бардошта ё шикастааст, ба маркази саломатии ҷои зисташ дар Шаҳристон муроҷиат мекунад. Ба ӯ гуфта мешавад, ки қафаси синаашро рентген карда ояд. Рентген карда меояд ва хоҳиш мекунад, ки ӯро хобонанд. Чун мебинанд, ки ҳеҷ ҷояш шикастагӣ нест, мегӯянд, зарурати хобондани шумо нест, аммо метавонед дар дармонгоҳ (терапия) хоб кунед. Ӯ бистарӣ шуданро рад мекунад. Аммо вақте ба хона бармегардад, боз эҳсоси дард менамояд. Ба шаҳри Хуҷанд омада, дигарбора рентген мекунад ва бо шубҳаи ин ки гирифтори сил шудааст, дар Маркази ҳимоя аз бемориҳои сил бистарӣ мешавад ва ҳамон ҷо мефавтад", - гуфт Маъруф Ҳоҷибоев.

Қаблан ин овоза дар Шаҳристону Истаравшан афтода буд, ки Шодмон Раҷабов, дар миёни мардум маъруф ба "Шодмони Танӯркабоб" соҳиби ошхонаи маъруфи кабоби танӯрӣ дар канори шоҳроҳи "Душанбе – Чаноқ", шурӯъи ағбаи Шаҳристон ва ҳамсари ӯ аз маризии "вируси корона" (COVID – 19) фавтидаанд.

Бино ба ин овозаҳо, ӯ барои овардани моли чорво ба Ӯзбекистон низ сафар кардааст ва ҳоло аҳли хонаводаи ӯву ҳатто ошхонааш таҳти қарантина қарор доранд.

Полетаев гуфт, чаро коронавирус то ҳол ба Тоҷикистон нарасидааст

Маъруф Ҳоҷибоев мегӯяд, пас аз ошкор шудани нишонаҳои маризии сил дар мутаваффои мазкур аҳли хонаводаи ӯро низ ба шубҳаи ин беморӣ бистарӣ кардаанд ва зиддиунфунӣ кардани ошхонаи ӯ як амри маъмулӣ аст, ки дар тамоми корхонаҳои кишвар идома дорад.

"Ӯ гирифтори диабет ё қанди инсулинвобаста буда, дар гурдааш нефропатияи қандӣ (диабетическая нефропатия) низ дошт. Аз ин хотир, ҳамеша ниёз ба назорати тиббӣ дошт. Ӯ ҳеҷ рабте ба манбаъи вирус надошт ва ба хориҷа ҳам нарафтаву аз хориҷа ҳам ворид нашудааст", - гуфт муовини сардори Раёсати тандурустии Суғд.

Қаблан вазорати тандурустӣ ва ҳифзи иҷтимоии аҳолии Тоҷикистон сабаби марги Оишамоҳ Алимова, соли таваллудаш 1962, як корманди Беморхонаи марказии вилоятии шаҳри Бохтар, маркази вилояти Хатлонро сили иртишоҳӣ (инфильтративный туберкулёз) – и қисми мобайнии ҳарду шушҳо хонда буд.

Аз ин пеш сабаби марги Ҳоҷимуҳаммад Тошев, сокини ноҳияи Ҷаббор Расулов "бемории ишемиявии дил, фишорбаландии дараҷаи 2, хатари 4" ва қабл аз ӯ Ҳабибулло Шодиев, сокини деҳаи Гулафшон, собиқ Янтоқзори ҷамоати деҳоти "Ҳаёти нав" – и ноҳияи Ҷаббор Расуловро пневмонияи дутарафа унвон карда буд.

Вазорати тандурустӣ ва ҳифзи иҷтимоии аҳолии Тоҷикистон зимни як иттилоия гуфт, ки дар мавсими баҳор ин қабил маризиҳо, аз қабили зуком ва маризиҳои хроникӣ авҷ гирифта, сабаби фавт мешаванд ва набояд он ҳама маргҳои табииро ба "вируси корона" рабт дод.

"Дар ҳолати ба қайд гирифтани мавриди гирифторӣ ба "вируси тоҷдор" дар кишвар ин ниҳод расман онро тасдиқ ва эълон хоҳад кард, зеро ба ҳеҷ ваҷҳ пинҳон нигоҳ доштани он ба нафъи ҳеҷ кишваре нахоҳад буд", - гуфт Бибихонум Дарвешзода, сухангӯи Вазорати тандурустӣ ва ҳифзи иҷтимоии аҳолӣ ба Sputnik Тоҷикистон.

Ба ҳамин минвол, бо радди рабти мавориди боло бо "вируси корона" Тоҷикистон як кишвари орӣ аз гирифторӣ ба ин маризӣ боқӣ мемонад.

21815
Барчаспҳо:
мақомот, шарҳ, марг, Тоҷикистон
ДТП, архивное фото

Мақомот ҳалокати сардори шуъбаи КҲФ дар Ванҷ ва писарашро зимни садамаи нақлиётӣ шарҳ дод

107
(Таҷдидшуда 13:45 02.06.2020)
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Асланшоҳ, сардори шуъбаи ин ниҳод дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

107
Барчаспҳо:
фавт, КҲФ Тоҷикистон, Ванҷ, Тоҷикистон
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

156
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

156
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон

Мясников: дар Маскав аз COVID -19 бештар қафқозҳо ва осиёиҳо азият кашиданд

0
Феълан олимон дақиқ накарданд, ки чаро маризии коронавирус дар як қатор кишварҳо сабук мегузарад, аммо шаҳрвандони дигар давлатҳоро дар ҳолати ногувор қарор дод

ДУШАНБЕ, 2 июн - Sputnik. Дар доираи як мулоқоти онлайнӣ бо рӯзноманигорон, коршинос Александр Мясников гуфт, ки коронавирус афзалияти гендерӣ, синну солӣ ва нажодиро дорад.

"Ин маризӣ дар вуҷуди занон нисбати мардон камтар хуруҷ кард. Ҳамзамон аксари кӯдакон бемориро бо сабукӣ паси сар карданд. Муайян гардидаст, ки назди 80 дарсади қурбониёнро афроамрикоиҳо ташкил додаанд", - афзудааст Мясников.

Коршинос тавзеҳ додааст, ки дар қаламрави Маскав аз ин маризӣ бештар қафқозҳо ва шаҳрвандони Осиё азият кашиданд. Эҳтимол, ин далел ба ҳузури сафедаи муайян дар таркиби хун бошад, ки хусусан ба формулаи вирус ҳассос аст.

Аммо Мясников таъкид кард, ки то ҳол олимон дақиқан муайян накардаанд, ки чаро маризии сироятии коронавирус дар як қисмат кишварҳо ба таври даҳшат мегузарад, вале дар кишварҳои дигар баръакс сабук ва бидуни талафоти бузург.

Шаҳрҳои калон, аммо қатораҳои холӣ: чигуна метрои Маскав дар замони коронавирус тағйир ёфт

Александр Мясников мегӯяд, роҳи ягонаи пешгирӣ аз ин маризӣ ин риоя намудани фосилаи иҷтимоӣ аст. Ба ақидаи ӯ тадобирҳои дигар барои пешгирӣ аз паҳншавӣ ба мисли пӯшидани дастпӯш ва ниқоб на онқадар муасир ҳастанд.

0
Барчаспҳо:
Осиё, Қафқоз, шаҳрвандон, маризӣ, Маскав
Мавзуҳо:
Пайомадҳои COVID-19 дар Тоҷикистон ва ҷаҳон