Здание энергохолдинга Барки точик, архивное фото

Чаро барқро мекушанд? Шикоятҳои мардум ва шарҳи “Барқи тоҷик”

885
(Таҷдидшуда 14:01 14.04.2020)
“Барқи тоҷик”, ширкати масъули таъмини барқи Тоҷикистон, аз шабакаҳои тобеаш бо ирсоли як барқия хост, ки қабл аз қатъи барқ мардумро огоҳ кунанд

 ДУШАНБЕ, 14 апр - Sputnik. Нозирҷон Ёдгорӣ, сухангӯи “Барқи тоҷик” ба Sputnik Тоҷикистон гуфт, далели ирсоли ҳамчунин барқия ба шабакаҳои ширкат дар саросари кишвар афзудани шикоёти мардум аз қатъ шудани барқ аст.

Вай афзуд, шабакаҳо ба мардум бояд фаҳмонанд, ки ягон маҳдудият ё камбуди барқ дар кишвар набуда, он чӣ анҷом мешавад, тибқи нақша ва амри зарурӣ аст.

“Низоми энергетикӣ дар ҳолати аз як марҳила ба марҳилаи дигар, масалан, аз зимистон ба баҳор ё аз баҳор ба зимистон гузаштани реҷаи корӣ бархе иқдомро тақозо мекунад. Зимистон як давраи хеле душвори кори низоми энергетикӣ аст. Вақте тамоми зимистон таҷҳизот бетанаффус кор мекунад, баъзан фарсуда ва таъмирталаб мешаванд. Дар ҳамин давра чанд рӯзе лозим аст, ки таҷҳизоти бузург, назири Суғд - 500, Душанбе – 500 ва дигар хатҳои баландшиддати барқ таъмир шаванд. Худ аз худ маълум аст, ки то барқро қатъ накунед, имкони таъмир кардан ҳам нест”, - тавзеҳ дод ӯ.

Сокинон аз гӯшаву канори кишвар дар тамоси телефонӣ ба хабарнигори Sputnik Тоҷикистон таъйид карданд, ки ҳудуди 15 рӯз ба ин сӯ сокинони саросари Тоҷикистон шоҳиди қатъи бесобиқаи барқ ба манозили худ ҳастанд.

Ба қавли онҳо, дар навоҳии тобеъи марказ (Турсунзода, Шаҳринав, Ваҳдат, Файзобод, Нуробод, Рашт), вилояти Суғд (Конибодом, Панҷакент, Айнӣ, Кӯҳистони Мастчоҳ, Шаҳристон, Истаравшан, Деваштич) ва вилояти Хатлон (Восеъ, Шамсиддини Шоҳин, Кушониён, Панҷ, Ҷайҳун, Ҷомӣ) гоҳо аз соати 09:00 субҳ то соати 17:00, гоҳе аз 10-и рӯз то 16-00 ва гоҳе ҳам то як-ду соат барқ хомӯш мешавад.

Ба қавли бархеи дигар, дар баъзе навоҳӣ мардум тамоми шаб ва дар баъзеи дигар тамоми рӯз аз барқ маҳруманд. Нозирҷон Ёдгорӣ дар шарҳи ин, ки чаро ҳатто шабона барқ қатъ мешавад, гуфт, дар давраи таъмир ба мардум аз хатҳои эҳтиётӣ барқ дода мешавад.

Бонки Ҷаҳонӣ барои солимгардонии “Барқи Тоҷик” 134 миллион доллар медиҳад

“Хатҳои эҳтиётӣ иқтидори кам доранд ва қуввати бардошту интиқоли барқи заруриро надоранд.  Мо маҷбурем, ки мардумро ба таври маҳдуд бо барқ таъмин кунем. Он ҳам на дар ҳама ҷо, дар бархе ҷойҳое, ки тақозо зиёд аст, барқ марҳила ба марҳила ва кам интиқол мешавад”, - гуфт сухангӯи “Барқи тоҷик”.

Барқкушӣ дар Душанбе: кадом ноҳия ва маҳалла бе рушноӣ мемонад?

Дар ҳамин ҳол, сокинони шаҳрҳои кишвар – Хуҷанд, Бохтар ва Кӯлоб мегӯянд, ҳамчунин барқкушӣ то ба ҳол мушоҳида нашудааст, ба истиснои мавориди садама, ки ба зудӣ бартараф мешавад. Дар Душанбе – пойтахти кишвар шикоят аз қатъи барқро сокиноне мекунанд, ки дар маҳаллаҳои канорӣ зиндагӣ доранд. Дар ин миён, вилояте, ки қатъи барқро таҷриба намекунад, Кӯҳистони Бадахшон аст.

Ин вилоятро “Помир Энержи”, як ширкати дигари тоҷикӣ бо барқ таъмин мекунад.

885
Охотничье ружье, архивное фото

Тирпарронӣ дар марзи Тоҷикистону Қирғизистон ва маҷрӯҳ шудани як нафар

16
Ҷабридида фавран ба бемористон мунтақил шуд ва феълан дар ҷойи ҳодиса мақомоти ҳифзи ҳуқуқ аз ҳар ду ҷониб тафтишот мебаранд

ДУШАНБЕ, 2 июн – Sputnik. Дар марзи Тоҷикистону Қирғизистон шаби гузашта тирпарронӣ сурат гирифт. Ба гуфтаи мақомоти қирғиз, афроди номаълум аз сӯи Тоҷикистон ба ҷониби як шаҳрванди Қирғизистон оташ кушодаанд. Нерӯҳои марзбонии Тоҷикистон то ба ҳол қазияро шарҳ надодаанд.

Гуфта мешавад, тирпарронӣ соати 01:30 дақиқа дар деҳаи Эки - Таши вилояти Бодканд рух додааст. 

Афроди номаълум аз ҷониби Тоҷикистон ба сӯйи шаҳрванди 38 - солаи Қирғизистон оташ кушоданд ва ӯро маҷрӯҳ намуданд.

Ронандаи қирғиз самти Ош - Исфана ҳаракат дошт.

 

 



16
Преступник за решеткой

Боздошти ронандае, ки нимашаб ҷавонзани роҳрӯбро пахш намуда, фирор кард

32
(Таҷдидшуда 11:28 02.06.2020)
Раёсати умури дохилӣ дар шаҳри Душанбе аз боздошти ронандае хабар медиҳад, ки пас аз пахш намудани роҳрӯб аз ҷойи ҳодиса фирор кардаст

ДУШАНБЕ, 2 июн – Sputnik. Саъдуллоева Холӣ сокини 34 - солаи шаҳри Душанбе, ки ба тамиз намудани роҳу хиёбонҳои пойтахт машғул аст, аз ҷониби ронадаи номаълум пахш шуда буд.

Ба иттилои котиботи Раёсати умури дохилӣ дар шаҳри Душанбе, ҳодисаи мазкур санаи 31 - уми май дар кӯчаи Н.Қарабоев рух додааст.

ВУД: дар ду рӯзи истироҳат дар се садамаи нақлиётӣ панҷ нафар ба ҳалокат расид

Ҷавонзани роҳрӯб соати 03:10 дақиқа ба тамиз кардани роҳи кӯчаи Неъмат Қарабоев машғул буд, ки ронандаи шахсияташ номаълум ӯро бо автомашинаи худ пахш кард ва фавран аз ҷойи ҳодиса фирор кард.

Зимнан, кормандони пулис аснои баргузор кардани корҳои ҷустуҷӯӣ, ронандаи фироркардаро боздошт намуданд.

"Муайян карда шуд, ки ронандаи автомашинаи тамғаи Опел-Астра рақами қайди давлатиаш 7222 СМ 01, шаҳрванд Алиев Сангмаҳмад Валиевич соли таваллудаш 1992, истиқоматкунандаи шаҳри Душанбе, кӯчаи Чортут мебошад, ки дар ҳақиқат рӯзи 31-уми майи соли ҷорӣ тақрибан соати 03:10 дақиқа ҳангоми идора намудани воситаи нақлиёташ дар кӯчаи Н. Қарабоев ҷавонзани роҳрӯбро пахш намудааст", - таъкид мешавад дар хабар.

Зикр мегардад, ки ронандаи ҷавон ба ҷойи расондани кӯмак ба роҳрӯби ҷароҳатбардошта, баръакс аз ҷойи ҳодиса рӯ ба гурез мениҳад.

РВУД мегӯяд, вобаста ба ҳолати мазкур маводҳои дахлдор тартиб дода шуда, таҳқиқ ҷараён дорад.

Манбаъ меафзояд, Саъдуллоева Холбӣ пас аз муоинаи тиббӣ аз бемористон мураххас шуд.

32
Барчаспҳо:
фирор, пахш, ронанда, боздошт