Саидмукаррам Абдулкодирзода, архивное фото

Саидмукаррам Абдулқодирзода: эҳтимол дорад дар моҳи Рамазон масҷидҳо баста шаванд

4293
(Таҷдидшуда 16:43 14.04.2020)
Раиси Шӯрои уламои Тоҷикистон эълон кард, ки дар сурати таҳдиди хатар эҳтимоли баста шудани масҷидҳои кишвар вуҷуд дорад

ДУШАНБЕ, 14 апр - Sputnik. Саидмукаррам Абдулқодирзода, раиси Шӯрои уламо ба Sputnik Тоҷикистон гуфт,  феълан масҷидҳои кишвар фаъолият доранд ва ҳеҷ омил барои баста шудани онҳо вуҷуд надорад.

Аммо вай таъкид дошт, ки агар хатаре ба Тоҷикистон таҳдид кунад эҳтимол дорад, масҷидҳои кишвар баста шаванд.

“Дар тамоми кишварҳои ҷаҳон ба ҷуз Тоҷикистон ҳоло тамоми масҷидҳо баста шадуаанд. Агар коронавирус ба Тоҷикистон хатаре ворид кунад дар он сурат Шӯрои уламо дар бораи баста шудани масҷидҳо тасмим хоҳад гирифт. Дар сурати хатар Шӯрои уламо дар бораи ба як муҳлати муайян баста шудани масҷидҳо қарор қабул хоҳад кард”, гуфт муфтӣ.

Абдулқодирзода илова кард, ки дар ҳоли ҳозир ба Тоҷикистон ҳеҷ хатаре таҳдид накардааст, аммо агар хатаре таҳдид кунад дар рӯзҳои наздик Шӯрои уламо чораҳои зарурӣ меандешад.

Вай афзуд, мо бояд  тамоми чораҳои эҳтиётӣ андешем, то мубтало ба ин беморӣ нашаванд.

“Мо бояд тамоми эҳтиётмона бигирем то мубтало ба ин беморӣ нашавем. Мо ҳамеша масҷидҳоро дуруву безарар мекунем. Ҳамчунин ба намозгузорон тавсияву насиҳатҳо мекунем, ки ба масҷидҳо бо ниқобҳои тиббӣ ҳозир шаванд. Аз шахсони солхурда хоҳиш мекунем, ба насҷид наоянд ва намозҳояшонро дар хона бихонанд. Ин ҳама барои саломатии онҳост, то ин ки эҳтиёт кунанд, чунки шахсони солхӯрда бисёр осебпазиранд. Мо ҳамеша ба мардум мегӯем, ки бе зарурат ба ҷойҳои серодам нараванд” – гуфт Саидмукаррам Абдулқодирзода.

Дар ҳамин ҳол, муфтӣ зикр кард, ки ҷаласаи навбатии Шӯро санаи 21 апрели соли равон баргуззор шуда, дар он чанд масъалаи муҳим аз ҷумла масоили паҳншавии коронавирус дар ҷаҳон ва кишварҳои ҳамсоя баррасӣ хоҳад шуд.

4293
Барчаспҳо:
Рамазон, масҷид, баста шудан, эҳтимол, таҳдид, Шӯрои уламо, Тоҷикистон

Назорати шабонарӯзӣ: муовинони вазир аз чанд беморхонаҳои шаҳри Душанбе дидан карданд

39
(Таҷдидшуда 11:10 26.05.2020)
Роҳбарияти вазорати тандурустӣ Тоҷикистон бо мақсади аз наздик ошнои пайдо кардан бо фаъолияти муассисаҳои тандурустии кишвар гаштҳои шабонаро низ ба роҳ мондааст

ДУШАНБЕ, 26 май – Sputnik. Бино бар иттилои дафтари матбуоти вазорати тандурустии Тоҷикистон, ахиран бо ин мақсад муовинони Вазири тандурустӣ Саида Умарзода ва Шодихон Ҷамшед аз як қатор марказҳои саломатии шаҳри Душанбе дидан намуданд.

Манбаъ қайд намудааст, ки зимни боздид аз марказҳои саломатии мазкур муовинони Вазири тандурустӣ бо табибон вохӯрӣ анҷом дода,  дар рафти он масъалаҳои пурзӯр намудани корҳои омодагӣ барои пешгирии сирояти коронавирус баррасӣ намуданд.

Инчунин зимни боздид масоили таъмини муассисаҳои тандурустӣ бо маводҳои тиббӣ ва зиддивирусӣ, пурзӯр намудани корҳои фаҳмондадиҳӣ миёни аҳолӣ бо мақсади пешгирӣ аз вируси мазкур низ баррасӣ шуданд.

Манбаъ зикр намудааст, ки ҳадаф аз сафарҳои масъулони вазорат аз наздик ошно шудан бо фаъолияти табибон ва ҷараёни табобати беморони гирифтори сирояти коронавирус дар муассисаҳои тандурустӣ, саривақт фаро гирифтани онҳо ба табобати хонагӣ, таъмини беморон бо доруворӣ ва бемористонҳо бо таҷҳизоти тиббӣ, таъмини табибон бо либосҳои муҳофизатӣ, ошкор намудани камбудиҳои муассисаҳо, мушкилоти табибон ва саривақт ба онҳо расидагӣ кардан мебошанд.

39
Барчаспҳо:
Душанбе, беморхона, назорат, шабона, тандурустӣ, муассисаҳо, ошноӣ, вазорати тандурустӣ, Тоҷикистон
Арест, архивное фото

ВУД: мақомдор барои ситонидани 5 ҳазору 400-сомонӣ пора дастгир шуд

373
(Таҷдидшуда 10:55 26.05.2020)
Кормандони вазорати умури дохилаи Тоҷикистон сармутахассиси заминсози ҷамоати шаҳраки 20-солагии Истиқлолияти ҳамин ноҳияро барои ситонидани пора дастгир карданд

ДУШАНБЕ, 26 май – Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсия марди 52-солаи сокини ноҳияи Дӯстӣ, сармутахассиси заминсози ҷамоати шаҳраки 20-солагии Истиқлолияти ҳамин ноҳия бо гумони гирифтани пора дастгир намуданд.

ВУД тоҷикистон  таъкид доштааст, ки номбурда, аввалҳои моҳи ноябри соли равон, барои тартиб додани санад ва пешниҳод намудани ҳуҷҷатҳои қитъаи замини наздиҳавлигӣ ба мақомоти дахлдори ноҳияи Дӯстӣ аз марди 65-солаи ноҳияи мазкур 5 ҳазору 400-сомониро ҳамчун пора талаб карда гирифтааст.

Ҳамзамон манбаъ қайд намудааст, ки дар ҳоли ҳозир оид ба ин ҳолат нисбати гумонбаршаванда аз ҷониби Прокуратураи ноҳияи Дӯстӣ парвандаи ҷиноятӣ оғоз карда шуда, тафтишот идома дорад.

Ёдрас мешавем, ки чанде пеш Оҷонсии мубориза бо коррусияи Тоҷикистон аз боздошти як корманди ҳукумати шаҳри Кӯлоб хабар дод, ки дар фиреби 12 сокини аҳаллӣ муттаҳам мешавад.

Ба иттилои манбаъ, Саидмумин Давлатов, мутахассиси пешбари мақомоти иҷроияи ҳокимияти давлатии шаҳри Кулоб моҳҳои май-июни соли 2019 ба боварии шаҳрванд Умаров Ҷ.О. даромада аз ӯ барои аз ҳудуди заминҳои шаҳри Кулоб ҷудо карда додани 0,06 га. қитъаи замини наздиҳавлигӣ, маблағи 9000 сомонӣ талаб карда гирифта, ба фоидаи худ сарф кардааст.

“Ғайр аз ин, номбурда. бо ҳамин тарзу усул аз 12 нафар шаҳрвандони дигар дар маҷмуъ маблағи 139000 сомонӣ талаб карда гирифта тасарруф намудааст”,-афзуд Оҷонсӣ.

Гуфта мешавад, вобаста ба ин ҳолат нисбат ба Саидмумин Давлатов бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

373
Барчаспҳо:
сомонӣ, ришва, дастгир, пора, вазорати умури дохила, Тоҷикистон