Панорама города Худжанд, архивное фото

Аз Бӯстон ба Хуҷанд барои худкушӣ: зани 53-сола худро ба дарёи Сир андохт

290
(Таҷдидшуда 18:46 14.04.2020)
Хушбахтона, кормандони Кумитаи ҳолатҳои фавқуллода дарҳол худро ба дарё андохта, занро аз коми марг наҷот додаанд. Ӯ ҳоло дар беморхона аст

ДУШАНБЕ, 14 апр - Sputnik. Дирӯз кормандони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд аз худкушии як хонуми 53-сола пешгирӣ карданд. Дар ин бора Кумитаи ҳолатҳои фавқулодаи Тоҷикистон гузориш медиҳад.

Ин хабар ба Раёсат баъд аз зуҳр, соати 13:49 дақиқа расид ва гурӯҳи наҷот фавран худро ба ҷойи ҳодиса расонд, менависад манбаъ.

"Зан аз шаҳраки Бӯстон ба қасди худкушӣ ба Хуҷанд омадааст ва худро аз болои пул ба дарёи Сир андохтааст", - тавзеҳ додааст КҲФ.

Наҷотдиҳандагон фаврӣ худро ба об заданд ва бонуеро, ки мавҷи пурхӯрӯши Сир қариб буд ба комаш кашад, чолокона ба соҳил оварданд.

Аввалин ёрии тиббӣ расонданд, ӯро ба ҳуш оварданд ва сипас ба бемористон маркази вилоят интиқол доданд.

Бино хабаре, ки субҳи имрӯз расид, вазъи саломатии ӯ хуб буда, ба ҷонаш хатаре таҳдид намекунад.

Ин хонум то ба ҳол сабаби қасди ҷони худ карданашро шарҳ надодааст.

"Боз хонуме аз аҷал наҷот  дода шуд. Боз хонадонеро нагузоштанд, ки дар мотам нишинад. Боз як нафаре, ки мехост ба ҳаёти худ поён диҳад, аз чанголи марг раҳо ёфт. Инсонҳо баъзан аз ҳодисае дилгир мешаванд ва роҳеро интихоб мекунанд, ки гумон доранд, беҳтарин роҳ аст. Вале ҳолати стрес гузаранда аст", - омадааст дар иттилоияи КҲФ.

Раҳмон гуфт, киҳо, чанд, дар куҷо худкушӣ кардаанд? Аз артиш то зиндон ва навоҳӣ

Ҳоло ин бону ҳам, ки ба ҳуш омадааст, алабатта дар ин бора меандешад, вале агар наҷотдиҳандагон сари вақт намерасиданд, чӣ мешуд, суол гузоштааст Кумитаи ҳолатҳои фавқулода.

290
Сотрудник полиции выстраивает в очередь мигрантов

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

81
Сафорати Тоҷикистон дар Русия эълон дошт, марҳила ба марҳила муҳоҷирони меҳнатие, ки дар марказҳои нигоҳдории муваққатии шаҳрвандони хориҷии қарор доранд, ба Ватан баргардонида мешаванд

ДУШАНБЕ, 26 май – Sputnik. Сафорати Тоҷикистон дар Русия таъкид дошт, ки бо дастури Президенти Тоҷикистон Эмомалӣ Раҳмон нақшаи тадриҷан ва марҳила ба марҳила бо роҳҳои ҳавоӣ ва заминӣ ба Ватан баргардонидани шаҳрвандоне, ки ба илллати пандемия COVID- 19 дар хориҷа дармондаанд, амалӣ мегардад.

Сафорати Тоҷикистон дар Русия қайд намудааст, ки дар марҳилаи аввал барои баргардонидани шаҳрвандони Тоҷикистон, ки дар марказҳои нигоҳдории муваққатии шаҳрвандони хориҷии (МНМШХ) Русия тайи се моҳи охир қарор доранд, тамаркуз карда шудааст.

Супоришҳои вазири меҳнат ба намояндагиҳо дар Русия барои ҳалли мушкилоти муҳоҷирон

“Дар ин росто, тайи рӯзҳои охир ва давоми ҳафтаи ҷорӣ дар мувофиқа бо мақомоти Русия ҳамаи шаҳрвандони Тоҷикистон, ки дар марказҳои нигоҳдории муваққатӣ мондаанд, ба Ватан баргардонида мешаванд”,- эълон кардааст сафорат.

Инчунин масъулини сафорат таъкид доштанд, ки айни замон масъалаи бозгардонии дигар шаҳрвандони Тоҷикистон аз Русия дар баррасии Ситоди ҷумҳуриявӣ оид ба пурзӯр намудани чораҳои зиддиэпидемикӣ қарор дорад.

“Масъалаи мазкур аз фароҳам овардани шароити зарурӣ, аз ҷумла омода будани ҷойҳои кофӣ барои карантин ё муроқибати тиббӣ вобастагӣ дорад. Аз ин лиҳоз, аз ҳамватанони дар Русия қарордошта хоҳиш карда мешавад, ки хабарҳоро роҷеъ ба парвозҳо ба самти Тоҷикистон дар сомона ва дигар зарфиятҳои интернетии расмии Вазорати корҳои хориҷии Тоҷикистон, Сафорати Тоҷикистон дар Россия ва ширкатҳои ҳавопаймоӣ пайгирӣ намоянд”,- иттилоъ додааст сафорат.

Сафорат зикр ҳамзамон зиер кардааст, ки дар сурати ба миён омадани суолҳо ва масъалаҳои ҳалталаб шаҳарвандон метавонанд тавассути телефонҳои доимиамалкунандаи Сафорат ва консулгариҳои генералии Тоҷикистон дар Русия тамос гиранд.

81
Барчаспҳо:
баргардонӣ, шаҳрванд, Ватан, муҳоҷир, сафоратхона, Тоҷикистон
Доллары и чайник

Пул нест: касри буҷет дар чаҳор моҳ ба 60 миллион доллар расид

336
(Таҷдидшуда 02:47 26.05.2020)
Вазорати молияи Тоҷикистон ахиран эълон кардааст, ки буҷети кишвар давоми чаҳор моҳи соли равон наздик ба 60 миллион доллар расидааст

ДУШАНБЕ, 26 май – Sputnik. Ҳаҷми умумии буҷети ҳукумати Тоҷикистон давоми чаҳор моҳи соли равон ба 6 миллиарду 823 миллион сомонӣ расидааст, ки бо касри 600 миллион сомонӣ (муодили 58 миллион доллар) рубарӯ шудааст, иттилоъ додааст хабаргузории “Парстудей”

Вазорати молияи Тоҷикистон далели ин касри буҷетро густариши вируси корона ба сабаби таътилии касбукорҳо ва коҳиши пардохти молиёт ва аворизи мухталиф унвон кардааст.

Хароҷоти буҷет соли - 2020: кадом бахшҳо муҳиманд

Коршиносони Вазорати молияи Тоҷикистон бо ишора ба авзои иқтисодии Тоҷикистон дар паи густариши вируси корона дар ин кишвар эҳтимоли касри 230 миллион долларии буҷети ҳукумат то поёни имсол пешбинӣ кандаанд. 

Ҳаҷми умумии бюджети ҳукумати Тоҷикистон дар соли равон, 26 миллиарду 100 миллион сомонӣ(муодили 2 миллиард 100 миллион доллар) аст.  

336
Барчаспҳо:
норасоӣ, Вазорати молия, пул, доллар, Тоҷикистон