Встреча министра образования и посла Японии в Душанбе

Донишҷӯёни се донишгоҳи Тоҷикистон ба Ҷопон мераванд

483
(Таҷдидшуда 14:40 16.04.2020)
Ин масъаларо дирӯз, 15 апрел, вазири маорифи Тоҷикистон Муҳаммадюсуф Имомзода бо сафири Ҷопон дар Тоҷикистон Мияшита Такаюки баррасӣ кардааст

ДУШАНБЕ, 16 апр – Sputnik. Дар Вазорати маориф ва илми Тоҷикистон вохӯрии вазири маориф ва илм Муҳаммадюсуф Имомзода бо сафири Ҷопон дар Тоҷикистон Мияшита Такаюки  доир гардидааст.

Бино ба гузориши Вазорати маориф, зимни вохӯрӣ ҷонибҳо аз ҳамкориҳои ҷойдошта дар соҳаи маориф ва илм ибрози назар намуда, қайд карданд, ки ҳамкорӣ миёни Ҷумҳурии Тоҷикистон ва Ҷопон дар самти маориф ва илм дар асоси Созишномаи байниҳукуматӣ ва Протоколи ҷаласаи Комиссияҳои байниҳукуматии Тоҷикистон - Ҷопон оид ба ҳамкориҳои иқтисодӣ, техникӣ ва илмӣ ба роҳ монда шудааст.

Тибқи иттилои манбаъ, феълан дар 3 муассисаи таҳсилоти олии касбии Тоҷикистон – Донишкадаи давлатии забонҳои Тоҷикистон ба номи С. Улуғзода, Донишкадаи омӯзгории Тоҷикистон дар шаҳри Панҷакент ва Донишгоҳи славянии Тоҷикистону Россия омӯзиши забони ҷопонӣ таълим дода мешавад.

"Ҳамасола дар ҷумҳурӣ озмуни наттоқи забони ҷопонӣ баргузор мегардад. Инчунин, донандагони забони ҷопонӣ ҷиҳати таҳсил ва такмили забономӯзӣ ба Ҷопон сафарбар гардида, омӯзгорони соҳибзабон ва соҳибкасби забони ҷопонӣ ҷиҳати тадриси забони ҷопонӣ ба донишҷӯёни муассисаҳои болозикр аз Ҷумҳурии Ҷопон ҷалб карда мешаванд", - омадааст дар хабарнома.

Ёдовар мешавем, ки дар соли 2019 бо ташаббуси Сафорати Ҷопон дар Душанбе ва маблағгузории ин кишвар дар Тоҷикистон се муассисаи таҳсилоти умумӣ дар шаҳрҳои Роғун, Турсунзода ва ноҳияи Файзобод бо маблағи 3,6 млн сомонӣ сохта ба истифода дода шудааст.

Ҳамзамон, ҷонибҳо дар охири суҳбат ҳавасмандии худро вобаста ба боз ҳам густариш додани ҳамкориҳо дар самти маориф ва илм иброз намуда, пешниҳодҳои мушаххас ва судманд манзур намуданд.

483
Барчаспҳо:
Ҷопон, донишҷӯён, Вазорати маориф, Душанбе
Ҳунармандм мардумии Тоҷикистон Сурайё Қосимова

"Интихоби дуруст:" Талабшо Муқимов дар бораи издивоҷи Сурайё Қосимова

47
(Таҷдидшуда 17:34 26.09.2020)
Рӯзноманигори машҳури тоҷики муқими Амрико Талабшо Муқимов издивоҷи примаддонаи саҳнаи тоҷик Сурайё Қосимоваро шарҳ дод

ДУШАНБЕ, 26 сен - Sputnik. Талабшо Муқимов рӯзноманигори шинохтаи тоҷики муқими Амрико мегӯяд, мардуми сайёра ба космос сафар мекунанд, вале вазифаи бархеҳо ғайбату киноя аст.

Ӯ издивоҷи примаддонаи саҳнаи тоҷик Сурайё Қосимоваро бо Пӯлод Шаропов шарҳ дода, навиштааст, ки Сурайё Қосимова ҳамеша интихоби дуруст дорад.

"Касе метавонад, ки худро хушбахтару ободтар кунад Ошаш шавад! Агар 200 сола бошиву бо сини 20 никохи халол басти бозхам ош шавад! Ишқ сарҳад надорад! Вазифаи дустдоштаи баъзе нафарон ғайбат, бахилӣ ва хандаҳои бемазмун аст... Мардуми дунё ба Космос сафар доранд ва дар дигар сайёрҳо зиндагӣ ва корҳои илмӣ пеш мебаранд. Мо устои пеши пеши "Комментария". Пеш аз мухокимаи нафаре ҳар акас аз худ аввал пурсад, ки акалан қутии гургирд "спичка" сохта метавонад ё не?. Сурайё Қосимова - Ҳунарманди нотакрор, зани бисёр зебо ва инсони беҳад нексиришт аст! Ҳамеша ақли комил ва интихоби дуруст дорад!", - навиштааст талабшо зери акси якҷоя бо хонум Сурайё Қосимова.

Ёдрас мешавем, ки никоҳи ин бонуи ҳунар бо Пӯлод Шаропов, ки аз ҷиҳати синну сол аз ҳам фарқияти зиёд доранд, дар шабакаҳои иҷтимоӣ баҳсу мунозираҳои зиёдеро барангехт. 

Нафаре аз доираҳои наздики Шабнами Сурайё, ба Sputnik Тоҷикистон гуфт, ҷавон чанд сол ошиқи ҳунарманд буд.

"Дар шабакаҳои иҷтимоӣ менависанд, ки гӯё ҷавон барои пулу моли хонум Сурайё ӯро ба занӣ гирифтааст. Дурӯғи маҳз аст! Ҳаминро метавонам гӯям, ки ӯ солҳо боз ошиқи Сурайё Қосимова буд ва худаш ҳам марди доро аст", - изҳор дошт манбаъ.

Издивоҷи Сурайё Қосимова бо ҷавони 32-сола - навори никоҳ корбаронро "шӯронид"

Аммо нафароне низ пайдо шудаанд, ки дахолати дигаронро ба ҳаёти шахсии ҳунарманд танқид карда, ба навхонадорон хушбахтӣ тамано кардаанд.

47
Барчаспҳо:
интихоб, Сурайё Қосим, издивоҷ
Раъно Насриддинова, духтараки панҷакентие, ки Президентро бо шеърхонияш дар ҳайрат гузошт

Духтараки панҷакентие, ки Раҳмонро бо шеърхонияш дар ҳайрат гузошт, Шоҳҷоиза гирифт

136
(Таҷдидшуда 18:34 26.09.2020)
Раъно Насриддинова, хонандаи синфи 11 и мактаби № 28 и шаҳри Панҷакент дар озмуни вилоятии “Фурӯғи субҳи доноӣ китоб аст” ғолиби мутлақ гардида, 28 ҳазор сомонӣ ба даст овард. Насриддинова ба даври ҷумҳуриявии ин озмун роҳ ёфт

ДУШАНБЕ, 26 сен – Sputnik. Фирдавс Ашӯрматов, котиби кумитаи тадорукоти даври вилоятии озмуни ҷумҳуриявии “Фурӯғи субҳи доноӣ китоб” дар суҳбат ба Sputnik Тоҷикистон гуфт, озмун дирӯз аз рӯи 5 бахш ё номинатсия дар Мактаби президентӣ воқеъ дар шаҳри Бӯстон ҷамбаст шуд.

“Раъно Насриддинова нахуст дар номинатсияи аз ёд кардану хондани осори адабиёти ҷаҳон иштирок карда ғолиби ҷои аввал дониста шуда, бо гирифтани 8 ҳазор сомонӣ мушарраф шуд. Баъдан бо ҷамъи ғолибони ҷои якуми бахшҳои дигар барои шоҳҷоизаи озмун сабқат намуда пирӯз гардида 20 ҳазор сомонии шоҳҷоизаро низ ба даст овард. Воқеан дониши фаррох дорад ва аз ҷамъи иштирокчиён ин бартариаш барало эҳсос мешуд”, - таъкид намуд Ашӯрматов.

Раъно Насриддинова, хонандаи синфи 11 и мактаби № 28 и шаҳри Панҷакент аст, ки зимни сафари ахири Президент ба шаҳри Панҷакент баромад кард. Раисиҷумҳур Эмомалӣ Раҳмон аз маҳорати баланди шеъру суханварии ин духтараки панҷакентӣ ситоиш карда, ӯро “Фарзонаи 2” номид.

Президент Таджикистана Эмомали Рахмон на красной дорожке
© Официальная страница пресс-службы президента РТ в Facebook.

 Шоҳҷоизаро ба Насриддинова, Фарзона, шоири халқии Тоҷикистон тақдим намудааст. Бино ба иттилоъи котиби кумитаи тадорукот дар панҷ номинатсияи озмун: аз ёд кардану хондани осори адибони классикии тоҷик, аз ёд кардану хондани осори адибони муосири тоҷик, аз ёд кардану хондани ашъори бачагона ва афсонаву ривоятҳои халқи тоҷик ва номинатсияи аз ёд кардану хондани осори адабиёти ҷаҳон ва номинатсияи довталабони шоирӣ, теъдоди зиёди хонандагони макотиби Суғд ва намояндагони касбу кори гуногун иштирок варзида ғолибон бо нишон додани маҳорати худ соҳиби диплом ва аз 3 то 8 ҳазор сомонӣ шудаанд.

Аз ҷамъи иштирокдорон 82 нафар барои ба даври чаҳорум ва ё ниҳоии озмун, ки дар шаҳри Душанбе баргузор мегардад роҳ ёфтаанд.

Қарори озмуни ҷумҳуриявии “Фурӯғи субҳи доноӣ китоб аст” моҳи феврали соли 2019 ба истиқболи Ҷашни 30 солагии Истиқлолияти давлатии Ҷумҳурии Тоҷикистон таҳти сарпарастии раисиҷумҳур Эмомалӣ Раҳмон қабул шуда буд.

Ин озмун дар саросари Тоҷикистон дар чаҳор давр ё марҳила, ибтидо дар маркази шаҳрак деҳот, даври дуюм дар маркази шаҳр, ё ноҳия, марҳилаи сеюм дар маркази вилоятҳо ва даври чорум ё ниҳоии он дар шаҳри Душанбе баргузор мешавад.

Ба ғолибони ҷойҳои ифтихории даври ниҳоии озмун аз 15 то 30 ҳазор сомонӣ ва барандаи шоҳҷоиза бо 50 ҳазор сомонӣ қадрдонӣ мешавад.

136
Барчаспҳо:
хонанда, сомонӣ, ғолиб, озмун, Панҷакент, Тоҷикистон