Праздничный дастархан в Душанбе

“Аз даъвати сароянда то домодталбонӣ”: ҷаримаи сокинони оддию ҳушдор ба мансабдорон

1377
(Таҷдидшуда 18:14 17.04.2020)
Масъулони Ожонси мубориза бо коррупсия дар вилояти Суғд дар як ҷаласа раванди татбиқи Қонун Дар бораи танзими анъана ва ҷашну маросимҳои мардумӣ ва чораҳои пешгирикунандаи қонунвайронкунӣ миёни сокинони оддӣ ва хизматчиёни давлатиро мавриди баррасӣ қарор доданд

ДУШАНБЕ, 17 апр – Sputnik. Шоира Муттаваллиён, сардори шӯъбаи пешгирии коррупсия дар Суғд, таъкид кард, ки баъди ба тасвиб расидани Қонуни Ҷумҳурии Тоҷикистон "Дар бораи танзими анъана ва ҷашну маросимҳои мардумӣ" гузаронидани туйю маъракаҳо то андозае камхарҷ гардид, вале ҳамоно мавридҳое дида мешавад, ки шуморе аз сокинон бархилофи қонуни мазкур амал мекунанд.

Сардори шӯъбаи пешгирии коррупсия афзуд, фарзи мисол бидуни шартнома бо сарояндаҳо баргузор кардани тӯйи арӯсию домодӣ, бо баҳонаи шаби эъҷодӣ гузаронидани туй, ё доир намудани маросими домодталбон ва бо ширкати зиёди меҳмонон таҷлил кардани ҷашни зодрӯз аз қонунвайронкуниҳоянд, ки масъулин дар пайи гузаронидани рейд дар маъракаҳои сокинон дар Суғд ошкор кардаанд.

"Дар бисёр ҳолатҳо шаҳрвандон моддаи 10-и Қонун, ки баргузории тӯйи домодию арӯсиро дар як рӯз ба таври ихтиёрӣ бо оростани зиёфат барои то 150 нафар ва ҳам додани оши тӯй барои то 200 нафар аз ҳисоби ҳарду ҷониб муайян шудааст, риоя намешавад", - зикр намуд Мутаваллиён.

Арӯсиҳои замони коронавирус: бӯсуканор тариқи ниқоб - Акс

Бино ба иттилоъи шуъба оид ба корҳои дин, танзими анъана ва ҷашну маросимҳои мардумӣ дар Суғд, давоми се моҳи соли ҷорӣ 51 мавриди қонунвайронкунӣ аз сӯи сокинони шаҳру навоҳии вилоят ба қайд гирифта шудааст.

Васлибек Назриён, нозири калони шуъбаи муқовимат бо коррупсия дар Суғд гуфт, дар сурати содир кардани чунин қабил қонуншиканиҳо аз сӯи афроди мансабдор, боис ба сабукдӯш шудан аз вазифаи давлатӣ ва боқӣ мондани доғи судие мегардад, ки он ба кору вазифаи фарзандону пайвандони онҳо бетаъсир намемонад. 

"Як амали ноҷои коррупсионӣ тақдири шумо ва фарзандони шуморо ҳал мекунад. Дар вақти таъини вазифаи фарзандатон ва ё ягон пайвандонатон, доғи судии содиркардаи шумо бетаъсир намемонад", - таъкид намуд Назриён.

Мақомоти Раёсати мубориза бо коррупсия мегуянд, дар нисбати шахсони мансабдор талаботи иҷрои ин Қонун сахтар нигаронида шудааст ва ба ҳамин хотир масъулини ҳамаи соҳаҳоро зарур аст, ки аз панҷаи қонун пой берун наниҳанд.

Масъулони шуъба оид ба корҳои дин танзими анъана ва ҷашну маросимҳои Суғд мегуянд, сар аз соли 2019 ба ин тараф дар шаҳру навоҳии вилоят ҳолатҳои вайронкунии талаботи Қонуни танзим аз ҷониби шахсони мансабдори давлатӣ ба қайд гирифта нашудааст.

1377
Барчаспҳо:
сароянда, тӯй, ҷарима
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

124
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

124
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Человек в воде, архивное фото

Оғози мавсими оббозӣ ва ҳушдори КҲФ ба сокинон: эҳтиёт кунед

11
Кумитаи ҳолатҳои фавқулодаи Тоҷикистон бо фаро расиии фасли гармо ва мавсими оббозӣ ба сокинон ҳушдор додааст, ки аввал қоидаҳои шиновариро аз худ карда, пасон вориди об шаванд ва аз эҳтиёт кор бигиранд

ДУШАНБЕ, 4  июн — Sputnik. Тибқи иттилои сомонаи Кумита ин ниҳод чанд қоидаҳоро ба шаҳрвандон пешниҳод карда, хостааст дар масими оббозӣ онро риоя кунанд.

 Кумита сабаби ғарқшавии одамонро шарҳ дода гуфтааст, одамон на барои он ғарқ мешаванд, ки шиноварӣ наметавонанд, балки аз он ба фоҷеа мепечанд, ки аз соҳил дур мераванд ва ҳангоми бозгашт қувваташон намерасад. Дар ин ҳол онҳо ба воҳима дода мешаванд ва ҳисси боварӣ ба худ гум мешавад.

Ин ниҳод чандин тавсияҳоро ба сокинон пешниҳод карда гуфтааст, - танҳо баъди 1,5 - 2 соати ғизо хӯрдан, метавон дар обҳои озод дар ҳарорати на камтар аз 15 дараҷа гармии об оббозӣ кард

Барои оббозӣ ҳатман ҷойеро интихоб кард, ки махсус муайян шудааст ва набояд дар ҷойҳое, ки ношиносанд ғаввосӣ кард, зеро ба қаъри он метавонад санг, кундаҳои гурмдор, арматурҳои сохтмонӣ бошанд; 

Дар ҷойҳое, ки обсабзаҳо мерӯянд, набояд шино кард, чунки хатари ба онҳо печидан ва дар гирдоб ғарқ шудан пайдо мегардад.

Ғарқшавии се ноболиғ ва як ҷавондухтари 25 - сола дар Тоҷикистон

Набояд баъди дар офтоб гарм шудан ва ё сардии об, дар ҳоли  мастӣ оббозӣ кардан қаъиян манъ аст.

Тибқи омори Кумита  танҳо дар соли 2019 дар натиҷаи риоя накардани қоидаҳои бехатарӣ дар обҳо ҳангоми оббозиву шиноварӣ 141 нафар дар кишвар ғарқ шуданд.

Аз ин шумор 11 нафари онҳо бачаҳои то 4-сола буданд. 14 нафар бачаҳои аз 5 то 11-сола; 31 нафарашон аз 11 то 16-сола, 50 тани дигар синнашон аз 17 то 35 буд ва 35 нафари боқимонда афроде буданд, ки синнашон аз 35 сол боло будаанд. 

11