Сотрудники медицинской службы в аэропорту Душанбе

Созмони ҷаҳонии беҳдошт аз авҷи коронавирус дар се кишвари ҳамсоя бо Тоҷикистон хабар дод

2324
(Таҷдидшуда 17:41 22.04.2020)
Шумораи гирифторон ба коронавирус дар кишварҳои Осиёи Марказӣ ба 3 549 нафар ва дар қаламрави кишварҳои ҳамсуд ба 49 803 кас расид

ДУШАНБЕ, 18 апр – Sputnik. Бино бар иттилоъ Созмони ҷаҳонии беҳдошт шумораи умумии шифоёфтагон дар Осиёи Марказӣ ба 633 нафар ва фавтидагон ба 26 кас расид. Дар қаламрави кишварҳои Иттиҳоди Давлатҳои Мустақил бошад шумори шифоёфтагон ба 5 017 нафар расида, шумори нафароне, ки аз ин вирус фатиданд ба 556 нафар расидааст, иттилоъ додааст АМИТ “Ховар”.

Бино бар иттилои манбаъ, ба ҳолати 18 апрел дар кишварҳои Осиёи Марказӣ – Қазоқистон, Ӯзбекистон ва Қирғизистон, ки аъзои ИДМ низ мебошанд, шумораи мубталоён ба коронавирус мутаносибан 1 593, 1450 ва 506 нафарро ташкил медиҳад.

Дар дигар кишварҳои узви ИДМ, аз ҷумла дар Русия 32 ҳазору 8 ҳолат, Беларус – 4 779, Украина – 4 662, Молдова – 2 264, Озарбойҷон – 1340 ва Арманистон – 1201 ҳолати сироятёбӣ ба қайд гирифта шудааст.

Дар ҳамаи ин кишварҳо дар баробари зиёдшавии шумораи сироятёфтагон ҳамчунин тамоюли шифоёбии онҳо рӯ ба инкишоф аст. Масалан, то имрӯз дар Русия 2 590 нафар, Озарбойҷон – 528, Арманистон  – 402, Қазоқистон – 347, Беларус – 342, Молдова – 276, Украина — 246, Ӯзбекистон – 156 ва Қирғизистон – 130 нафар шифо ёфта, ба манзили зист баргаштанд.

Ҳамзамон дар Русия 273 нафар беморони гирифтор ба коронавирус, Украина – 125, Молдова – 54, Беларус – 40, Арманистон – 19, Қазоқистон – 17, Озарбойҷон – 15, Қирғизистон – 5 ва Ӯзбекистон 4 нафар фавтидаанд.

То имрӯз миёни кишварҳои Осиёи Марказӣ ва ИДМ танҳо дар Тоҷикистон ва Туркманистон ягон ҳолати сирояти коронавирус ба қайд гирифта нашудааст.

Дар Афғонистони кишвари ҳамсоя бо Тоҷикистон шумораи мубталоён ба коронавирус 906 нафар расида, 99 нафари онҳо шифо ёфта, 30 тани дигар вафот кардаанд.

Тибқи иттилои СҶБ дар ҳоли ҳозир, дар ҷаҳон беш аз 2,2 миллион нафар ба коронавирус гирифтор шудаанд, ки аз ин шумора зиёда аз 154 ҳазор нафар вафот карда, беш аз 574 ҳазор кас шифо ёфтаанд ва зиёда аз 57 ҳазор тан дар ҳолати вазнин қарор доранд.

2324
Барчаспҳо:
Тоҷикистон, гирифторон, ҳамсоя, кишварҳои ҳамсуд, вирус, Осиёи Марказӣ
Мавзуҳо:
Пайомадҳои COVID-19 дар Тоҷикистон ва ҷаҳон (469)
ДТП, архивное фото

Мақомот ҳалокати сардори шуъбаи КҲФ дар Ванҷ ва писарашро зимни садамаи нақлиётӣ шарҳ дод

61
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Асланшоҳ, сардори шуъбаи ин ниҳод дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

61
Барчаспҳо:
фавт, КҲФ Тоҷикистон, Ванҷ, Тоҷикистон
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

118
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

118
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон