Медицинский работник в защитном костюме

Вазъи “мурдашӯй” хуб нест, наздиконаш дар қарантинанд: дар Суғд чӣ мегузарад?

11733
(Таҷдидшуда 16:02 18.04.2020)
Вазъи сиҳатии боз як фарде, ки дар Беморхонаи физиотерапевтии вилояти Суғд таҳти қарантина аст, вахим шудааст. Аммо сардухтур мегӯяд, ҳеҷ яке аз наздикони ӯ тасф надоранд

ДУШАНБЕ, 18 апр – Sputnik. Шавкатҷон Раҳимбердиев, сардухтури Беморхонаи физиотерапевтии вилояти Суғд ба Sputnik Тоҷикистон гуфт, вазъи Абдухалил Ҷӯрабоеви 56 – сола, сокини ноҳияи Ҷаббор Расулов, ки дар ин беморхона таҳти қарантина аст, хеле вахим шудааст.  “Чор шабонарӯз дар хона ҳарорат кардааст. Вақте ба духтури оилавӣ муроҷиат мекунад, ахирӣ “ёрии таъҷилӣ” – ро даъват карда, ба ин ҷо интиқол медиҳад.

Рӯзи 14 апрел буд. Пагоҳаш маззааш гурехт. Ҳарораташ баланд, фишораш паст шуд. Ҳоло таги дастгоҳ хоб аст”, - гуфт Шавкатҷон Раҳимбердиев. Абдухалил Ҷӯрабоев, яке аз хешовандони Ҳабибуллоҳ Шодиев, сокини деҳаи Гулафшон, собиқ Янтоқзори ноҳияи Ҷаббор Расулов аст ва ба қавли бархе афроде, ки бо Sputnik Тоҷикистон сӯҳбат карданд, дар ҷанозаи марҳум дар мурдашӯӣ ва ҳам ба қабр гузоштани ӯ ширкат доштааст.

Ҳабибуллоҳ Шодиев 1 апрел дар Бемхорхонаи марказии ноҳияи Ҷаббор Расулов, бино ба иттилои расмӣ, аз пневмонияи дутарафа фавтида буд. Чор рӯз пас аз марги ӯ 11 табибу парастор, бародараш Абдуҷалил Тошев ва дар умум 18 узви оилааш таҳти қарантина гирифта шуданд.

11 апрел Ҳоҷимуҳаммад Тошев, ки ҳамкори Абдуҷалил Тошев дар шӯъбаи маорифи ноҳияи Ҷаббор Расулов буд, бино ба иттилои мақомот, аз “бемории ишемияи дил” фавтид.

Ин иттифоқот эҳтимоли шуюъи “вируси тоҷдор” дар ин ноҳияро ба вуҷуд овард.

Сардухтури Беморхонаи физиотерапевтии вилояти Суғд ташхиси Абдухалил Ҷӯрабоевро низ пневмонияи дутарафа унвон карда, гуфт, ӯро ду бор ташхиси рентгенӣ карда, рӯзи 15 апрел таҳлилҳояшро ба Хуҷанду Душанбе низ фиристоданд ва ҷавоб гирифтанд, ки манфӣ аст.

Вай афзуд, дирӯз 17 апрел мутахассисони вилояту ҷумҳурӣ низ омада, боз таҳлили нав гирифтанд.

“Вазъи як худашон вазнин аст. Писарашон ҳамроҳашон аст. Дар умум 5 узви оилааш, ба шумули фарзанду ҳамсар ва келину набераҳояш дар як утоқ қарор доранд ва таҳти қарантина гирифта шудаанд. Рӯзона чор – панҷ маротиба тасфашонро чен мекунем. Хушбахтона, ягонташон таб надоранд. Таҳлили ҳамаи 5 касро гирифта, фиристодем. Посухаш пагоҳ маълум мешавад”, - гуфт Шавкатҷон Раҳимбердиев.

Як манбаъи дигар дар Беморхонаи физиотерапевтии вилояти Суғд ҳамзамон иттилоъ дар бораи инро, ки аз “беэҳтиётӣ ва нарасидани сарулибоси махсус” вазъи ду табиби Беморхонаи марказии ноҳияи Ҷаббор Расулов - Алишер Назиров ва Туйчибой Раҳимов - вазнин шудааст, рад карда, гуфт, маҳз ин ду нафар аз Абдухалил Ҷӯрабоев муроқибат мекунанд.

“Ҳарду пас аз марги Шодиев ба беморхонаи мо барои қарантина интиқол ёфта буданд. Азбаски мутахассисанд ва вазъи сиҳатиашон хуб аст, ба мо кӯмак мекунанд. Онҳо аз Шодиев муроқибат карда буданд. Як рӯз беморро назорат карда, гӯё ҳарорат баровардаанд. Агар гап дар бораи вирус равад, дар як рӯз ҳарорат пайдо намешавад ку? Воҳима кардаанд. Ҳоло ҳарду бардаму сари ҳол ва сари коранд”, - гуфт ин манбаъ.

Қаблан расонаҳо аз марги Муъминҷон Мирбаротови 68 – сола, як сокини дигари ноҳияи Ҷаббор Расулов хабар дода буданд, ки низ аз пневмония ҷон ба ҷонофарин супурдааст.

Як манбаъ дар Беморхонаи марказии ноҳияи Деваштичи вилояти Суғд низ овозаҳо дар бораи қарантина шудани 10 пизишки ин шифохонаро рад карда, гуфт, ҳоло дар ин ноҳия ягон нафар дар қарантина қарор надорад.

“Охирин афроде, ки аз қарантина баромаданд, узви хонаводаи Наврӯзмаҳмад Ҳоҷимуҳаммадов, соли таваллудаш 1973 ва як ронандаи бо ӯ тамосдошта буд. Ҳоҷимуҳаммадов, сокини деҳаи Ростровут, аз Қазоқистон баргашта, ба дарди сару нафастангӣ мепечад. Аз ин хотир, ӯ ба пизишкон муроҷиат кард ва бо аҳли оилаашу танҳо нафар - ронандае, ки тамос дошт, дар умум 5 нафар ҳама қарантина шуданд. Аз 29 март то 12 апрел таҳти қарантина буданд ва рухсат шуданд”, - гуфт ин манбаъ.

11733
Барчаспҳо:
пизишк, вирус, Суғд, беморхона, Тоҷикистон
Меваю сабзавот дар бозор, акс аз бойгонӣ

Азми мақомоти Хатлон барои содироти 90 ҳазор тон меваю сабзавот ба хориҷа

91
(Таҷдидшуда 20:54 27.05.2020)
Мақомоти Хатлон мегӯянд, имрӯз, 27 май, аз вилоят ба Русия боз 50 тонна олу содир карда шуд. Соҳибкорони маҳаллӣ олуро аз ноҳияи Кӯшониён дар қуттиҳои махсус бор карда, тавассути мошинҳои борбар роҳии Санкт-Петербург намуданд

ДУШАНБЕ, 27  май — Sputnik. Тибқи иттилои мақомоти Хатлон, рӯзе пеш боғпарварони ноҳияи Ҷалолиддини Балхӣ низ бо мусоидати бахши намояндагии Агентии содироти назди Ҳукумати Ҷумҳурии Тоҷикистон дар вилоят ба хориҷи кишвар 51 тонна меваҷотро содир карда буданд.

Президент Эмомали Рахмон открыл спортивный комплекс в Ховалингском районе
© Официальная страница пресс-службы президента РТ в Facebook.

Манбаъ таъкид намудаст, ки имрӯз аз вилояти Хатлон, асосан навоҳии Ҷ. Балхӣ, Кӯшониён ва Ҷайҳун ба хориҷи мамлакат ҷамъан 139 тонна мева бо иловаи лимӯ содирот шудааст.

“Мавсими содироти меваҷот, тавре ки мутахассисон таъкид мекунанд, тоза шурӯъ шудааст. Имсол, тибқи дурнамо аз шаҳру навоҳии вилояти Хатлон ба мамолики хориҷи дуру наздик 90 ҳазор тонна меваю сабзавот содирот хоҳад шуд”, - омадааст дар иттилоия.

Мақомоти Хатлон мегӯянд, то 27 май ин нақша ба андозаи 40,5% иҷро гардида, ба хориҷа 36 ҳазору 429,1 тонна меваю сабзавот, аз ҷумла 36 ҳазору 255,2 тонна пиёз содир карда шудааст. Дар муқоиса бо ҳамин давраи соли 2019 ба хориҷи мамлакат ба андозаи қариб 15 ҳазор тонна маҳсулоти бештар содирот шудааст.

Манбаъ таъкид кардаст, ки маҳсулоти кишоварзии истеҳсоли вилояти Хатлон асосан ба Қазоқистон, Покистон, Афғонистон, Федератсияи Русия ва Қирғизистон равона гардидааст.

91
Мужчина в защитной маске

Омори хушҳолкунанда: бидуни фавт ва шифо ёфтани 1575 нафар аз коронавирус дар Тоҷикистон

1039
(Таҷдидшуда 18:16 27.05.2020)
Вазорати тандурустии Тоҷикистон хабар медиҳад, ки шабонарӯзи гузашта дар ҷумҳури аз маризии коронавирус ягон бемор нафавтид

ДУШАНБЕ, 27 май — Sputnik. То соати 17:30 дақиқаи 27 май дар кишвар 3424 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1575 нафар шифо ёфтаанд.

Ба иттилои котиботи Вазорати тандурустӣ, шабонарӯзи гузашта ягон мавриди фавт аз ин беморӣ сабт нагардидааст. Теъдоди қурбониён дар Тоҷикистон ҳамоно 47 нафар арзёбӣ мешавад.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мегӯяд, то 27 майи соли равон дар мамлакат 2501 нафар зери назорати табибон қарор дошта, дар як шабонарӯзи охир 385 нафар пас аз шифо ёфтан ба хонаҳояшон рухсат дода шудаанд.

Вазорат аз шумораи дигари қурбониёни коронавирус дар Тоҷикистон хабар дод

Манбаъ тавзеҳ медиҳад, ки  имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Ба ғайр аз ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

 

1039
Мавзуҳо:
Пайомадҳои COVID-19 дар Тоҷикистон ва ҷаҳон
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2598
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2598
Барчаспҳо:
хайрхоҳӣ, Русия, Тоҷикистон