Ёдгор Файзов, раиси ВМКБ, акс аз бойгонӣ

Файзов дар бораи муҳоҷирон, гуфтугӯи Путину Раҳмон, нархҳо ва зарари зӯрӣ-видео

4186
(Таҷдидшуда 14:41 19.04.2020)
Ёдгор Файзов, раиси ВМКБ, дар як гуфтугӯи сарироҳӣ бо Музаффар Имомдод, фаъоли ҷамъиятӣ ва маъмури гуруҳи фейсбукии “Цавор куен” дар бораи ҳоли муҳоҷирон, гуфтугӯи роҳбарони Тоҷикистону Русия, чораҳо алайҳи ҷаҳиши нархҳо ва зарари зӯрию фишор дар бозор суҳбат кард

ДУШАНБЕ, 19 апр — Sputnik. Файзов гуфт, он хизматеро, ки муҳоҷирони меҳнатӣ солиён барои таъмини ниёзҳои мардум мекунанд, фаромӯш кардан ғайриимкон аст. Ӯ бо изҳори сипос ба муҳоҷирон таъкид намуд, ки дар вазъияти мушкили феълӣ масъулин дар фикри расондани дасти ёрӣ ба муҳоҷирон мебошанд.

“Имкониятҳо каме маҳдуданд, аммо кор барои дастгирии муҳоҷирон ҷараён дорад. Сафорату намояндагиҳо рақамҳояшонро додаанд, то дар сурати зарурат шаҳрвандон муроҷиат кунанд. Ҳар коре аз дасти мардуму давлат меояд, барои муҳоҷирон дареғ нахоҳанд дошт”, - изҳор дошт Файзов.

Ӯ иттилоъ дод, ки Эмомалӣ Раҳмон, раисиҷумҳури Тоҷикистон, бо ҳамтои русиягияш тайи рӯзҳои охир гуфтушунидҳо дошт, ки ҳадафи аслии он кумаку осонӣ барои муҳоҷирон дар вазъияти феълӣ мебошад.

Зикри Файзов аз гуфтушуниди Раҳмону Путин дар ҳолест, ки рӯзи гузашта раисиҷумҳури Русия бо имзои як дастур муҳоҷирони меҳнатиро аз пардохту расмиёти ҳуҷҷатгузорӣ дар се моҳ, аз 15 март то 15 июн озод кард.

Ӯ илова намуд, ки муроҷиату шикояти сокинони вилоят дар шабакаҳои иҷтимоиро пайгирӣ мекунад ва аз эроди охири корбарон дар мавриди ҷаҳиши нарх дар бозорҳо зикр намуд.

Раиси ВМКБ тавзеҳ дод, ки гуруҳи корӣ ташкил шуда, ба арзёбии нархҳо дар бозорҳо машғул мебошанд.

Ӯ дар ин росто таъкид намуд, ки эътидол миёни таъсиррасонӣ ба нархҳо ва озодии бозор бояд риоя гардад, чун ҳеч роҳбаре наметавонад бо дастуру амре шартҳояшро дар бозор барои дарозмуддат ҷорӣ кунад.  Раиси вилоят ҳушдор дод, ки истифодаи чораҳои маъмурӣ ва фишор зӯрии аз ҳад зиёд дар бозор метавонад натиҷаи баръакс диҳад, чун соҳибкорон метавонанд умуман аз пешниҳоди мол ба бозор худдорӣ намоянд.

Раиси ВМКБ қонуни асосии бозорро хотиррасон кард, ки тибқи он нархҳо аз талаботу пешниҳод дар бозор вобаста мебошанд ва ҳар қадаре фаровонӣ дар бозор таъмин бошад, ҳамон қадар нархҳо поин хоҳанд буд.

Файзов таъкид намуд, ки алайҳи ҳаннотон, ки фарзан халтаи орди Ожонси захираи давлатиро бо нархи 210 сомонӣ мехаранду дар дигар ҷой қимат мефурӯшанд, метавон чораандешӣ кард, аммо дар маҷмуъ амру фишор дар бозор натиҷаи дилхоҳ дар дарозмуддат нахоҳад дод.

Раиси ВМКБ бори дигар аз таъсир ба нархгузорӣ тариқи пешниҳоди бештари мол суҳбат карда, гуфт, феълан бо сохторҳои дахлдори Ҳукумат, аз ҷумла Ожонси захираҳои давлатӣ ва соҳибкорону ташкилотҳои байналмилалӣ барои пешниҳоди мол ба бозорҳои вилоят чораандешӣ карда истодаанд.

Ба гуфтаи Файзов, таъминоти мардуми вилоят асосан аз ҳисоби сайёҳӣ, муҳоҷирон ва соҳибкорӣ буд, ки имсол дар пайи хуруҷи коронавирус дучори мушкил шудаанд. Дар чунин шароит Файзов зарур хонд, ки ҳар порчаи замини вилоят пурсамар истифода шавад, то қисман ҳам бошад мардум ниёзҳои худро таъмин намояд.

4186
Барчаспҳо:
вирус, муҳоҷирон, Русия, Тоҷикистон
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

86
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

86
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

144
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

144