Озода Раҳмон,

Пулдорӣ дар хориҷу идораи тиҷорат барои мансабдорон манъ: суҳбати Озода Раҳмон

6474
Озода Раҳмон, роҳбари Дастгоҳи раисиҷумҳури Тоҷикистон, мегӯяд, барои хизматчиёни давлатӣ доштани пул дар бонкҳои хориҷӣ ва иштирок дар идораи ташкилотҳои тиҷоратӣ мамнӯъ мебошад

ДУШАНБЕ, 19 апр — Sputnik. Озода Раҳмон, роҳбари Дастгоҳи иҷроияи раисиҷумҳури Тоҷикистон, тафсилоти тағйирот ба қонун “Дар бораи хизмати давлатӣ”-ро шарҳ дод, ки аз ҷониби Кумитаи таҳти идорааш дар даъвати гузаштаи Маҷлиси миллӣ пешниҳод гардида буданд.

Ӯ гуфт, бар асоси ин тағйирот нисбат ба хизматчиёни давлатӣ маҳдудиятҳо, аз қабили  манъи иштирок дар идораи ташкилоти тиҷоратӣ ва ташкилотҳои ғайриҳукуматии хориҷӣ ҷорӣ гардиданд. Озода Раҳмон таъкид намудаст, ки тибқи тағйирот, кушодани суратҳисоб ва доштани пасандозҳо дар бонкҳои хориҷӣ барои хизматчиёни давлатӣ мамнӯъ мебошад.

Ин нуктаро Озода Раҳмон дар суҳбат бо нашрияи парлумонии “Садои мардум” изҳор доштааст.

“Қонун догма нест ва мутобиқ ба раванди муносибатҳои ҷамъиятӣ ба он пайваста тағйиру илова, аз ҷумла, таҳрирӣ, бо мақсади  сайқал додани забон ва сифати он ворид карда мешавад. Забони ҳуқуқӣ аз забони лаҳҷавӣ ва бадеӣ фарқ дорад ва дар он истилоҳ бояд як маъноро ифода намуда, мазмуни ягона дошта бошад. Илова бар ин, меъёрҳои қонун бояд ҷавобгӯи  мантиқи ҳуқуқӣ низ бошанд”, - изҳор дошт Озода Раҳмон ва афзудааст, тағйиру иловаҳое, аз ҷониби аъзои Кумитаи таҳти идорааш дар даъвати гузаштаи Маҷлиси миллӣ пешниҳод шудаанд, бештар хусусияти меъёриро доранд. Ӯ тағйирот ба қонун “Дар бораи хизмати давлатӣ” ва маҳдудият барои хизматчиёни давлатиро мисол овардааст.

Инчунин аз Озода Раҳмон пурсида шудааст, ки  Маҷлиси миллӣ дар даъвати панҷум 451 қонунро ҷонибдорӣ намуд ва магар шумораи зиёди онҳо барои донистану татбиқ намудан мушкилӣ эҷод намекунад.

Ӯ посух додааст, тарафдори он мебошад, ки шумораи қонунҳо камтару сифаташон беҳтар бошад.

“Аз ин нуқтаи назар, кӯшиш дорем, ки бештар ба кодификатсияи онҳо бигзарем. Дар иҷлосияи хотимавии даъвати гузашта ду кодексро ҷонибдорӣ намудем. Тавре огоҳӣ доред, ҳоло гурӯҳҳои корӣ дар арафаи анҷом додани таҳияи лоиҳаи кодексҳои экологӣ, маориф ва иттилоотии Ҷумҳурии Тоҷикистон қарор доранд. Бо қабули онҳо тахминан 30 қонуни амалкунанда аз эътибор соқит карда мешаванд”, - илова намуд роҳбари дастгоҳи раисиҷумҳур.

Ӯ афзудааст, ки  бояд лоиҳаи кодексҳои энергетикӣ, буҷет ва танзимкунандаи дигар соҳаҳо низ таҳия карда шаванд.

6474
Барчаспҳо:
Озода Раҳмон, Тоҷикистон

Аз се беморхона дутоаш холӣ мешаванд: коҳиши шумораи гирифторони коронавирус дар Ваҳдат

0
Дар як беморхонаи шаҳри Ваҳдат шумораи ками беморони сироятёфта аз ин вируси навъи нав боқӣ мемонанд

ДУШАНБЕ, 30 май – Sputnik. Шумораи сироятёфтагони ин вирус дар Ваҳдат ба маротиб коҳиш ёфта, беморхонаҳо ба ҳолати муқаррарӣ бармегарданд, гузориш медиҳад "Ховар".

Гуфта мешавад, гуруҳи корӣ таҳти роҳбарии муовини нахуствазир Ширин Исматуллозода бо мақсади таҳлили  ҳолати воқеии  пешгирӣ ва табобати бемории коронавируси навъи COVID-19 ба шаҳру навоҳӣ ба сафар баромада, нахуст ба Ваҳдат рафтаанд.

Дар доираи ин сафар имрӯз дар шаҳри Ваҳдат таҳти роҳбарии  Ширин Исматуллозода ҷаласаи корӣ доир гардид, ки дар он раиси шаҳр, сардухтур, роҳбарони марказҳои саломатӣ, маркази санитарӣ- эпидимиологӣ ва дигар масъулин иштирок намуданд.

"То рӯзи душанбеи ҳафтаи оянда аз се беморхонаи шаҳри Вахдат, ки барои қабули беморони COVID-19 пешбинӣ шуда буданд, дутоаш пурра холӣ шуда, ба ҳолати муқаррарӣ бармегарданд", - зикр гардидааст дар ин ҷаласа.

Гуфта мешавад, дар як беморхонаи ин шаҳр шумораи ками беморони сироятёфта аз ин вируси нав боқӣ мемонанд.

Дар Тоҷикистон то соати 17:20 дақиқаи 29 май 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

Даргузашти Каромат Шарипов аз сактаи қалб дар Ваҳдат

Шумораи фавтидагонро аз ин вирус Вазорат 47 нафар мегӯяд. Тоҷикистон аз бурузи коронавирус дар ҷумҳурӣ 30 апрел хабар дод.

0
Учения спасательного отряда в водоеме, архивное фото

Боди шадид духтари 11-соларо дар дарёи Сурхоб ғарқ кард

8
(Таҷдидшуда 16:49 30.05.2020)
Кумитаи ҳолатҳои фавқуллодаи Тоҷикистон аз ғарқ шавии ноболиғи 11-сола дар дарёи Сурхоб хабар медиҳад

ДУШАНБЕ, 30 мая — Sputnik. Ҷасади Зулайхои 11-сола, ки шаби 27-уми май аз хона баромада бедарак шуда буд, нисфирўзии дирўз дар соҳили дарёи Сурхоб, дар деҳаи Навободи поёни ҷамоати деҳоти Зафари ноҳияи Фархор пайдо шуд.

Баъди муайян кардани шахсияти ҷасад ўро ба волидонаш супурданд.

Маврид ба ёдоварист, ки шаби 27-уми май, тахминан соати 22:00, ки дар ноҳияи Восеъ боди шадид мевазид ва раъду барқ осмонро гоҳ рушану гоҳ торик мекард,  сокини 11-солаи ҷамоати деҳоти Гулистони ноҳия  аз хона баромад ва дигар касе намедонист ӯ куҷо рафтааст. Волидонаш ҳадс мезаданд, ки ӯ дар дарёи Сурхоб ғарқ шудааст. 

Ба ҷои ҳодиса гурӯҳи наҷотдиҳандагони Кумитаи ҳолатҳои фавқулодда дар минтақаи Кулоб дар ҳайати 12 нафар ҳамроҳ бо кормандони ШВКД-и ноҳия ва сокинони деҳа сафарбар шуда буданд ва ҷустуҷӯи ӯро оғоз карданд. Вале ин кофтуков он рўз натиҷа надо два дирўз аз сари субҳ кофтуков оғоз гардид ва ҳоло ҷасад ба волидонаш супурда шудааст.

8
Барчаспҳо:
ҷасад, пайдо, ғарқшавӣ, Тоҷикистон