Медицинский работник в аэропорту в защитном костюме

Исботи набуди “вируси тоҷдор”: оилаи Шодиевҳо аз қарантина баромад

5301
(Таҷдидшуда 12:36 20.04.2020)
Хонаводаи Ҳабибуллоҳ Шодиев, сокини 60 – солаи ноҳияи Ҷаббор Расулов, ки тахмин мешуд, аз гирифторӣ ба “вируси тоҷдор” фавтидааст, пас аз анҷоми марҳалаи 14 – рӯзаи қарантина аз шифохона рухсат шуд

ДУШАНБЕ, 20 апр - Sputnik. Ӯткир Ҳабибуллоҳзода, писарбузурги Ҳабибуллоҳ Шодиев дар таъйиди ин хабар ба Sputnik Тоҷикистон гуфт, ҳамаи 18 узви хонавода – аз модари 60 – сола то ҷияни 1 солу семоҳааш, ки 5 апрел дар Беморхонаи физиотерпавтии вилояти Суғд, воқеъ дар шаҳраки Ғӯлакандози ноҳияи Ҷаббор Расулов қарантина шуда буданд, рӯзи 19 апрел ба манзили худ дар деҳаи Гулафшони ноҳия баргаштанд.

 “Ман ҳоло ашки шодӣ мерезам, ки ин рӯзҳои сахтро хонаводаи мо пушти сар кард. Он ҳама ташвишу фикри ин ки чӣ мешуда бошад, ростӣ, моро хеле хавотир карда буд. Ҳаёти дубора дидем, гӯем ҳам мешавад. Аз масъулони тандурустии ноҳияву вилояти ҷумҳурӣ, бахусус пизишкону парасторон ва тамизкорони Беморхонаи физиотерпавтии вилояти Суғд сипосгузорӣ мекунем”, - гуфт Ӯткир Ҳабибуллоҳзода.

Хонаводаи Шодиевҳо вақте дар маркази таваҷҷӯҳи расонаҳо ва ҳам овозаву шоеъот қарор гирифт, ки 1 апрел Ҳабибуллоҳ Шодиев, падари хонадон аз маризии пневмонияи дутарафа фавтид ва дар пайи марги ӯ 11 табибу парастори шифохонаи марказии ноҳияи Ҷаббор Расулов ва тамоми узви хонаводаи ӯ қарантина шуданд.

Ин ҳама иттифоқот эҳтимоли фавти Шодиев аз “вируси корона” – ро ба вуҷуд овард ва бархе расонаҳо ҳатто ӯро аввалин қурбонии ин вирус дар Тоҷикистон арзёбӣ карданд. Марги Шодиев тамоми Тоҷикистонро ба ташвиш афканд ва ҳам овозаҳои даҳшатнокеро дар бораи хонаводаи ӯ ба вуҷуд овард.

Ба қавли Ӯткир Ҳабибуллоҳзода, бино ба як овоза, худаш, модараш, додараш ва як ҷиянаш, гӯё даргузашта буданду мақомот ҷасадҳои онҳоро дар сардхона нигаҳ медоштанд ва бояд пас аз 14 рӯз берун оварда, гӯр мекарданд.

 “Ин овозаҳоро ба ман наздикону дӯстон мерасонданд. Ростӣ, шунидани онҳо, агарчи дурӯғ буданд, дили маро сиёҳ ва саволҳои зиёдеро пешам халқ мекард, ки оё мо аз ин ҷо зинда мебароем, сарнавишти мо чӣ мешуда бошад... Худоро шукр, ки ҳатто яке аз мо тасф накард”, - гуфт Ӯткир Ҳабибуллоҳзода.

 Аммо 18 узви хонаводаи Шодиевҳо танҳо нафароне набуданд, ки дар пайи марги Ҳабибуллоҳ Шодиев қарантина шуданд. 11 табибу парастор ва ҳам бародари ӯ Абдуҷалил Шодиев, мудири шӯъбаи маорифи ноҳияи Ҷаббор Расулов бо иттифоқи писараш ҳамоно дар Беморхонаи сироятии вилояти Суғд дар шаҳри Хуҷанд қарантинаанд.

Меҳрубон Тошев, танҳо писари Ҳоҷимуҳаммад Тошев, ҳамкори Абдуҷалил Шодиев, ки 11 апрел аз “ишемияи дил” ҷон ба ҷонофарин супурда буд, низ дар ин беморхона қарантина шудааст.

Яке аз қарантинашудагон Алишер Абдураҳимов, муовини сардухтури Бемористони марказии ноҳияи Ҷаббор Расулов, ба Sputnik Тоҷикистон гуфт, онҳо рӯзҳои 25 – 26 апрели соли равон рухсат хоҳанд шуд.

 “Азбаски ҳамаи мо тасф бароварда будем, барои мо 21 рӯз қарантина таъйин карданд, то гирифтории мо пурра таъйид ё такзиб шавад. Вазъи Абдуҷалил Шодиев, писарашон ва ҳам писари Тошев ҳам хубу ҳамагӣ сари ҳол ва интизори рухсатанд”, - гуфт Алишер Абдураҳимов.

Дар силсилаи онҳое, ки дар пайи фавти Ҳабибуллоҳ Шодиев қарантина шудаанд, ҳоло танҳо вазъи хешованди ӯ Абдухалил Ҷӯрабоеви 56 – сола, сокини ноҳияи Ҷаббор Расулов, ки гуфта мешуд, дар шустушӯи ҷасад ва ҳам ба қабр гузоштани ӯ ширкат дошт, номаълум боқӣ мемонад.

Абдухалил Ҷӯрабоев бо ҳарорати баланд ба Беморхонаи физиотерапевтии вилояти Суғд, воқеъ дар шаҳраки Ғӯлакандоз интиқол ёфта, вазъаш вахим арзёбӣ шуда буд. Маризии ӯро низ пневмонияи дутарафа ташхис доданд ва бо иттифоқи ӯ 5 узви хонаводааш низ ба ин шифохона интиқол ёфта, таҳти қарантина қарор гирифтанд.

Шавкатҷон Раҳимбердиев, сардухтури ин Беморхона ба Sputnik Тоҷикистон гуфт, Абдухалил Ҷӯрабоев таҳти дастгоҳи нафасдиҳӣ қарор дорад ва умеди ин, ки шифо хоҳад ёфт, зиёд аст.

“Хушбахтона, вазъи аъзои хонаводааш мӯътадил аст. Онҳо дар як утоқ ва таҳти назоратанд. Дирӯз натиҷаҳои таҳлили аввалаи ҳамаи 5 касро гирифтем, ҳама манфӣ баромаданд”, - гуфт Шавкатҷон Раҳимбердиев.

Пизишконе, ки бо Sputnik Тоҷикистон сӯҳбат карданд, мегӯянд, рухсат шудани хонаводаи Шодиевҳо аз қарантин фарзияи фавтидани Ҳабибуллоҳ Шодиев аз “вируси тоҷдор” ва ҳам вуҷуди ин маризӣ дар ноҳияи Ҷаббор Расуловро рад мекунад.

“Яке аз нишонаҳои ин маризӣ густариши зуд ва бесобиқаи он аст. Аммо хонаводаи Шодиевҳо ҳанӯз аз 21 март то дами марг дар канори марҳум буданд. Агар “вируси тоҷдор” мебуд, қабл аз ҳама аъзои хонаводааш гирифтор мешуданд. Пас марги ӯ табиӣ буда, ташхиси расмӣ дуруст аст”, - мегӯянд онҳо.

5301
Барчаспҳо:
исбот, рухсат, бемористон, вирус, гирифторон, Ҷаббор Расулов
Мавзуҳо:
Пайомадҳои COVID-19 дар Тоҷикистон ва ҷаҳон (606)
На улице в городе Душанбе, архивное фото

Гармии тоқатфарсо: ҳавошиносон дақиқ гуфтанд имрӯз то чанд дараҷа гарм мешавад

0
(Таҷдидшуда 10:58 06.07.2020)
Маркази обуҳавошиносии Тоҷикистон таъкид доштааст, ки имрӯз дар ҷумҳурӣ ҳавои камабри бебориш дар назар аст

ДУШАНБЕ, 6 июл — Sputnik. Бино бар иттилои Ожонсии обуҳавошиносӣ, имрӯз дар  шаҳри Душанбе ҳаво камабри бебориш мешавад. Ҳаво шабона 15+17 ва рӯзона 36+38 дараҷа гарм мешавад.

Дар ҳамин ҳол, дар шаҳру ноҳияҳои тобеи марказ ҳаво камабр шуда, эҳтимоли бориши нисбатан сусти марҳилавӣ дар назар аст.  Ҳаво  дар водиҳо шабона 15+20 ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 12+17 ва рӯзона 27+32 дараҷа  гарм мешавад.

Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст. Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 14+19 дараҷа гарм мешавад.

Ҳаво дар вилояти Суғд камабр шуда, дар баъзе ноҳияҳо эҳтимолияти боришоти нисбатан сусти марҳилавӣ дар назар аст. Ҳаво  дар водиҳо шабона 19+24 ва рӯзона 34+39  дараҷа гарм  мешавад. Дар ноҳияҳои кӯҳӣ ҳаво шабона 8+13  ва рӯзона 22+27 дараҷа гарм мешавад.

Дар вилояти Хатлон ҳаво камабри бебориш мешавад. Ҳаво дар водиҳо шабона 19+24 ва рӯзона 37+42 дараҷа гарм мешавад. Дар доманакӯҳҳо ҳаво шабона 15+20 ва рӯзона 29+34 дараҷа гарм мешавад.

0
Барчаспҳо:
гармӣ, бебориш, камабр, обу ҳаво, Тоҷикистон
Арест, архивное фото

Боздошти силоҳфурӯш ҳангоми амалиёти корд дар Душанбе

90
Вазорати умури дохилаи Тоҷикистон аз боздошти ҷавони 25-сола, ки ба фурӯши силоҳи сард дар Душанбе машғул будааст, хабар дод

ДУШАНБЕ, 6 июл — Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсияи шаҳри Душанбе зимни баргузории амалиёти шартии “Корд” сокини  кӯчаи Наврӯзи пойтахт Слезен Дидор Сорбоновичи 25-соларо, ки  ба хотири ба даст овардани маблағ ба фурӯши силоҳи сард, аз ҷумла корд машғул будааст, дастгир карданд. 

Тибқи иттилои манбаъ, дастгиршуда паҳнкунандаи ашёҳои ба сифати силоҳи сард истифодашаванда муайян шуда, онҳоро аз вилояти Суғд ба шаҳри Душанбе ворид намуда, ба фурӯш мегузоштааст. 

Гуфта шудааст, ки ҳангоми як амалиёт аз ин ҷавони 25 сола миқдори зиёди силоҳи сард истифдашванда, аз ҷумла, 2 адад дастчӯби оҳанин (дубинка), 2 адад электрошокер ва 23 адад кордҳои махсус (финка) дарёфту мусодира карда шуданд.

ВУД Тоҷикистон қайд намудааст, ки мувофиқи моддаи 9-и Қонуни Тоҷикистон “Дар бораи силоҳ”  дар қаламрави Тоҷикистон фурӯши силоҳи сард манъ мебошад.

Бо дарназардошти ҳалатҳои мазкур нисбат ба  шаҳрванд Слезан Дидор  протоколи ҳуқуқвайронкунии маъмурӣ тартиб дода шуда,  бо қарори  Суд ба номбурда ҷазо дар намуди ҳабси маъмурӣ ба муҳлати 5 шабонарӯз татбиқ карда шуд.

90
Барчаспҳо:
корд, амалиёт, Душанбе, силоҳ, боздошт, Тоҷикистон