Рустами Эмомалӣ, раиси Маҷлиси миллии Тоҷикистон

Вазир дастовардҳои Рустамро номбар кард ва гуфт, чаро ӯ сазовори мақоми баланд аст

1910
(Таҷдидшуда 15:35 22.04.2020)
Вазири рушди иқтисод ва савдои Тоҷикистон эълон кардааст, ки дар се соли роҳбарии Рустам Эмомалӣ, шаҳри Душанбе ободу зебо гардида, дар самти беҳтар шудани нишондиҳандаҳои иҷтимоию иқтисодӣ, шаҳр ба як зумра дастовардҳои назаррас ноил гардид

ДУШАНБЕ, 22 апр — Sputnik. Завқӣ Завқизода, вазири рушди иқтисод ва савдои Тоҷикистон дар суҳбат бо АМИТ “Ховар” таъкид доштаст, ки  шаҳри Душанбе дар замони роҳбарии Рустам Эмомалӣ ба дастовардҳои назаррас ноил гардидааст.

Вай афзуд, дар ин давра ҳаҷми истеҳсоли маҳсулоти саноатӣ 1,9 маротиба зиёд гардида, ҳаҷми он дар соли 2019 ба 2711,3 млн. сомонӣ баробар шуд.

"Воқеан ба болоравии ҳаҷми истеҳсоли маҳсулоти саноатӣ ба фаъолият даровардани корхонаҳои нави саноатӣ, ки бевосита бо иштироки Президенти кишвар Эмомалӣ Раҳмон ва Раиси шаҳри Душанбе Рустами Эмомалӣ мавриди истифода қарор дода шуданд, мусоидат намуд. Аз ҷумла, корхонаҳои истеҳсоли обҳои ташнагишикани "Сиёма", коркарди сангҳои ватанӣ аз ҷониби "Зиркон", истеҳсоли мебел аз ҷониби "Бисот", истеҳсоли маҳсулоти нассоҷӣ аз ҷониби корхонаи "Ваҳдат", истеҳсоли маҳсулоти заргарӣ аз ҷониби корхонаи “Равшан” ва истеҳсоли асфалту бетон аз ҷониби корхонаи Заводи асфалту бетон", - таъкид доштааст вазир

Вай афзуд, ҳоло барои бунёди 10 корхонаи саноатӣ дар самти истеҳсоли семент, қолинҳо, таҷҳизоти барқӣ, қубурҳои шишапластикӣ ва орд санги асос гузошта шудааст.

Завқизода қайд кардааст, ки давоми се соли охир 112 корхонаи саноатӣ таъсис дода шудааст.

Ҳамчунин, дастоварди дигари шаҳр, дар фасли зимистон таъмини биною иншоотҳои шари Душанбе бо гармӣ будааст.

“Давоми се соли охир 2310 бинову иншоот бо гармӣ таъмин карда шуда, дар натиҷа истифодаи неруи барқ дар фасли зимистон кам гардид ва сокинони пойтахт, ташкилоту муассисаҳо маблағҳои худро сарфа намуданд”, - гуфт вазири иқтисод.

Ҳамзамон вай афзуд, ки дар замони роҳбарии Рустам Эмомалӣ, сохтмон ва сармоягузорӣ низ дар пойтахти кишвар ба таври назаррас афзоиш ёфтаааст.

Вай гуфт, се соли охир зиёда аз 752 иншоот ба маблағи 6,8 млрд. сомонӣ сохта шуд.

Дар ин давра 18 муассисаи таълимӣ барои 14 614 хонанда дар як баст ба истифода дода шуда, корҳои сохтмонӣ дар 11 муассиса барои 11904 хонанда дар як баст ва корҳои лоиҳакашӣ дар 6 муассисаи дигар барои 3232 хонанда идома доранд.

Завқӣ Завқизода зикр кардааст, ки дар шаҳри Душанбе барои таҷдиду навсозии роҳҳо корҳои назаррас анҷом дода шудааст.

Вай гуфт, дар ин давра 118,3 км роҳҳо навсозӣ ва таъмир гардида, сохтмони ду эстакада идома дорад.

Вазир аз беҳтар гардидани сатҳу сифати хизматрасонии нақлиётӣ низ ишора кард.

Вай афзуд, ки низоми нави автоматикунонии “Шаҳри бохирад” ба роҳ монда шуда, 100 адад автобуси тамғаи “AKIA” аз ширкати муштараки “Акиа Авесто Автоматив Индастри”-и Тоҷикистон харид карда шуд ва дар 30 хатсайр пардохти роҳкиро пурра тариқи низоми электронӣ роҳандозӣ гардид.

Инчунин вазир аз сохтмони дар ҳар як маҳаллаю ҷойҳои аҳолинишини пойтахт 231 майдончаи варзишӣ, боғу гулгаштҳо аз ҷумла бунёди боғҳои “Восеъ”, “Алишери Навоӣ”, Аҳмади Дониш, “Ҷавонон” ва “Куруши Кабир”, ва навсозии боғҳои Айнӣ, “Кӯли Ҷавонон”, Абулқосими Фирдавсӣ, “Хайём”, “Кӯдакон” ва “Мироненко” ёдрас шуд.

Завқӣ Завқизода, ҳамчунин афзудааст, ки дар солҳои 2017-2019 дар шаҳри Душанбе дар маҷмӯъ 3 лоиҳаи давлатии сармоягузорӣ дар соҳаи обтаъминкунӣ ба маблағи умумии 86,8 млн. доллар ва 2 лоиҳаи давлатии сармоягузорӣ дар соҳаи роҳсозӣ ба маблағи 85,9 млн. доллар татбиқ гардида истодааст.

“Дар ин давра обрӯю эътибори шаҳр дар арсаи байналмилалӣ бамаротиб боло рафта, расму ойин ва фарҳангу маданияти ҳазорсолаи гузаштагонамон ба ҷаҳониён ба таври густурда муаррифӣ карда шуд. Тибқи баҳогузории нашрияи бритониёии “The Independent” шаҳри Душанбе ба ҳайси даҳгонаи мавзеъҳои бехатар аз рӯи таъмини амнияти шабона эътироф шуда, Душанбе аз ҷониби Агентии таҳлилии “ТурСтат” ба феҳрасти даҳгонаи ҷолибтарин шаҳрҳои сайёҳии кишварҳои аъзои ИДМ ворид гардид”, - таъкид доштааст вазир.

Вай афзудааст, ки дастовардҳои намоён дар ҳаёти иҷтимоию иқтисодии пойтахт, ба Рустами Эмомалӣ, имкон дод ҳамчун шахси кордону ботаҷриба, худогоҳу сиёсатмадор ва шаҳрдори комёб санаи 17 апрели соли 2020 ба мақоми Раиси Маҷлиси миллии Маҷлиси Олӣ интихоб шавад.

"Фаъолияту кордонии Рустами Эмомалӣ беҳтарин намунаи ибрат барои ҳар як ҷавон аст", — гуфт Вазири рушди иқтисод ва савдои Тоҷикистон.

 

1910
Барчаспҳо:
нишондиҳанда, дастовард, Душанбе, шаҳр, Рустам Эмомалӣ, Тоҷикистон
Самолет на закате, архивное фото

Расман: парвозҳо байни Тоҷикистону Русия баъди муътадил шудани вазъ барқарор мешаванд

533
(Таҷдидшуда 20:13 05.06.2020)
Оҷонси ҳавонавардии шаҳрвандии Тоҷикистон расман ба иттилои сокинони кишвар расонидааст, ки ба овозаҳои гӯё барқарор шудани парвозҳо миёни Тоҷикистону Русия бовар накунанд. Оҷонс гуфтааст, аз оғози парвозҳо расман хабар хоҳад дод

ДУШАНБЕ, 5 июн – Sputnik. Агентии авиатсияи граждании назди Ҳукумати Ҷумҳурии Тоҷикистон аз шаҳрвандони кишвар хоҳиш менамояд, ба ҳар гуна хабару овозаҳое, ки асоси воқеӣ надоранд, дода нашуда, аз харидории чиптаи ҳавопаймоӣ то нашр гардидани изҳороти расмӣ вобаста ба барқарорсозии хатсайрҳои мунтазам худдорӣ намоянд.

Зеро айни замон, парвозҳои мунтазам байни Ҷумҳурии Тоҷикистон ва Русия барқарор нагардидаанд, гузориш додааст агентӣ ба АМИТ "Ховар". 

Оҷонс таъкид кардааст, ки парвозҳо на танҳо байни Тоҷикистон, балки қариб дар сар то сари кишварҳои ҷаҳон бино бар пандемияи коронавирус қатъ шудаанд.

"Дар Тоҷикистон низ, бо мақсади пешгирии паҳншавии вируси сироятии CОVID-19 ва таъмини амнияти саломатии шаҳрвандони кишвар парвозҳои байналмилалӣ аз 20 март байни Тоҷикистон ва Русия  то беҳ гардидани вазъият муваққатан қатъ карда шудааст", — афзудааст манбаъ.

Агентӣ овозаҳои гӯё аз сар гирифтани парвозҳоро миёни ин ду кишвар қатъиян такзиб кардааст.

"Ин хабарҳо асоси воқеъӣ надошта, амалишавии парвозҳои мунтазами байналмилалӣ байни ду кишвари болозикр танҳо пас аз муътадил шудани вазъият оид ба вируси сироятии CОVID-19 ва эълони расмии ҷониби мақомотҳои ваколатдори давлатӣ амалӣ карда мешавад", - таъкид мекунад ниҳод.

Дар робита ба ин, Агентии авиатсияи граждании назди Ҳукумати Ҷумҳурии Тоҷикистон аз шаҳрвандони кишвар хоҳиш менамояд, ки ба ҳар гуна хабару овозаҳое, ки асоси воқеӣ надоранд, дода нашуда, аз харидории чиптаи ҳавопаймоӣ то нашр гардидани изҳороти расмӣ вобаста ба барқарорсозии хатсайрҳои мунтазам худдорӣ намоянд.

533
Картофель

Картошка арзон мешавад? дар Суғд ба ҷамъоварии ҳосили нав сар карданд

131
Ду ҳафта боз ҷамъоварии ҳосили картошкаи барвақтӣ дар хоҷагиҳои шаҳру ноҳияҳои Б.Ғафуров, Конибодом, Ҷ.Расулов, Зафаробод оғоз гардида, то 5 июн зиёда аз 80 тонна маҳсулот ҷамъоварӣ гардидааст

ДУШАНБЕ, 5 июн – Sputnik. Давоми ду ҳафта аст, ки дар хоҷагиҳои кишоварзии ноҳияҳои вилояти Суғд ҷамъоварии ҳосили картошкаи барвақтӣ оғоз гардид, хабар медиҳад дафтари матбуоти раиси вилояти Суғд.

Тибқи иттилоъи манбаъ, кишоварзон баҳри саҳм гузоштан  дар фаровонии бозори дохилӣ ва арзон гаштани нархи аслии маҳсулот дар моҳҳои январ ва феврал дар 1300 га замини хоҷагиҳои кишоварзии шаҳру ноҳияҳои иқлимашон нисбатан мусоиди вилоят, чун Конибодом, Б.Ғафуров, Ҷ.Расулов, Спитамен, Зафаробод, Мастчоҳ, Исфара ва Ашт картошкаи барвақтӣ кишт намуданд.

Ду ҳафта боз ҷамъоварии ҳосили картошкаи барвақтӣ дар хоҷагиҳои шаҳру ноҳияҳои Б.Ғафуров, Конибодом, Ҷ.Расулов, Зафаробод оғоз гардида, то 5 июн зиёда аз 80 тонна маҳсулот  ҷамъоварӣ гардидааст.

Дар маҷмӯъ, дар чаҳордаҳ шаҳру ноҳияҳои вилояти Суғд картошка парвариш карда шуда, майдони бештари кишт дар ноҳияҳои Деваштич, Панҷакент, Истаравшан, Кӯҳистони Мастчоҳ ва Шаҳристон ҷойгир мебошад.

Илченко: Истеҳсоли картошка барои кишвар вазифаи стратегӣ аст

Соли равон масоҳати кишти картошка дар вилоят ду маротиба афзун гардида, он дар ҳамаи шаклҳои хоҷагидорӣ 3 ҳазору 462 гектарро ташкил медиҳад.

 

 

 

131
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0