Самолет компании Сомон Эйр, архивное фото

Оғози кумак ба Итолиё: ҳавопаймои “Сомон эйр” бо парвози махсус ниқобҳои тиббӣ бурд

2670
(Таҷдидшуда 17:19 22.04.2020)
Тариқи ҳавопаймои “Сомон эйр” аз Хуҷанд 792 ҳазор дона ниқобҳои тиббӣ ба шаҳри Веронаи Италия равон карда шуд

ДУШАНБЕ, 22 апр — Sputnik. Имрӯз, аз Фурудгоҳи байнулмилалии Хуҷанд ҳавопоймои ширкати “Сомон эйр” ба самти Италия парвоз кард, иттилоъ дод ба Sputnik Тоҷикистон дафтари матбуоти ширкати ҳавоӣ.

“Субҳи имрӯз ҳавопаймои ширкати “Сомон Эйр” бо хатсайри махсус парвоз кард, то ки 792 ҳазор дона ниқобҳои тиббиро ба шаҳри Веронаи Италия расонад. Қаблан корхонаи “Ҷавонӣ” дар вилояти Суғд ва ҶДММ “САТМ” дар бораи истеҳсол ва таҳвили 11 миллион дона ниқобҳои тиббӣ бо Италия созиш ҳосил кардаанд. Дар ҳоли ҳозир, ниқобҳои тиббӣ қисман ба Италия бурда шуд”, - гуфт манбаъ.

Вай афзуд, ҳавопаймоии “Сомон Эйр” мустақиман ба Итолиё парвоз мекунанд ва дар ҳеҷ фурудгое фуруд намеояд.

“Ҳавопаймо мустақиман ба Итолиё парвоз мекунад. Инчунин ҳавопаймои ин ширкат дар роҳи бозгашт низ дар ҳеҷ куҷое фуруд намеояд””, - хабар дод маркази матбуоти ин ширкат.

Ёдрас мешавем, ки тибқи шартномаи ба имзорасида ширкати "Ҷавонӣ-и шаҳри Хуҷанд дар иртибот ба хуруҷи COVID- 19  дар Италия ба ин давлати аврупоӣ 11 миллион дона ниқобҳои тиббӣ содирот  хоҳад кард.

Сардори шуъбаи  саноати сабуки Вазорати саноат ва технологияҳои нави ҷумҳурӣ Абдурауф Пулодов гуфтааст, ки ҳоло корхонаи саноатии  "Ҷавонӣ"  аз матои пахтагини ватанӣ дар як рӯз 20 -25 ҳазор дона ниқоби тиббӣ истеҳсол менамояд.

Корхонаи саноатии "Ҷавонӣ" аз соли 1994 фаъолият дошта, дар он усули пурраи коркарди пахта ба роҳ монда шудааст. Ширкати "Ҷавонӣ"  маҳсулотро дар асоси фармоиши бренди "Карьера"-и Италия  истеҳсол намуда, 95 фоизи  маҳсулоти тавлидотии корхона, аз қабили шим, нимшим ва ғайра,  ки  аз матои ҷинс дӯхта мешаванд, қаблан ба Италия содирот мегардид.

2670
Барчаспҳо:
ҳавопаймо, парвоз, Итолиё, тиббӣ, ниқоби сиёҳ, Сомон Эйр, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (487)
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

57
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

57
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

158
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

158
Барчаспҳо:
решакан шудани дарахтон, ронанда, Тоҷикистон
Протесты в США

Эътирозҳои густурда дар Амрико: пулис 4400 нафарро боздошт кард

0
Амрико пас аз фавти марди сиёҳпӯсти амрикоӣ аз дасти кормандони пулис ба майдони шадиди тазоҳурот мубаддал гашт

ДУШАНБЕ, 4 июн — Sputnik. Садҳо ҳазор сокинони Амрико пас аз қатли Флоид марди сиёпӯсти амрикоӣ ба кӯчаву хиёбонҳо рехтанд.

Ба гузориши "Форс", эътирозот аз шаҳри Миннеполис ва Миннесота оғоз шуд ва дар даҳҳо шаҳри дигари саросари Амрико густариш ёфт.

"Пас аз марги фаҷеи марди сиёҳпӯсти амрикоӣ бар асари хушунати афсари сафедпӯст, шаҳрҳои мухталифи Амрико ба саҳнаи эътирозоти саросарӣ ба ин рафтори полиси Амрико алайҳи ақаллияти рангинпӯсти ин кишвар табдил шудааст ва ҳамчунон идома дорад", - таъкид мешавад дар хабар.

Тибқи ин гузориш, садҳо нафар дар авоили ҳафтаи ҷорӣ дар Миннасето ва дигар шаҳрҳои Амрико боздошт шуданд ва полис дар шаҳрҳои Вашингтон, Ню-Йорк ва дигар шаҳрҳои муҳими Амрико алайҳи эътирозгарон аз хушунат истифода кард.

Дар ҳамин ҳол, Доналд Трамп раисҷумҳури Амрико ҳамчунон сиёсати истифода аз зӯр ва саркӯби муътаризонро дар рӯзҳои ахир дар пеш гирифтааст ва бо нодида гирифтани хушунат ва рафторҳои табъизомези полиси Амрико, эътирозотро террористӣ хондааст.

Оташ мезананду ғорат мекунанд: мавҷи эътирозҳо дар Амрико - видео

Раисҷумҳури Амрико гуфт, ки аз нерӯҳои горди миллӣ хостаам то ба теъдоди кофӣ дар иёлатҳои мухталиф мустақар шаванд.  Трамп гуфт, ки нахустин вазифааш ҳимоят ва дифоъ аз мардум ва кишвар буда ва хушунатҳои ахир иқдомоти террористӣ будааст.

0
Барчаспҳо:
боздошт, эътироз, Амрико