Продажа картофеля на рынке

“Нони дуюм” арзон шуд: танҳо се чор килоӣ ба ҳар харидор

1507
(Таҷдидшуда 17:47 22.04.2020)
Дар бозори “Панҷшанбе” и Хуҷанд ду се нуқтаи фурӯши картошка ё “нони дуюм” фаъол карда шудааст, ки ин навъи маводи ғизоиро бо нархи то 6 сомонӣ арзонтар пешкаши хариддорон мекунанд

ДУШАНБЕ, 22 апр – Sputnik. Ҳоло дар дигар бозорҳои манотиқи Тоҷикистон арзиши картошка 8 - 10 сомонӣ гуфта мешавад, вале дар нуқтаҳое, ки дар бозори “Панҷшанбе” ташкил шудааст, 5 – 6 сомонӣ ба фурӯш гузошта мешавад.

Маъмури Юсуфзод, сардори маркази матбуоти ҳукумати Хуҷанд, дар шарҳи ташкили нуқтаҳои фурӯши “нони дуюм” дар суҳбат бо мо гуфт, ин тасмим бо дастури шаҳрдории Хуҷанд ва ҳукумати вилояти Суғд аз ҷониби худи фурӯшандагони саховатманди бозори “Панҷшанбе”, ки умдатан картошкапарварони ноҳияи Деваштич гуфта мешаванд, роҳандозӣ шудааст.

Бино ба таъкиди ӯ, ин иқдом дар арафаи моҳи Шарифи Рамазон роҳандозӣ гардида, минбаъд ҳамарӯза дар ин се нуқта ба ҳисоби то 2 тоннаӣ картошка ба фурӯш гузошта мешавад.

Сардори маркази матбуоти ҳукумати Хуҷанд зимни суҳбат ба Sputnik Тоҷикистон афзуд, ҳеҷ имкон надорад, ки бори ин нуқтаҳои савдо мавҷудбуда аз ҷониби гурӯҳҳои манфиятхоҳ яклухт хариддорӣ ва дар дигар бозорҳо бо нархи баланд ба фурӯш гузошта шавад.

"Ин хел нест, ки касе ояду барои бардоштани нафъи иқтисодӣ 6 тон борро якбора хариддорӣ карда, бо арзиши баландтар аз 6 сомон ба фурӯш гузорад. Барои ҳар як хариддор то 3 – 4 кило картошка фурхта мешавад",- иброз намуд, Юсуфзод.

Мушоҳидаҳо ҳокӣ аз онанд, ки чанд рӯзи охир ба дунболи баланд шудани арзиши орд, қиммати картошка ҳам то бозорҳо то ба 10 сомонӣ гарон шуд. Масъулини бозорҳо дар манотиқи Тоҷикистон мегуянд, болоравии нархи “нони дуюм” сунъи набуда, балки ҷанбаи таббиӣ дорад.

"Ҳоло мавсими нави кишти картошка оғоз шудааст ва захираи маҳсулоте, ки то ин дам деҳқонон дар ноҳияиҳо Деваштич ва Кӯҳистони Мастчоҳ доштанд, ба охир расидаанд. Чизе, ки ба он талабот бештар аст, арзиши он меафзояд. Ба хусус дар замони тамомшавии ҳосили картошка",- гуфт як фурӯшандаи бозори "Фаровон" дар ноҳияи ба номи Бобоҷон Ғафуров.

 Баъзе аз деҳқонҳои картошкапар дар Суғд мегуянд, ба дунболи баста шудани гузаргоҳҳои сарҳадӣ, дар пайи паҳни бемории вируси корона ҳоло қиммати 50 кило нуриҳои минералӣ, то ба 230 сомонӣ гарон шудааст.

Нуриҳои минералӣ аз ҷуъзи муҳим барои кишти зироати картошка ба ҳисоб меравад ва гароншавии он, ҳоло деҳқонони картошкапарварро ниграрон кардааст.

Деҳқонон мегуянд, боло рафтани нархи картошка дар бозорҳо ҳамон масалаи маъруфи математикии "ду понздаҳу як сӣ" - ро мемонад, яъне ҳоло картошкаро бо арзиши баландтар фурӯхта, аз ин ҳисоб пору ва нуриҳои минералиро бо нархи гаронтар аз соли гузашта хариддорӣ мекунанд.

1507
Барчаспҳо:
арзон, сомонӣ, маводи ғизоӣ, фурӯш, Хуҷанд, Тоҷикистон
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

77
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

77
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

139
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

139