Школьники Душанбе в медицинских масках

Вазорати меҳнат: дар Тоҷикистон коронавирус нест, аммо риояи қоидаҳои беҳдоштӣ ҳатмист

860
(Таҷдидшуда 13:33 24.04.2020)
Масъулини Вазорати меҳнат, муҳоҷират ва шуғли аҳолии Тоҷикистон бо сокинони Конибодом дар як ҳамоиши хос масоили баланд бардоштани савияи дониш ва таълиму тарбияи фарзандон, инчунин баррасии масъулияти волидайнро баррасӣ карданд

ДУШАНБЕ, 24 апр – Sputnik. Дар ин ҳамоиш масоили рафтору кирдори хонандагон, хониши онҳо, иштироки онҳо дар дарс, худдорӣ аз оворагардӣ, тарзи муошират, истифодаи телефонҳои мобилӣ, даст назадан ба ҷинояткорӣ, аз ҷониби падару модарон зери назорати доимӣ  қарор гирифтани фарзандон ва рафтори онҳо, ки қонунгузории Тоҷикистон ба дӯши волидайн вогузор намудааст баррасӣ шудааст, иттилоъ додааст дафтари матбуоти Вазорати меҳнат, муҳоҷират ва шуғли аҳолии Тоҷикистон.

Тибқи иттилои манбаъ, ин ҳамоиш дар Муассисаи давлатии таълимии “Литсейи касбии саноати дӯзандагӣ”- и шаҳри Конибодом бо иштироки намояндагони мақомоти ҳифзи ҳуқуқ, соҳаи тиб, кормандони муассиса ва падару модарони таълимгирандагон мулоқот баргузор гардид.

Манбаъ мегӯяд, ҳадаф аз баргузории ҳамоиш ин баланд бардоштани савияи дониш ва таълиму тарбияи фарзандон, инчунин баррасии масъулияти волидайн дар ин самт арзёбӣ гардид.

“Падару модарон вазифадоранд ба рафтори фарзандонашон диққати ҷиддӣ диҳанд, зеро тарбия аз оила оғоз мешавад ва рафтору гуфтори волидайн барои фарзанд бояд намунаи ибрат бошад”, - таъкид доштааст вазорати меҳнат.

Ҳамзамони дар рафти мулоқот намояндаи Маркази ташаккули тарзи ҳаёти солим оид ба навъи нави коронавируси COVID-19 ва пешгирӣ аз ин намуди беморӣ маълумоти мушаххас дода, зикр намуд, ки хушбахтона дар Тоҷикистон ин намуди беморӣ ба қайд гирифта нашудааст.

“Боиси таассуф аст, ки дар дигар давлатҳои ба мо дўсту ҳамсоя бемории коронавирус ба қайд гирифта шуда, вазъият ташвишовар гардидааст. Тамоми олимон, духтурон кўшиш ба харҷ дода истодаанд, ки бар зидди бемории мазкур муборизаи беамон баранд”, – гуфт Ф. Садриддинова

Масъулин дар ин ҷаласа зикр карданд, ки сокинон бояд дар чунин шароит  ба қоидаҳои беҳдоштӣ дар хона, маҳалли зист, ҷойи кор ва ҷойҳои ҷамъиятӣ бештар диққат дода, барои ҳифзи саломатии худ, аъзои хонавода ва аҳли ҷомеа талош намоянд.

“Бинобар ин ҳамаи моро зарур аст, ки баҳри солимии ҷомеа қоидаҳои ҳатмии беҳдоштиро ҳангоми сулфаю атса задан, пеш аз омода намудани хӯрок, истеъмоли ғизо ва корҳои ҷисмонӣ риоя намоем”, - таъкид кардааст Ф. Садриддинова.

860
Барчаспҳо:
вирус, падару модар, масъулият, ҳамоиш, Конибодом, Вазорати меҳнат, Вазорати меҳнат ва шуғли аҳолии ҶТ, меҳнат, Тоҷикистон
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

20
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буд, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бемуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидори зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

20
Барчаспҳо:
истеҳсол, бозор, нарх, картошка, Тоҷикистон
Партия наркотиков

Интиқоли маводи мухаддир аз Афғонистон ба Тоҷикистон 10% коҳиш ёфтааст

38
(Таҷдидшуда 13:01 27.09.2020)
Қисми зиёди маводи мухаддире, ки мехоҳанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ бо Афғонистон мусодира карда мешаванд, қайд кард Агентии назорати маводи мухаддир.

ДУШАНБЕ, 27 сен — Sputnik. Дар ду соли охир ҳаҷми интиқоли маводи мухаддир аз Афғонистон ба Тоҷикистон дар масири шимол коҳиш ёфт, хабар медиҳад Агентии назорати маводи мухаддири ҷумҳурӣ.

Тибқи маълумоти расмӣ, аз соли 2017 то 2019 ҳаҷми интиқол аз 15 то 10% коҳиш ёфтааст.

"Интиқоли маводи мухаддир аз Афғонистон ба Тоҷикистон бо роҳи ба истилоҳ Масири Шимолӣ аз соли 2017 инҷониб аз 15 то 10% коҳиш ёфтааст.  Ин ба шарофати афзоиши назарраси назорат, аз сарҳад ва то ба тамоми минтақаҳои кишвар, имконпазир гардид ", - гуфта мешавад, дар гузориши оҷонсӣ "Дастовардҳои Тоҷикистон дар давраи татбиқи Стратегияи миллии мубориза бо гардиши ғайриқонунии маводи мухаддир дар Тоҷикистон барои солҳои 2013-2020".

Гуфта мешавад, ки аксари маводи мухаддире, ки онҳо мехостанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ мусодира карда мешаванд.

Ҳамин тавр, соли 2019 дар ҷумҳурӣ беш аз 1,6 ҳазор килограмм маводи мухаддир мусодира карда шудааст, ки 48% аз он дар минтақаҳои наздисарҳадӣ мусодира шудааст.

Мақомот дигар мухаддирот намехаранд: Салимзода гуфт, чаро гардиши нашъа 2 тон кам шуд

Ин ниҳод қаблан гуфт, ки мақомоти ҳифзи ҳуқуқи Тоҷикистон давоми солҳои 2017-2020 35 гурӯҳи муташаккили ҷиноии трансмиллиро ошкор ва нест карда, инчунин 84 роҳбар ва аъзои фаъолро боздошт карданд.

38
Барчаспҳо:
Агентии назорати маводи нашъаовар, Афғонистон, Тоҷикистон