Школьники Душанбе в медицинских масках

Суғд: ба хонандагон ройгон ниқоби тиббӣ тақсим мекунанд

138
Дар вилоят ниқобҳоро дар мактабҳо худи толибилмон омода ва ба ҳамсолонашон тақсим мекунанд. Ин иқдом ройгон ба роҳ монда шудааст

ДУШАНБЕ, 24 апр – Sputnik. Дар Суғд ба хонандагони мактабҳо ройгон ниқоби тиббӣ тақсим мекунанд. Дар ин бора дафтари матбуоти ҳукумати вилоят хабар медиҳад.

Бино бар иттилои манбаъ, бо назардошти  зиёд гардидани ҳолати сироятёбии сокинони кишварҳои хориҷи дуру наздик ба коронавируси COVID-19 дар марказҳои таҳсилоти иловагии як қатор шаҳру ноҳияҳо дӯхтани ниқобҳои ҳимоятӣ оғоз гардид.

Тибқи иттилои директори Маркази таҳсилоти иловагии вилояти Суғд Фирдавс Ашӯрматов дар марказ ва ҳам муассисаҳои таҳсилоти иловагии шаҳру ноҳияҳои Исфара, Конибодом, Бобоҷон Ғафуров, Деваштич, Ашт ва Ҷаббор Расулов омодасозии ниқобҳо ба роҳ монда шуда, аъзои маҳфилҳои дӯзандагӣ бо маҳорати баланд ниқобҳоро тайёр карда истодаанд.

Оғози кумак ба Итолиё: ҳавопаймои “Сомон эйр” бо парвози махсус ниқобҳои тиббӣ бурд

Ба иттилои манбаъ дар марказҳои таҳсилоти иловагии шаҳру ноҳияҳо 30 маҳфили дӯзандагӣ фаъол буда, 300 нафар хонандагон тавассути 100 мошинаи дарздӯзӣ ба омодасозии ниқоб машғул хоҳанд шуд.

Давоми ду рӯз хонандагон 5000 ниқоб омода карда, ба аъзои маҳфилҳо ва ҳамсолони худ ройгон дастрас намуданд.

 

138
Ҷаласаи Ҳукумати Тоҷикистон

Тасдиқи иншооти махсусан муҳими нав дар Тоҷикистон: Ҳукумат аз андозу боҷ озод кард

835
(Таҷдидшуда 13:54 21.09.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат ба феҳрасти иншооти махсусан муҳим дар ҷумҳурӣ, ки аз сабукиҳо бархӯрдоранд, як адади дигарро зам намуд

ДУШАНБЕ, 21 сен — Sputnik. Бар асоси қарори Ҳукумат, ба феҳрасти иншооти махсусан муҳими Тоҷикистон, сохтмони "Майдони Истиқлол" шомил шуд.

Феҳрасти молу таҷҳизоте, ки барои сохтмони "Майдони Истиқлол" ба Тоҷикистон ворид карда мешаванд, тасдиқ гардида, аз андоз аз арзиши иловашуда ва пардохтҳои гумрукӣ озод карда шуданд.

Сохтмони "Майдони Истиқлол" тобистони соли равон расман оғоз бахшида шуд. Қаблан дафтари матбуоти раисҷумҳур гузориш дода буд, ки масоҳати умумии "Майдони Истиқлол" 30 гектарро ташкил дода, он дар ҳудуди хиёбони Рӯдакӣ, кӯчаҳои Саид Носир, Ҳабиб Аҳрорӣ ва Ойгули пойтахт воқеъ мебошад.

"Дар ин ҷо майдони баргузории чорабиниҳои сиёсӣ, ки масоҳаташ 2,7 гектарро ташкил медиҳад, бунёд мешавад", - навишт котиботи раисҷумҳур.

Манбаъ тавзеҳ дод, ки иншоот аз минбар, дарвозаи марказӣ ва дарвозаҳои шимолию ҷанубӣ, фаввораҳо, шаршара, деворнигора, айвончаҳо, майдони баргузории роҳпаймоиҳо, гулгашт, ҳавзҳои декоративӣ бо наҳрҳо, таваққуфгоҳҳо ва ғайра иборат мебошад.

Баландии рамзи Истиқлол, ки дар маркази майдон ҷойгир мешавад 121 метр буда, қисми поёнии он 30 метр ва қисми болоиаш 91 метрро ташкил медиҳад, ки он рамзи 30-солагии Истиқлол ва дар соли 1991-уми асри гузашта ба даст овардани Истиқлолро ифода менамояд.

Қаблан хабар дода шуд, ки Майдони Истиқлол бо маҷмааи меъмории рамзи "Истиқлол ва Озодӣ" муҳташамтарин иншооти асосии ҷашнӣ дар мамлакат маҳсуб мешавад, ки бахшида ба 30-солагии Истиқлоли давлатии Ҷумҳурии Тоҷикистон дар шаҳри Душанбе тибқи нақша соли 2021 мавриди истифода қарор дода мешавад.

835
Барчаспҳо:
Ҳукумат, Эмомалӣ Раҳмон, Тоҷикистон
Аптечка на подстанции скорой и неотложной медицинской помощи, архивное фото

Кумаки навбатии Ожонси Оқохон ба Тоҷикистон дар мубориза бо COVID -19 - навор

137
(Таҷдидшуда 12:53 21.09.2020)
Ожонси Оқохон дар Тоҷикистон ба Кумитаи ҳолатҳои фавқулода, кумаки навбатӣ дар мубориза бо маризии сироятии коронавирус таслим намудааст

ДУШАНБЕ, 21 сен — Sputnik. Кумитаи ҳолатҳои фавқулодаи Тоҷикистон аз Ожонси Оқохон оид ба Зистгоҳ доруворӣ ва таҷҳизоти тиббӣ ба хотири мубориза алайҳи маризии коронавирус дастрас намуд.

Бар хабари котиботи кумитаи мазкур, дар ин маросим Рустам Назарзода раиси КҲФ ва сарвари Ожонси Оқохон оид ба Зистгоҳ дар Тоҷикистон ҷаноби Ҳодӣ Ҳусайнӣ ширкат карданд. 

Кумаки ироакардаи Ожонси Оқохон аз доруворӣ, корҷомаҳои махсуси бисёркарата, мӯзаҳои резинӣ, айнакҳои ҳифозатӣ, ниқобҳо, сӯзандоруҳо, дастпӯшҳо, дастгоҳҳои набзсанҷӣ, ҳароратсанҷҳои электронии фосилавӣ, антисептикҳо, воситаҳои уфунатзудоӣ, ки барои мубориза бо КОВИД-19 самароварданд, ирорат мебошад.

Коршиноси рус гуфт, ки оё ба Тоҷикистон мавҷи дувуми коронавирус таҳдид мекунад

Таъкид гардид, ки кумаки мазкур барои табобати ҳайати шахсии КҲФ дар сурати мубтало шудани онҳо ба маризии коронавирус равона гардидаст.

Гузашта аз ин, Ожонси Оқохон оид ба Зистгоҳ  як мошини тамғаи "Ниссан" - ро, ки мутааллиқ ба КҲФ буд, пурра таъмир карда, дар ихтиёри кумитаи мазкур гузошт.

137
Барчаспҳо:
Тоҷикистон, кумак, Бунёди Оқохон

Дар кӯдакон зукомро аз коронавирус чӣ гуна фарқ кард? шарҳи пизишки бритонӣ

0
Эпидемиологи бритонӣ мегӯяд, дар сурати пайдо шудани нишонаҳои зуком дар кӯдакон, волидон набояд ҳаросанд. Зеро зуком ин маризии коронавирус нест

ДУШАНБЕ, 21 сен — Sputnik. Профессори Коллеҷи Шоҳигарии Лондон Тим Спектор изҳор доштааст, ки бемуболиға нишонаҳои шамолхӯрии оддӣ ва маризии коронавирус ҳамшабеҳ ҳастанд, вале ҳамоно хусусиятҳои фарқкунанда низ доранд.

Макони озод аз вируси корона: деҳаи Шинг – як марзи мустаҳкам аз COVID-19 дар Тоҷикистон

Эпидемиологи бритонӣ ба волидоне, ки фарзандонашон андаке шамол хӯрда, нишонаҳои зуком дар онҳо пайдо мешавад, муроҷиат намуда мегӯяд, ки ба ҳеҷ ваҷҳ наҳаросанд.

"Зеро маъмултарин нишонаҳои маризии коронавирус миёни кӯдакон ин тасфи баланд, сардардӣ ва бемадорӣ мебошад", - афзудааст мутахассиси бритонӣ.

Ба гуфтаи Спектор, дар одамони калонсол ин маризӣ бо нишонаҳои табларза, аз ҳад зиёд бемадорӣ ва гум кардани қувваи шомма зуҳур мекунад.

Эпидемиолог ҳамчунин таъкид намуд, ки дар бадани кӯдакони гирифтори маризии коронавирус, доначаҳо пайдо мешаванд.

Тим Спектор мегӯяд, волидон дар ҳар сурат набояд ба воҳима дода шаванд, вале аз эҳтиёт ҳам бояд кор бигиранд.

Бар тибқи маслиҳати ӯ, дар сурати пайдо шудани яке аз нишонаҳои зикршуда дар кӯдакон, онҳоро фавран бояд аз дигарон ҷудо кард ва зуд ба кумаки табибон шитофт.

 

Эпидемиолог таъкид мекунад, ки "ба ҳеҷ ваҷҳ ба худдавоӣ машғул нашавед, зеро оқибати нохуб метавонад ба бор орад".

0
Барчаспҳо:
Британия, пизишк, маризӣ, кӯдак
Мавзуҳо:
Пайомадҳои COVID-19 дар Тоҷикистон ва ҷаҳон