Абдуали Тоиров

Марги Абдуалӣ Тоиров: пирӣ, пневмония ё “вируси корона”?

4492
(Таҷдидшуда 16:14 24.04.2020)
Абдуалӣ Тоиров, олими тоҷик, яке аз чаҳор нафарест, ки бегоҳи 22 апрел бар асари бемории илтиҳоби шуш дар Маркази тиббии ба номи Карим Аҳмадов, маъруф ба шифохонаи “Якум Советски” дар Душанбе даргузашт

ДУШАНБЕ, 24 апрел – Sputnik. Аслиддин Назиров, яке аз ҳамедеҳагони Абдуалӣ Тоиров ба Sputnik Тоҷикистон гуфт, ҷасади марҳум дар деҳаи Фриштии шаҳри Ваҳдат ба хок супурда шуд.

“Тақрибан 5 нафар, намедонам пизишк буданд ё аз ягон мақомоти дигар, бо либоси хос ӯро бо мошини “ёрии таъҷилӣ” оварданд. Умуман, тобутро боз накарданд. Пешакӣ ба раиси маҳалла гуфта буданд, ки одами зиёдро хабар накунад. Фақат хешу табор ҷамъ шуда, ҷанозаро хонданд ва ҷасадро худи афроди бо либоси хос омада, қабр карданд”, - гуфт Аслиддин Назиров.

Вазорати тандурустӣ ва ҳифзи иҷтимоии Тоҷикистон расман ба Sputnik Тоҷикистон иттилоъ дод, ки Абдуалӣ Тоирови 73 – сола аз “илтиҳоби дутарафаи шушҳо, норасоии шадиди нафас дараҷаи 2, диабети қанди дараҷаи 2” бо ҳолати вазнин ворид шуда, то фавт марҳалаи декампенсатсия, ангулятся ва нефропатияро гузаштааст.

Вазорат марги 3 нафар дар "1-ум Советский"-ро рад кард: ҳушдор ба дурӯғпароканҳо

Ба қавли яке аз ҳамедеҳагони Абдуалӣ Тоиров, марҳум пас аз дидори наберааш, ки гӯё аз Олмон баргашта будааст, ба ин маризӣ печида, дар шифохона бистарӣ мешавад.

“Он чӣ ман шунидам, ин аст, ки наберааш вақте аз Олмон бармегардад, марҳалаи карантинро намегузарад. Гӯё аз чӣ роҳе фирор мекунад. Ҳоло ҳамон наберааш ҳам дар “Якум Советски” хоб аст”, - гуфт ҳамсӯҳбати мо.

Ҳамсӯҳбати Sputnik Тоҷикистон аз вазорати тандурустӣ ва ҳифзи иҷтимоӣ таъйид кард, ки дар ҳоли ҳозир се набераи Абдуалӣ Тоиров дар Маркази тиббии ба номи Карим Аҳмадов бистарӣ ҳастанд, аммо ин манбаъ дар бораи дар хориҷа будан ё набудани яке аз онҳо ва ибтилояш ба “вируси корона” изҳори бехабарӣ кард.

Абдуалӣ Тоиров 26 феврали соли 1947 дар деҳаи Панҷикони ҷамоати деҳоти Симиганҷи шаҳри Ваҳдат зода шуда, фориғуттаҳсили факултаи физикаи Донишгоҳи давлатии Тоҷикистон (ҳоло – ДМТ) аст. Фаъолияти худро соли 1969 ба ҳайси лаборанти калони сектори физикаи назариявӣ дар Институти физикаю техникаи ба номи Султон Умарови Академияи улуми Тоҷикистон оғоз намуд.

Пас аз анҷоми хизмати ҳарбӣ (1970-1972) боз ҳамин пажӯҳишгоҳ баргашта, солҳои 1974 – 1977 дар мавзӯи “Таъсири нурҳои ултрабунафш дар мавриди коркарди полимерҳои ба ҳароратҳои баланд тобовар” дар шаҳри Ленинград (ҳоло Санкт-Петербург) рисолаи номзадӣ дифоъ мекунад ва то охири умр шурӯъ аз ходими илмии шуъбаи физикаи полимерҳо то мудири лабораторияи электроникаи квантӣ будааст.

Вазорати тандурустӣ аз аҳамияти иммунизатсия дар пасманзари COVID-19 гуфт

Муаллифи зиёда аз 100 асари илмӣ, ҳаммуаллифи китобҳои дарсии соҳаи физика ва дастурҳои таълимӣ мебошад. Фарҳод Шокир, мудири Институти физикаву математикаи ба номи Султон Умаров, ба Sputnik Тоҷикистон гуфт, Абдуалӣ Тоиров олими шинохта дар соҳаи электроникаи нимноқилӣ ва технологияҳои муосири квантӣ буд.

“Тадқиқот, кашфиёт ва коркардҳои илмиаш махсусан дар коркарди нанотехнологияи ҳосил кардани сохторҳои ҷавфӣ дар асоси нимноқилҳои пайвастагиҳои наву инноватсионӣ ва тадқиқи сатҳи нурафканишоти онҳо илми ватаниро ба таври назррас ғанӣ гардонида, ба он саҳифаҳои навро ворид намуданд”, - гуфт Фарҳод Шокир.

Абдуалӣ Тоиров дар Институти физика, Донишгоҳи Аграрӣ ва Донишгоҳи славянии Русияву Тоҷикистон низ, аз ҷумла бо забони инглисӣ дарс мегуфт. Раиси Иттифоқи касабаи Институти физика ва ноиби раиси Иттифоқи касабаи Академияи илмҳо (1980 - 1990), дар ду даъват вакили Маҷлиси намояндагони халқи шаҳри Душанбе (1990-2000) низ буд.

Дар ҳамин ҳол, хориҷ аз Институти физикаву математика Абдуалӣ Тоиров як муддат мушовири сиёсии дафтари Созмони амният ва ҳамкории Аврупо (САҲА) дар Тоҷикистон (1999-2012) низ будааст. Аммо он чӣ аз тарҷумаи ҳоли расмии ӯ афтода, фаъолиятҳои низомӣ ва ҳам узвият дар аввалин созмони миллигароии Тоҷикистон – “Растохез” аст, ки ба қавли ҳамсӯҳбатони мо хеле ҷолибанд, аммо ҳоло мавриди гуфтанашон нест.

"Саломатии Фарзона хуб аст, барои нигоҳубини Озарахш дар беморхона аст"

4492
Раиси вилояти Хатлон ба аёдати маъб рафт

Раиси вилояти Хатлон аз ҳисоби худ ба маъюби 26-сола панҷ ҳазор сомонӣ кумакпулӣ дод

19
(Таҷдидшуда 02:53 06.07.2020)
Раиси вилояти Хатлон Қурбон Ҳакимзода дар ноҳияи Ёвон Хуҷамурод Хуҷаевро, ки маъюби гурӯҳи якум аст, аёдат кард

ДУШАНБЕ, 6 июл — Sputnik. Ба нақл аз дафтари матбуоти мақомоти вилояти Хатлон, Хуҷамурод, ки сокини деҳаи Боғдараи Ҷамоати деҳоти ба номи Ҳасан Ҳусейнов аст ва ӯ 26 сол дорад.

Қурбон Ҳакимзода, раиси вилояти Хатлон зикр кард, ки айни ҳол сохтмони манзили истиқоматии нав барои оилаи Хуҷамурод бомаром идома дошта, аллакай марҳилаи бомпӯши хона ҷараён дорад.

“Давлат ҳеҷ гоҳ афроди имконияти ҷисмоиашон маҳдуд, ятимону бепарасторонро танҳо намегузорад. Пас аз пурра ба анҷом расидани сохтмони манзили зист, дар фикри барпо намудани тӯй шуда, Шуморо хонадор мекунем”, - қайд намуд зимни суҳбат бо Хуҷамурод Хуҷаев раиси вилояти Хатлон.

Қурбон Ҳакимзода пас аз мулоқот бо Хуҷамурод ба ӯ 5 ҳазор сомонӣ кумакпулӣ ва барои хонаводааш маҳсулоти ғизоӣ, аз қабили орд, равған, биринҷ, макарон, картошка, пиёз, қанд ва ғайра тақдим намуд.

Вай ҳамчунин ба масъулони ниҳодҳои дахлдор дастур дод, ки сохтмони манзили зисти Хуҷамурод Хуҷаевро бо сифати баланд ва дар муҳлатҳои кутоҳтарин ба анҷом расонида шавад.

19
Барчаспҳо:
кумакпулӣ, маъюб, Хатлон, Тоҷикистон
День 6 июль

Ҷашнҳои рӯзи 6 июл дар Тоҷикистон ва ҷаҳон

30
(Таҷдидшуда 20:33 05.07.2020)
Рӯзи шашуми июл ҳамчун Рӯзи байналмилалии кормандони кооператсия дониста мешавад. Ҳамчунин дар ин рӯз дар Қазоқистон аз Рӯзи пойтахт ҷашн гирифта мешавад

Рӯзи 6 июл дар ҷаҳон чӣ рух дод

Соли 1942 Аргентина дар бораи бетарафии худ дар Ҷанги дуюми ҷаҳон хабар дод.

День 5 июль
© Sputnik / Стас Этвеш / Вишнякова Мария
Соли 1945 Никарагуа дар ҷаҳон аввалин мамлакате гардид, ки Хартияи СММ-ро тасдиқ намуд.

Соли 1992 Созишномаи давлатҳои узви Иттиҳоди Давлатҳои Мустақил "Дар бораи  воситаҳои огоҳкунанда оид ба ҳамлаи ракетавӣ ва идораи фазои кайҳонӣ" ба имзо расид.

Соли 1863 дар Франсия калонтарин бонк бо номи "Credit Lyonnais" ба истифода дода шуд.

Рӯзи 6 июл дар Тоҷикистон чӣ рух дод

Соли 2004 дар Вилояти Мухтори Кӯҳистони Бадахшон хишти аввали Донишгоҳи Осиёи Марказӣ гузошта шуд.

Ҷашнҳои рӯзи 4 июл дар Тоҷикистон ва ҷаҳон

Соли 2004 бо иштироки раисҷумҳури Тоҷикистон Эмомалӣ Раҳмон, роҳбари исмоилиёни ҷаҳон Шоҳкарим ал-Ҳусайнӣ Оғохони чаҳорум ва ноиби вақти Раиси Ҳукумати Интиқолии Исломии Афғонистон Неъматулло Шаҳронӣ дар болои дарёи Панҷ дуюмин пул ба истифода дода шуд, ки Тоҷикистонро бо Афғонистон пайваст намуд.

 

Принц Карим Ага-Хан IV
© Sputnik / Максим Богодвид
Принц Карим Ага-Хан IV

 

Соли 2009 Эмомалӣ Раҳмон ва ёвари вақти Котиби давлатии Иёлоти Муттаҳидаи Америка оид ба кишварҳои Осиёи Ҷанубӣ ва Марказӣ Роберт Блейк маҷмӯи масъалаҳои вобаста ба ҳамкории Тоҷикистону Амрико, аз ҷумла, рушди ҳамкории иқтисодӣ дар соҳаҳои энергетика ва коммуникатсияро, ки аҳамияти калони минтақавӣ дорад, баррасӣ намуданд.

Ҷашнҳои рӯзи 3 июл дар Тоҷикистон ва ҷаҳон

Соли 2015 зимни гуфтугӯи телефонии сарвари давлат Эмомалӣ Раҳмон ва Президенти Ҷумҳурии Қазоқистон Нурсултон Назарбоев ибрози умед карда шуд, ки иртиботи дӯстона ва бисёр хуби ду кишвар дар оянда низ рушди матлуб касб намуда, ба нафъи мардумони Тоҷикистону Қазоқистон ва кулли минтақа хизмат хоҳанд кард.

 

Президент Казахстана Нурсултал Назарбаев и президент Таджикистана Эмомали Рахмон
Президент Казахстана Нурсултал Назарбаев и президент Таджикистана Эмомали Рахмон

 

Соли 2012 ширкати ҳавопаймоии "Тоҷик Эйр" аввалин парвози ҳавопаймояшро дар самти Душанбе-Деҳлӣ-Душанбе роҳандозӣ кард.

6 июли соли 2018 масъалаҳои муҳимтарини рушду таҳкими ҳамкории дуҷонибаи Тоҷикистону Ӯзбекистон дар ҳамаи арсаҳои манфиатҳои муштарак мавриди баррасӣ қарор гирифтанд.

Соли 2018 раисҷумҳури Тоҷикистон Эмомалӣ Раҳмон дар шаҳри Остона дар муаррифии "Маркази байналмилалии молиявии Остона" иштирок карданд.

Ҷашнҳои рӯзи 6 июл

  • Рӯзи байналмилалии кормандони кооператсия.
  • Дар Лесото – Рӯзи оила.
  • Дар Қазоқистон — Рӯзи пойтахт.

Рӯзи 6 июл дар Тоҷикистон кӣ ба дунё омадааст

Солҳои (1905-1976) - ходими давлатӣ Муҳаммадалӣ Қурбонов.

Соли 1953 – рӯзноманигор Давлат Султонов.

Соли 1953 – олим, муҳандис Кудратулло Мираков.

30
Барчаспҳо:
ҷашн, ҷаҳон, Тоҷикистон