Абдуфаттох Солиев

Аввалин духтур ва корманди Кумитаи сармоягузорӣ: ду фавти дигар дар "Якум Советски"

14417
(Таҷдидшуда 23:01 24.04.2020)
Имруз, Абдуфаттоҳ Солиев, аввалин пизишки тоҷик ва Искандар Камолов, муҳосиби Кумитаи сармоягузории Тоҷикистон аз пневмония ё илтиҳоби шуш дар Маркази тиббии ба номи Карим Аҳмадов, маъруф ба шифохонаи “Якум Советски” дар Душанбе даргузаштанд

ДУШАНБЕ, 24 апрел – Sputnik. Манбаъи Sputnik Тоҷикистон дар таъйиди хабари фавти Абдуфаттоҳ Солиев гуфт, мавсуф номзади илми тиб, мудири Шуъбаи марказии ҷумҳуривии бемориҳои касбӣ, ҳамзамон мудири кафедраи бемориҳои дарунии факултети тиббии Донишгоҳи миллии Тоҷикистон (ДМТ) буд.

"Ӯ рӯзи душанбе пас аз бад шудани вазъи саломатиаш ба Маркази тиббии ба номи Карим Аҳмадов интиқол ёфт. Дигар вазъаш беҳбуд наёфт. Таҳти оксигенератор ва сипас дастгоҳи сунъии нафасдиҳӣ қарор дошт. Имрӯз бегоҳ ҷон ба ҷаббор супурд. Ӯ яке аз мутахассисони беҳтарини кишвар ва дар соҳаи худ ба масобаи як генерал буд", - гуфт манбаъи Sputnik Тоҷикистон.

Нафари дигаре, ки имрӯз ба хок супурда шуд, Искандар Камолови 52 – сола, муҳосиби Кумитаи давлатии сармоягузорӣ ва идораи амволи давлатии Тоҷикистон буд, ки ба қавли наздиконаш, ҳатто натавонистаанд бори охир рӯи ӯро бубинанд.

"Вазъи Искандар то соатҳои 21 – и шаби гузашта муътадил буд. Вақте вазъаш бад шуд, зуд ба шифохона интиқол додем ва ҳамон дидори охиринамон буд. Соатҳои 1 – и пас аз зӯҳри имрӯз хабар доданд, ки ӯ фавтидааст", - гуфт яке аз хешовандони Искандар Камолов.

Мавсуфро низ кормандони тиб, ки либосҳои хоси пизишкӣ ба тан доштанд, аз шифохонаи "Якум Советски" мустақим ба қабристони Сариосиёби шаҳри Душанбе бурда, ҷаноза ва гӯручӯб карданд.

Ин ду корманди давлатӣ тайи се рӯзи ахир теъдоди фавтидагонеро, ки аз пневмония ё илтиҳоби шуш ҷон додаанд ва ҳам мақомот марги онҳоро расман таъйид кардаанд, ба 6 нафар, аммо тибқи додаҳои ғайрирасмӣ, аз ин бештар мерасонад.

Ба ҷуз шифохонаи "Якум Советски" қаблан дар беморхонаҳои вилояти Суғд низ марги се нафар аз илтиҳоби шуш ё пневмония расман тасдиқ шуда буд.

Бино ба иттилои расмӣ, ҳоло дар шифохонаи "Якум Советски" ҳудуди 120 нафар бо ташхиси илтиҳоби шуш ё пневмония таҳти назорати табибон қарор доранд, аммо дар бораи ин, ки вазъи чанде аз онҳо вазнин аст, иттилои дақиқе дар даст нест.

Дар пайи афзоиши фавтҳо аз ин маризӣ вазорати тандурустӣ ва ҳифзи иҷтимоии Тоҷикистон Маркази тиббии №1 – и ба номи Карим Аҳмадов, маъруф ба шифохонаи "Якум Советски" дар Душанберо маҳз ба муолиҷаи ин маризӣ ихтисос додааст.

Саидислом Абдуджаборзода, прокурор судебного надзора Генпрокуратура РТ
из личного архива Саидслома Абдуджаборзоды

Бино ба иттилои дарёфтӣ, аз шифохонаҳои навоҳии атрофи Душанбе, назири Ваҳдат, Рӯдакӣ ва Варзоб низ тақозо шудааст, ки гирифторони ин маризиро бистарӣ накарда, ба шифохонаи "Якум Советски" интиқол диҳанд.

Тибқи иттилои расмӣ, ҳоло дар пойтахти Тоҷикистон ду беморхонаи бузурги дигар, яке, Маҷмааи тандурустии "Истиқлол" ва дигаре, Беморхонаи шаҳрии сироятӣ, воқеъ дар маҳаллаи Зарафшон пурра ва бархе шифохонаҳои дигар қисман барои пазириши гирифторони "вируси корона" ихтисос дода шудаанд. Тоҷикистон то ба ҳол як кишвари орӣ аз “вируси корона” маҳсуб мешавад ва маргумирҳо аз илтиҳоби шуш ё пневмония як воқеияти дигарест, ки рӯз то рӯз вазъи сиҳии кишварро ба чолиш мекашад.

14417
Барчаспҳо:
пизишк, Тоҷикистон, фавт
Машина милиции в Таджикистане, архивное фото

Фирори подполковник баъди латукӯби майор: тафсилоти парванда алайҳи 2 мақомдор

210
(Таҷдидшуда 18:23 25.09.2020)
Нисбати Даврон Юнусзода, ваколатдори калони фаврии шуъбаи мубориза алайҳи гардиши ғайриқонунии маводи мухаддири назди РВКД ва подполковник Раҳмонзода Муҳаммадалӣ, сардори шуъбаи мазкур, барои шиканҷа ва озори як шахси низомӣ парвандаи ҷиноӣ оғоз шудааст

ДУШАНБЕ, 25 сен – Sputnik. Бино ба иттилои дарёфтӣ аз мақомоти ҳифзи ҳуқуқи Тоҷикистон тафтишоти муқаддамотии ин қазия собит намудааст, ки ба ин ҷинояти нангин подполковники милитсия Раҳмонзода Муҳаммадалӣ Раҳмон, сардори шӯъбаи мубориза бо гардиши ғайриқонунии маводи мухаддири РВКД дар вилояти Суғд низ даст доштааст.

Агентии коррупсия фасодзадатарин ниҳодҳоро дар Тоҷикистон эълон кард

Манбаъ тавзеҳ дод, ки ин ҳодиса оғози ҳафтаи равон рух дода ва ҳоло подполковник Раҳмонзода аз тафтишот пинҳон шуда, фирор намудааст.

"Ҳоло кофтукови фаврӣ-ҷустуҷӯӣ нисбати Раҳмонзода Муҳаммадалӣ ва дигар ҳаммаслакони ӯ, ки дар содир намудани ҷинояти шиканҷадиҳӣ ҳамроҳ мебошанд, идома дорад", -  гуфтанд манобеи Sputnik Тоҷикистон.

Бино ба иттилои дарёфтӣ, Юнусзода ва Раҳмонзода бо маслиҳати пешакӣ, як командири қисми низомии мустақар дар ноҳияи Масчоҳ, дорои рутбаи майор бударо, ба утоқи кории худ воқеъ дар шаҳри Хуҷанд даъват намуда, ӯро шадидан латукӯб кардаанд.

Дар бораи бадрафторӣ ва мавриди шиканҷа қарор гирифтани шаҳрвандон аз ҷониби кормандони мақомоти низомӣ то ин дам хабарҳо зиёд нашр мешуданд.

Зимнан, оиди ин ҳодиса прокуратураи шаҳри Хуҷанд нисбати Юнусзода Даврон ва Раҳмонзода Муҳаммадалӣ, масъулони шӯъбаи мубориза бо гардиши ғайриқонунии маводи мухаддири РВКД дар вилояти Суғд бо аломатҳои моддаи 316 қисми 3 ва ва 358 и Кодекси ҷиноӣ парванда боз намуда, тафтишот дар ин самт идома дорад.

210
Барчаспҳо:
парванда, латукӯб, Суғд
Пустое кресло

Тағйироти кадрӣ дар дастгоҳи раиси Бадахшон: Улфатшоев вазифаи нав гирифт

245
Раиси Вилояти Мухтори Кӯҳистони Бадахшон Файзов Ёдгор дар ҳайати дастгоҳаш тағйироти кадрӣ гузаронд

ДУШАНБЕ, 25 сен - Sputnik. Бо қарори Файзов Ёдгор раиси ВМКБ, Улфатшоев Ҷангибек Мирзоевич аз вазифаи ишғолкардаи худ канор рафт.

Номбурда дар асоси қарори раиси вилоят, аз вазифаи сармутахассиси бахши иттилоотию таҳлилии дастгоҳи раиси ВМКБ озод гардид.

Раҳмон гуфт, на ҳамеша аз рӯи ахбори пешниҳодшуда ба ӯ кор мекунад-видео

Бар хабари котиботи раиси ин вилоят, Улфатшоев Ҷангибек дар асоси қарори раис ба мансаби муовини сардори Раëсати маориф таъйин карда шуд.

"Дар мақоми нав, Улфатшоев аз санаи 25 - уми сентябр ба ифои вазифа шурӯъ мекунад", - таъкид мешавад дар хабар.

Манбаъ меафзояд, Улфатшоев Ҷангибек давоми 9 сол дар дастгоҳи раиси вилоят ба вазифаҳои гуногун фаъолият намуда, аз соли 2007 узви Иттифоқи журналистон ва аз соли 2017 узви Иттифоқи нависандагони Ҷумҳурии Тоҷикистон мебошад.

245
Барчаспҳо:
тағйироти кадрӣ, ВМКБ