Абдулло Хабибов. Архивное фото

Шаш рӯзи дигар то 80 солагӣ: даргузашти генерал Абдулло Ҳабибов

3577
(Таҷдидшуда 01:42 25.04.2020)
Генерал Абдулло Ҳабибов, собиқ муовини вазири дифоъ ва раиси Анҷумани дӯстии Русияву Тоҷикистон даргузашт. 1 май ӯ ба синни 80 мерасид

ДУШАНБЕ, 24 апрел – Sputnik. Ба қавли наздикон, ӯ сиҳатии хуб дошт ва пушти кору бори худ буд, аммо тақрибан соати 12 – и шаб вазъаш ба вахомат гароид ва ҷон ба ҷонофарин таслим намуд.

“Як рӯзи қабл китоберо, ки барои иштирокчиени Ҷанги Бузурги Ватанӣ омода карда буд, ба чопхона супурда буд”, - гуфт наздики ӯ.

Генерал – майор Абдуллоҳ Ҳабибов 1 майи соли 1940 дар деҳаи Даштиҷуми ноҳияи Муӯъминободи вилояти Кӯлоб (ҳоло Хатлон) дида ба олам гушуда, мактаби миёнаро дар зодгоҳ хатм карда, маълумоти олиро дар Донишгоҳи давлатӣ (ҳоло Донишгоҳи миллӣ) – и Тоҷикистон ба даст овардааст.

Хатмкардаи Академияи улуми ҷамъиятии назди Ҳизби коммунисти Иттиҳоди Шӯравӣ дар Маскав буда, унвони номзади улуми таърихро низ дорад.

Дар вазифаҳои раҳбари Шӯъбаи идеологии Кумитаи марказии Иттиҳоди ҷавонони Тоҷикистон, мушовир (референт) – и аршади Дастгоҳи Шӯрои вазирони Тоҷикистон, сардори Шӯъбаи сиёсии Вазорати корҳои дохила, раиси Кумитаи қонунгузорӣ, амният ва ҳифзи ҳуқуи Шӯрои Олӣ, муовини раиси Кумитаи гумрук, мудири Шӯъбаи ҳуқуқи дастгоҳи Маҷлиси Миллии Тоҷикистон кор карда, ба нафақа баромадааст.

Абдулло Ҳабибов аз соли 2006 ба ин сӯ як Анҷуман ё Ҳаракати дӯстони Русияро раҳбарӣ мекард ва соли 2014 раҳбари Маҳфили коршиносони Осиёи Марказӣ – “Рушди Авруосиё” низ интихоб шуда буд.

Ҷанозаи марҳум имрӯз, 25 апрел, пас аз намози пешин баргузор мешавад.

3577
Барчаспҳо:
муовини вазир, Русия, даргузашт, Абдулло Ҳабибов, генерал, Тоҷикистон
Журналист, архивное фото

Дархост аз мақомоти тоҷик барои пешгирии таҳқиру бадномсозии рӯзноманигорон

144
(Таҷдидшуда 21:06 29.05.2020)
Гуруҳи созмонҳои рӯзноманигорӣ, сардабирон ва рӯзноманигорони Тоҷикистон аз мақомоти умури дохилӣ, додситонӣ ва амнияти миллӣ хостаанд, пеши роҳи лату кӯб ва бадномсозиву таҳқир кардани рӯзноманигоронро гиранд

ДУШАНБЕ, 29  май — Sputnik. Созмонҳо ва гуруҳи рӯзноманигорони Тоҷикистон аз ҳолатҳои латукӯби Абдуллоҳ Ғурбатӣ, ки ҳангоми иҷрои вазифаи касбӣ сурат гирифт, нигаронияшро баён намуд.

Дар изҳорот зикр шудаст, ки Абдуллоҳ Ғурбатӣ, дар вақти таҳияи гузориш дар бораи осебдидагон аз офати табиӣ дар ноҳияи Хуросон латукӯб шудааст ва таъкид гардидааст, ин амалкард хилофи қонунгузории кишвар мебошад.

"Мувофиқи моддаи 28-и қонун “Дар бораи матбуот ва дигар воситаҳои ахбори омма” ҳузури рӯзноманигор дар маҳалли ҳодиса ҳаққи қонунии ӯ буда, ин амал монеъ шудан ба фаъолияти касбӣ ва тибқи моддаи 162-и Кодекси ҷиноятии ҶТ ҷиноят аст", - хотиррасон кардаанд созмонҳои рӯзноманигорӣ.

Ғурбатӣ инчунин 11 май дар назди манзили истиқоматияш дар шаҳри Душанбе латукӯб шуда буд, ки аз рӯи он Вазорати умури дохилии Тоҷикистон парвандаи ҷиноӣ оғоз карда буд, вале дар бораи омилони ин ҷиноят то ҳол гузориш надодааст.

Дар идомаи изҳороти созмонҳои журналистӣ омадааст, ки дар ҷомеаи демократӣ ба ҳама гуна амалкарди хилофи қонун бояд вокуниши сареъи мақомот сурат гирифта, ҳамлаварон пайдо ва дар ҷаҳорчӯби қонун ба ҷавобгарӣ кашида шаванд.

Созмонҳои рӯзноманигорӣ инчунин бо зикри ҳолатҳои таҳқири рӯзноманигори тоҷик Шаҳлои Гулхоҷа дар шабакаҳои иҷтимоӣ таъкид намудааст, ки "вақтҳои ахир дар шабакаҳои иҷтимоӣ аз сӯйи баъзе корбарони маълуму номаълум нисбат ба рӯзноманигорони алоҳида маводу матлабҳо ва аксу видеоҳои таҳқиркунандаи шахсияти рӯзноманигорон хеле зиёд ба назар мерасад, ки ин боиси нигаронии шадии ҷомеаи рӯзноманигорӣ шудааст".

Созмонҳо ва рӯзноманигорон аз мақомоти масъули давлат, Кумитаи давлатии амнияти миллӣ, Прократураи генералии Ҷумҳурии Тоҷикистон ва Вазорати корҳои дохилӣ даъват кардаанд, ки пеши роҳи лату кӯб ва бадномсозиву таҳқир кардани рӯзноманигорон гирифта шавад ва фазои мусоиди ҳамкориву муколама таъмин шавад.

144
Барчаспҳо:
таҳқир, қатъ, Тоҷикистон
Вышка на пограничном посту Максат в Лейлекском районе Баткенской области.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

94
(Таҷдидшуда 19:42 29.05.2020)
Сарбози 19 - солаи тоҷик Давлатёр Зоиров, ки аз тири марзбонони қирғиз ҷароҳат бардошта буд, то ҳол дар бемористон қарор дорад

ДУШАНБЕ, 29  май — Sputnik. Пизишкон вазъи саломатии Давлатёр Зоиров, сарбози 19 - солаи тоҷикро хуб арзёбӣ мекунанд. Ба иттилои котиботи маъмурияти шаҳри Исфара, Зоиров дар бемористони минтақавӣ таҳти муолиҷа қарор дорад.

Номбурда рӯзи 24 - уми май аснои тирпарронӣ дар марзи Тоҷикистону Қирғизистон аз тири сарҳадбонони қирғиз захм бардошт.

Муноқишаи марзӣ пас аз он сар шуд, ки рӯзи 24 май чӯпонони қирғиз сарҳадро убур карда, ба як маҳаллае дар вилояти Суғд расидаанд. 

Тирпаронӣ дар марз: КДАМ гуфт, марди қирғиз ҷавонзани тоҷикро паронд

Сарҳадбонони тоҷик кӯшиш карданд, ки муноқишаро ҳал кунанд, аммо марзбонони қирғиз сӯйи ҳамтоёни худ оташ кушоданд.

Бар тибқи изҳороти Кумитаи давлатии амниятии миллии Тоҷикистон, "ҷониби Қирғизистон ба ҷои иҷрои созишномаҳои дуҷониба оид ба демаркатсияи минтақаҳои баҳс, ба ҷойи ҳодиса сарҳадбонони иловагиро фиристод, ки онҳо самти сокинони осоишта оташ кушоданд".

94
Барчаспҳо:
сарбоз, Қирғизистон, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1100
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1100
Барчаспҳо:
Тоҷикистон