Тотальный диктант в Душанбе

Суоли рӯз: донишҷӯён кай таътил мешаванд?

3404
(Таҷдидшуда 17:05 28.04.2020)
Пас аз эълон шудани таътили боғчаву мактабҳо интизор мерафт, рӯзи душанбе, 27 апрел, масъалаи таътили донишҷӯёни Тоҷикистон низ яксара шавад, аммо бо гузашти як рӯз ҳамоно мақомот таъхир мекунанд

ДУШАНБЕ, 28 апрел – Sputnik. Вазорати маориф ва илми Тоҷикистон дар ин бора шарҳе намедиҳад, аммо бино ба иттилои дарёфтӣ, ин вазорат ҳамоно мунтазири иҷозаи Қоҳир Расулзода, сарвазири Тоҷикистон, ҳамзамон раиси Ситоди ҷумҳуриявии ҷилавгирӣ аз пандемияи маризии вируси корона ё COVID – 19, мебошад, ки ба чӣ тасмим мерасад. Аммо ин Ситод аз кадом хотир таъхир мекунад, равшан нест.

Дар ҳамин ҳол, дар тамос бо Sputnik Тоҷикистон масъулини донишгоҳҳи кишвар изҳор доштанд, ки мунтазири амри вазорати маориф ва илм ҳастанд. Дар ҳоле, ки худи вазорат мунтазири амри Ситоди ҷумҳуриявии ҷилавгирӣ аз пандемияи маризии вируси корона ё COVID – 19 аст.

Як манбаъ аз вазорат ба Sputnik Тоҷикистон гуфт, ҳар чӣ расмиёт аст, дар ихтиёри Ситод гузошта шудааст.

"Дирӯз Шӯрои ректорон доир гардид. Дар катори дигар масъалахо ин масъала низ баррасӣ шуд ва ихтилофи назархо вуҷуд дошт. Вазорат ҳамаи инро ба Ситод расонд. Ҳоло мутназир меравад, ки чӣ тасмим гирифта мешавад", - гуфт ин манбаъ.

Аммо масъулини донишгоҳҳо мегӯянд, амалан, дар аксари курсҳо дарсҳо ба интиҳои худ расидаанд, аз ин хотир, эҳтимоли рухсат кардани онҳо аз рӯзи душанбеи оянда ва ё тезонидани сессия ё имтиҳоноти солона вуҷуд дорад. Эҳтимолан дарсу имтиҳонот то 10 май идома ёбанду аз он пас донишҷӯён то моҳи сентябр ба таътили тобистона раванд.

Шанбеи гузашта, 26 апрел, вазорати маориф ва илми Тоҷикистон бо дастури Ситоди ҷумҳуриявии ҷилавгирӣ аз пандемияи маризии вируси корона ё COVID – 19 эълон кард, ки аз 27 апрел то 10 майи соли 2020 муваққатан дар муассисаҳои таълимӣ - кӯдакистону боғча, мактабҳо, литсейҳои касбӣ – техникӣ, коллеҷҳо - таътил эълон карда шавад.

Коршиносон мегӯянд, кори донишгоҳ аз макотиб фарқи зиёд мекунад, аммо вазъи кунунӣ бояд воқеъӣ таҳлил шавад. Ба қавли онҳо, вазъи сиҳии кишвар дар робита бо густариши маргумирҳо аз маризии пневмония рӯз ба рӯз ба вахомат мегарояд ва ин ҳол зарурати ҳар чӣ зудтар таътил кардани донишгоҳҳоро ба миён овардааст.

Бахтиёр Ҳамдамов, коршиноси тоҷик мегӯяд, таътили донишҷӯён ҷанбаҳои мусбати манфии худро дорад, аммо як амри ногузир буда, дар кори он суд бештар аз зиён аст.

"Воқеан, мо дар як вазъияти истисноӣ қарор дорем. Бо таътили донишгоҳҳо нақлиёти ҷамъиятии пойтахт ва шаҳрҳо сабук шуда, хобгоҳҳои донишҷӯён минҳайси манбаъи густариши маризиҳои сироятӣ амн мешаванд. Ин кӯмак ба волидайнест, ки фарзанди донишҷӯ дорад. Маълум ки роҳи Русия баста, мардум ҳам бекору бепул шудааст. Донишҷӯёни деҳотӣ дар корҳои кишоварзӣ ба волидайн кумак мерасонанд. Аз ҳама муҳим дили падару модарон ором мегирад", - гуфт Бахтиёр Ҳамдамов.

Коршиносон мегӯянд, донишҷӯён беҳтарин ҳомили ҳама гуна вирус мебошанд, зеро тану ҷони сиҳату онҳо кам осебпазир, аммо паноҳгоҳи амне барои ҳама гуна вирус аст. Ба қавли онҳо, дар ҳоли густариши маризии "вируси корона" маҳз донишҷӯён интиқолдиҳандаи ин вабои қарни 21 аз пойтахт ба музофот ё аз шаҳрҳо ба деҳот хоҳанд буд.

3404
Барчаспҳо:
Тоҷикистон, донишҷӯён, таътил
Мавзуҳо:
Пайомадҳои COVID-19 дар Тоҷикистон ва ҷаҳон (485)

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

26
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

26
Юношеская сборная Таджикистана  (U-16)

Қуръакашии чемпионати футболи Осиё-2020: рақиби мунтахаби кишвар ки хоҳад буд?

43
(Таҷдидшуда 09:45 04.06.2020)
Қуръакашии чемпионати Осиё-2020, ки дар он дастаҳои ҷавонони (U-16) ва ҷавонони (U-19) Тоҷикистон рақибони худро хоҳанд шинохт, рӯзи 18 июн дар қароргоҳи Конфедератсияи футболи Осиё дар Куала-Лумпур баргузор мешавад

ДУШАНБЕ, 4  июн — Sputnik. Тибқи иттилои сомонаи ФФТ, қуръакашии чемпионати Осиё-2020 миёни наврасон соати 17:00 ба вақти Душанбе шуруъ мешавад ва қуръакашӣ барои чемпионати Осиё барои мунтахабҳои ҷавонон соати 19:30 баргузор мешавад.

Конфедератсияи футболи Осиё таркиби сабади  қуръакашӣ барои финали Чемпионати Осиё-2020-ро эълон кард.

Дастаи мунтахаби наврасони Тоҷикистон (U-16) бо тимҳои Баҳрайн, Ҷопон ва Кореяи Ҷанубӣ дар сабади аввал қарор гирифт.

ФФТ мегӯяд,  ин маънои онро дорад, ки мунтахаби мо бешубҳа бо ин дастаҳо дар марҳилаи гурӯҳии чемпионат бозӣ намекунад.

Тибқи тақвими АФК, чемпионати Осиё байни наврасони зери 16-сола аз 16 сентябр то 3 октябр дар Баҳрайн баргузор мешавад.

Манбаъ мегӯяд, дастаи мунтахаби ҷавонони Тоҷикистон (U-19) дар сабқати Чемпионати Осиё-2020 дар якҷоягӣ бо дастаҳои Япония, Австралия ва Индонезия, ки бо онҳо, бешубҳа, дар ин мусобиқот дар ҳамон гурӯҳ бозӣ намекунанд, дар сабади дуввум ҷойгир шуданд.

Зепп Блаттер, собиқ президенти ФИФА гуфт, бо фишори ИМА аз мақомаш рафт

Чемпионати Осиё байни ҷавонон 2020 бояд аз 14 то 31 октябр дар Ӯзбекистон баргузор шавад.

Бояд қайд кард, ки чаҳор дастаи беҳтарини чемпионатҳои наврасон ва ҷавонони Осиё- 2020 ба мусобиқоти  ҷаҳонии соли 2021 роҳхат мегиранд, ки мутаносибан дар Перу (U-17) ва Индонезия (U-20) баргузор мешаванд.

43