Школьники Душанбе в медицинских масках

Тавсияи масъулини маориф дар Суғд: таътил барои пешгирии коронавирус аст, ба кӯча набароед

656
(Таҷдидшуда 21:28 28.04.2020)
Раёсати маорифи вилояти Суғд гуфт, ки хонандаҳо давраи таътили иловагиро чи гуна ва бо иҷрои кадом корҳо сипарӣ кунанду омӯзгорон низ дар ин муддат ба чи корҳо машғул шаванд

ДУШАНБЕ, 28 апр – Sputnik. Сайфулло Раҳматов, муовини сардори Раёсати маорифи Суғд дар суҳбат бо Sputnik Тоҷикистон гуфт, мақсади ҷорӣ кардани таътили иловагии макотиб ба хотири пешгирӣ аз эҳтимоли паҳни вируси корона аст ва набояд хонандаҳо ба сайру гашт дар кӯчаву ҷойҳои серодам раванд

Ӯ гуфт, ба хонандаҳо фаҳмонида шудааст, ки ду ҳафтаи таътили иловагиро дар куҷо ва бо иҷрои кадом корҳо сипарӣ кунанд.

“Хонандаҳо бояд дар хона монда ба мутолиаи китобҳо машғул бошанд. Дарсҳои мактабиро аз рӯи дафтару китобҳояшон такрор кунанд ва ба имтиҳонҳо тайёрӣ бинанд. Ҷараёни ин ҳама машғулиятҳоро волидайн назорат карда, аз рафтани фарзандонашон ба ҷойҳои серодам пешгирӣ кунанд”, гуфт Раҳматов.

Муовини сардори Раёсати маорифи Суғд мегуяд, маводи имтиҳонӣ ва аттестатсияи хатм ва аз синф ба синфгузарии хонандаҳоро ба шуъбаҳои маорифи шаҳру ноҳияҳо фиристодаанд ва аз ин тариқ ба хонандаи мактабҳо дастрас карда мешавад.

Сайфулло Раҳматов гуфт, ки дар ин муддат мудирони мактабҳо дар ҷои корашон ҳозир шуда ва омӯзгорон ҳам бо навбат барои нигоҳубини мактабҳо мераванд.

“Дар сурати зарурат омӯзгорон ҳамроҳ бо кормандони соҳаи тандурустӣ ба тарғиботи амалҳои пешгирикунандаи бемории коронавирус ба маҳаллаҳои атрофи мактаб мебароянд”, таъкид намуд Раҳматов.

То поён ёфтани таътил, бояд дар ҳамаи синфхонаҳо ва утоқҳои корию роҳравҳои атрофи макотиб, чораҳои безараргардонӣ (дезинфексия) доир карда шавад. Хариддории маводи безараргардонӣ аз ҷумла хлор аз ҷониби макотиб сурат гирифта, маскаҳои муҳофизатӣ ва маводи тамизкории дастони хонандаҳо аз ҳисоби волидайн таъмин карда мешавад

Ахиран шанбеи гузашта, 26 апрел, вазорати маориф ва илми Тоҷикистон бо дастури Ситоди ҷумҳуриявии пешгирӣ аз пандемияи маризии вируси корона ё COVID – 19 эълон кард, ки аз 27 апрел то 10 майи соли 2020 муваққатан дар муассисаҳои таълимӣ - кӯдакистону боғча, мактабҳо, литсейҳои касбӣ – техникӣ, коллеҷҳо - таътил эълон карда шавад.

Ба ин тартиб санаи 11-уми май дар ҳамаи муассисаҳои таҳсилоти ҳамагонӣ машғулиятҳо (дарс) и мактабӣ шурӯъ шуда, то моҳи июн давом ёбад. Қарор аст имсол Занги камолот (пештара Занги охир) санаи 7 ва ё 8 -уми июн дар мактабҳои кишвар садо диҳад.

Таътили макотиб: на фақат маош, балки иловапулиҳо ҳам дода мешавад

 

656
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

129
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

129
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Человек в воде, архивное фото

Оғози мавсими оббозӣ ва ҳушдори КҲФ ба сокинон: эҳтиёт кунед

11
Кумитаи ҳолатҳои фавқулодаи Тоҷикистон бо фаро расиии фасли гармо ва мавсими оббозӣ ба сокинон ҳушдор додааст, ки аввал қоидаҳои шиновариро аз худ карда, пасон вориди об шаванд ва аз эҳтиёт кор бигиранд

ДУШАНБЕ, 4  июн — Sputnik. Тибқи иттилои сомонаи Кумита ин ниҳод чанд қоидаҳоро ба шаҳрвандон пешниҳод карда, хостааст дар масими оббозӣ онро риоя кунанд.

 Кумита сабаби ғарқшавии одамонро шарҳ дода гуфтааст, одамон на барои он ғарқ мешаванд, ки шиноварӣ наметавонанд, балки аз он ба фоҷеа мепечанд, ки аз соҳил дур мераванд ва ҳангоми бозгашт қувваташон намерасад. Дар ин ҳол онҳо ба воҳима дода мешаванд ва ҳисси боварӣ ба худ гум мешавад.

Ин ниҳод чандин тавсияҳоро ба сокинон пешниҳод карда гуфтааст, - танҳо баъди 1,5 - 2 соати ғизо хӯрдан, метавон дар обҳои озод дар ҳарорати на камтар аз 15 дараҷа гармии об оббозӣ кард

Барои оббозӣ ҳатман ҷойеро интихоб кард, ки махсус муайян шудааст ва набояд дар ҷойҳое, ки ношиносанд ғаввосӣ кард, зеро ба қаъри он метавонад санг, кундаҳои гурмдор, арматурҳои сохтмонӣ бошанд; 

Дар ҷойҳое, ки обсабзаҳо мерӯянд, набояд шино кард, чунки хатари ба онҳо печидан ва дар гирдоб ғарқ шудан пайдо мегардад.

Ғарқшавии се ноболиғ ва як ҷавондухтари 25 - сола дар Тоҷикистон

Набояд баъди дар офтоб гарм шудан ва ё сардии об, дар ҳоли  мастӣ оббозӣ кардан қаъиян манъ аст.

Тибқи омори Кумита  танҳо дар соли 2019 дар натиҷаи риоя накардани қоидаҳои бехатарӣ дар обҳо ҳангоми оббозиву шиноварӣ 141 нафар дар кишвар ғарқ шуданд.

Аз ин шумор 11 нафари онҳо бачаҳои то 4-сола буданд. 14 нафар бачаҳои аз 5 то 11-сола; 31 нафарашон аз 11 то 16-сола, 50 тани дигар синнашон аз 17 то 35 буд ва 35 нафари боқимонда афроде буданд, ки синнашон аз 35 сол боло будаанд. 

11