Сотрудник службы дезинфекции проводит акарицидную обработку

Дар Ӯзбекистон шумори сироятёфтагон ба COVID-19 кам шуд

1785
(Таҷдидшуда 21:38 01.05.2020)
Мақомоти Ӯзбекистон эълон кардааст, ки шумори нафароне, ки ҳар рӯз дар ин кишвар ба вируси корона гирифтор мешаванд коҳиш ёфтааст

ДУШАНБЕ, 1 мая — Sputnik. Дар ҳоли ҳозир, теъдоди сироятёфтагон ба коронавирус дар Ӯзбекистон ба 2039 нафар расидааст, иттилоъ додааст дафтари матбуоти вазорати тандурустии ин кишвар.

Рӯзи панҷшанбе шумори умумии сироятёфтагон ба вируси корона дар ин кишвар 2017 нафарро ташкил медод. Аз оғози паҳншавии ин вирус дар Ӯзбекистон 9 нафар ҷони худро аз даст дода, 1133 нафари дигар шифо ёфтанд.

“Ба ҳолати 30 апрели соли равон дар Ӯзбекистон шумори сироятёфтагон ба вируси корона 2039 нафарро ташкил медиҳад”, - гуфта шудааст дар ахбори вазорати тандурустӣ.

Инчунин, бояд қайд кард, ки рӯзи панҷшанбе 37 бемори нав ба қайд гирифта шуда буд, аммо рӯзи чоршанбе шумори сироятёфтагон дар 24 соати ахир ба 63 нафар расида буд.

Ҳамин тавр, дар Ӯзбекистон бо супориши раисҷумҳури Шавкат Мирзиёев зина ба зина чораҳои сабук кардани қарантина, ки қаблан барои паҳншавии коронавирус ҷорӣ шуда буд, оғоз ёфт.

Ахиран мақомоти Ӯзбекистон ба мардум иҷозат дод дар назди хонаҳояшон сайругашт кунанд. Инчунин, мақомоти Ӯзбекистон барои истифодаи мошинҳои сабукрав сабукиҳо низ ҷорӣ кард.

1785
Барчаспҳо:
бемор, беморӣ, коҳиш, мақомот, вирус, шумор, Узбакистон
Пограничная вышка, архивное фото

Тавофуқ барои аломатгузории 60 дарсад аз хатти марзии Тоҷикистон ва Қирғизистон

28
(Таҷдидшуда 17:15 30.05.2020)
Мақомоти Қирғизистон аз тавофуқ барои аломатгузории 60 дарсад аз хатти марзӣ бо Тоҷикистон хабар доданд

ДУШАНБЕ, 30 май — Sputnik. Ин тавофуқ дар натиҷаи музокироти намояндагони ду кишвар ҳосил шуда, вале мутаассифона, ҳанӯз иҷроӣ нашудааст, иттилоъ додааст хабаргузории “Парстудей” дар истинод ба сомонаи хабаргузории давлатии Қирғизистон.

Бино бар иттилои манбаъ, дар се даҳаи музокираи марзии муштараки мақомоти Қирғизистон ва Тоҷикистон 38 бор намояндагони ҳукумат, 48 маротаба гурӯҳҳои нақшабардорӣ ва 21 бор гурӯҳҳои ҳуқуқии ду кишвар аломатгузории муштараки ин ду кишварро баррасӣ карданд.

Ёдрас мешавем, ки санаи 24-уми май дар Рӯзи Иди моҳи шарифи Рамазон дар марз тирандозие дар ҳудуди деҳаи Пули Офтобрӯяи ҷамоати Ворух сар зад, ки дар он сарбози қатории нереуҳои марзбонии Тоҷикистон Давлатёр Зоирови 19-сола аз пояш захмӣ шуд.

Пеш аз он, рӯзи 8 май дар натиҷаи муноқиша дар Чоркӯҳ ду шаҳрванди Тоҷикистон ва як шаҳрванди Қирғизистон захмӣ шудаанд.

Тоҷикистону Қирғизистон 976 километр марз доранд, ки то кунун 504 километри он муайян ва аломатгузорӣ шудааст.

Ду кишвар солҳои сол аст, ки наметавонанд  сари ин масъала ба тавофуқ расанд ва ба ин муноқишаҳои марзӣ хотима бахшанд. Ҷанҷолу тирандозӣ дар минтақаҳои марзӣ барои обу замин ва чарогоҳ сурат мегирад ва баъзан ба хунрезӣ мубадал мегардад.

 

28
Барчаспҳо:
хатти марз, аломатгузорӣ, тавофуқ, Қирғизистон, Тоҷикистон

Аз се беморхона дутоаш холӣ мешавад: коҳиши шумораи гирифторони коронавирус дар Ваҳдат

46
(Таҷдидшуда 17:47 30.05.2020)
Дар як беморхонаи шаҳри Ваҳдат шумораи ками беморони сироятёфта аз ин вируси навъи нав боқӣ мемонанд

ДУШАНБЕ, 30 май – Sputnik. Шумораи сироятёфтагони ин вирус дар Ваҳдат ба маротиб коҳиш ёфта, беморхонаҳо ба ҳолати муқаррарӣ бармегарданд, гузориш медиҳад "Ховар".

Гуфта мешавад, гуруҳи корӣ таҳти роҳбарии муовини нахуствазир Ширин Исматуллозода бо мақсади таҳлили  ҳолати воқеии  пешгирӣ ва табобати бемории коронавируси навъи COVID-19 ба шаҳру навоҳӣ ба сафар баромада, нахуст ба Ваҳдат рафтаанд.

Дар доираи ин сафар имрӯз дар шаҳри Ваҳдат таҳти роҳбарии  Ширин Исматуллозода ҷаласаи корӣ доир гардид, ки дар он раиси шаҳр, сардухтур, роҳбарони марказҳои саломатӣ, маркази санитарӣ- эпидимиологӣ ва дигар масъулин иштирок намуданд.

"То рӯзи душанбеи ҳафтаи оянда аз се беморхонаи шаҳри Вахдат, ки барои қабули беморони COVID-19 пешбинӣ шуда буданд, дутоаш пурра холӣ шуда, ба ҳолати муқаррарӣ бармегарданд", - зикр гардидааст дар ин ҷаласа.

Гуфта мешавад, дар як беморхонаи ин шаҳр шумораи ками беморони сироятёфта аз ин вируси нав боқӣ мемонанд.

Дар Тоҷикистон то соати 17:20 дақиқаи 29 май 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

Даргузашти Каромат Шарипов аз сактаи қалб дар Ваҳдат

Шумораи фавтидагонро аз ин вирус Вазорат 47 нафар мегӯяд. Тоҷикистон аз бурузи коронавирус дар ҷумҳурӣ 30 апрел хабар дод.

46