Даромадгоҳи Кӯлоб, акс аз бойгонӣ

Бистарӣ шудани 30 нафар, аз ҷумла ноиби шаҳрдор дар Кӯлоб бо илтиҳоби шуш: шарҳи сардухтур

4264
(Таҷдидшуда 11:09 03.05.2020)
Абдукарим Шокиров, сардухтури беморхонаи бемориҳои сироятии шаҳри Кӯлоб иттилоъ додаст, ки алҳол дар беморхонаи мазкур 30 нафар гирифторони бемории илтиҳоби шуш бо таби баланд бистарӣ мебошанд

ДУШАНБЕ, 3 май — Sputnik. Вазъи саломатии 5 нафар гирифтори илтиҳоби шуш вазнин арзёбӣ мегардад, хабар додааст ҳафтавори "Пайк" аз қавли сардухтури беморхонаи сироятии шаҳри Кӯлоб. 

Ба иттилои манбаъ, байни беморон муовини раиси ҳукумати шаҳр Кенҷамоҳ Маҷидова низ ҳаст, ки зери кислород хоб буд.

"Қаблан ду табиби ин бемористон Сафаров Саид ва Холмуродов низ гирифтори илтиҳоби шуш буданд, ки ба гуфти сардухтур шифо ёфта рухсат шуданд. Вазъи саломатии Маҷидова низ хело беҳтар шудааст. Байни беморон ҷавонон низ кам нестанд", - навиштааст "Пайк".

Манбаъ афзуд, сардухтур шикоят аз вазъи таъмини беморон бо маводи хӯрока, набудани дастгоҳи рентгенӣ ва мошини "Ёрии таъҷилӣ" дорад. Шокиров гуфтааст, хуб мешуд мардуми доро ва дастрас дар таъмини беморхона бо маводи хӯрока дасти ёрӣ дароз мекарданд.

"Чун бемори гирифтори илтиҳоби шушро ба беморхона меоранд маҷбур мешавем дубора ин бемори гирифтори бемориҳои сироятиро аз беморхона бароварда барои рентген кардан ба берун фиристем, ки зараровар аст. Ё агар барои овардани кадом бемори дигар аз дигар гӯшаҳои шаҳр тасмим гирем, бояд сараввал мошин ёбем. Ҳоло бо мошинҳои кӯҳнаи шахсӣ рафта беморонро меорем", - изҳор доштаст сардухтар.

Ба навиштаи "Пайк", ҳафтаи гузашта дар ҳамин беморхона як нафар гирифтори бемории илтиҳоби шуши дутарафа дар шаҳр маъруф бо номи Ҳоҷӣ Ҷабор аз ҷаҳон чашм пӯшид. Ҷасади ӯро бо риояи талаботҳои махсуси санитарӣ эпидемологӣ бе ҷанозаи серодам дар соати 5 саҳар табибон ба хок супурданд.

"Ба андешаи мо мубориза бо вабои аср ё ба истилоҳи табибони тамоми ҷаҳон пандемия, ки тамоми ҷаҳонро фаро гирифтаасту давояшро то ҳанӯз инсоният наёфтааст, кори на танҳо табибон, балки тамоми ҷомеа бояд бошад. Алалхусус мардуми доро дар ин кори хайр барои хариди дастгоҳҳои зарурӣ ва либосҳои махсус бояд кумак кунанд, охир боигарии онҳо сирф аз пушти ҳамин мардум аст", - омадааст дар матлаб.

Дар идома таъкид шудааст, ки масъулинро мебояд ҳарчи зудтар баҳри самаранок мубориза бурдан бо коронавирус қабл аз ҳама ба табибон дасти ёрӣ дароз кунанд, то ин тоифа мисли ҳамтоҳои дигари худ дар мамолики дигар барои табобати миллат ҷонфидоӣ кунанд ва зикр шудааст, ки ба ҷуз Худо ва ҳамин табибон каси дигар ба миллат кумак карда наметавонад.

4264
Барчаспҳо:
беморхона, Кӯлоб, Тоҷикистон
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

74
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

74
Барчаспҳо:
решакан шудани дарахтон, ронанда, Тоҷикистон
Две женщины на улице. архивное фото

Бедаракшавии Фотима, Сайёра ва Абдухолиқ: кумакхоҳии ВУД аз мардум-аксу видео

418
(Таҷдидшуда 14:53 04.06.2020)
Вазорати умури дохилии Тоҷикистон се нафар, аз ҷумла ҷавондухтаронеро меҷӯяд, ки моҳи май бадарак шудаанд

ДУШАНБЕ, 4 июн — Sputnik. Тибқи гузориши ВУД, яке аз ҷавондухтарҳои бедаракшуда Фотима Ҷалилова, соли таваллудаш 1997, истиқоматкунандаи шаҳри Турсунзода мебошад.

Фотима Ҷалилова 11 майи соли равон аз хона берун рафта, то ҳол бедарак мебошад, афзуд ВУД.

Инчунин дар шаҳри Турсунзода, Абдухолиқ Абдураҳмонов, сокини 60-солаи шаҳри мазкур бедарак шудааст. Манбаъ афзуд, ки аз 28 майи соли равон то ҳол дар бораи Абдураҳмонов хабаре нест.

Тибқи иттилои ВУД, нафари бедаракшудаи дигар Сайёра Абдусаломова, соли таваллудаш 2006, истиқоматкунандаи ноҳияи Рӯдакӣ мебошад, ки 2 майи соли равон аз хона баромада, то ҳол аз ӯ хабаре нест.

Вазорати умури дохилии Тоҷикистон бо нашри аксҳои афроди бедаракшуда дар гузориши видеоияш аз шаҳрвандон хоҳиш кардааст, ки дар сурати доштани маълумот дар бораи онҳо тариқи рақамҳои 221 21 21, 227 98 98 хабар диҳанд.

418
Барчаспҳо:
бедарак, акс, Тоҷикистон

"Дар хона бимонед": челленджи футболбозони тоҷик - видео

0
Футболбозони маъруфи тоҷик тасмим гирифтанд, барои дастгирӣ намудан аз мухлисони худ дар замони пандемия, челлендж сабт карда паҳн намуданд

Федератсияи футболи Тоҷикистон бо нашри челленджи футболбозони маъруфи тоҷик аз тамоми сокинони кишвар даъват намуданд, ки дар замони пандемия беҳтараш дар хона бимонанд.

Дар навор футболбозони тоҷик тӯбро ба таври маҷозӣ сӯйи ҳамдигар партоб мекунанд.

Ихтирои дастгоҳ барои коронавирус: дар 15 сония безарар мегардонад - видео

Ситораҳои футболи тоҷик, ки дар ин навор сабт гардиданд Шериддин Бобоев, Искандар Ҷалилов, мураббӣ Усмон Тошев, Некубахт Худододов, Нуриддин Давронов, Фатҳулло Фатҳуллоев, Аҳтам Назаров, Иброҳим Рабимов, Парвиз Умарбоев, Алиҷони Айнӣ ва довар Сайид Зайниддинов мебошанд.

Футболбозон аз шаҳрвандони Тоҷикистонро даъват мекунад, ки дар хона бимонанд ва ҳангоми пандемия аз коронавирус ҳамаи чораҳои пешгирикунанда аз паҳншавии коронавирусро риоя намоянд.

0
Барчаспҳо:
навор, тоҷик, футболбозон