Школьники Душанбе в медицинских масках

То 16 август: таътил дар боғчаву мактабҳо тамдид шуд

2720
(Таҷдидшуда 10:57 05.05.2020)
Вазорати маориф ва илми Тоҷикистон аз тамдид шудани таътил дар муассисаҳои таҳсилоти томактабӣ ва миёнаи умумӣ хабар дод

ДУШАНБЕ, 5 май — Sputnik. Эҳсони Хушвахт, сухангӯи вазорат дар шарҳи ин мавзуъ ба Sputnik Тоҷикистон гуфт, ин қарор аз сӯи Ситоди ҷумҳуриявии ҷилавгирӣ аз густариши бемории “вируси корона”- CОVID-19 гирифта шуд ва тибқи он хонандагон ва омӯзгорони муассисаҳои таҳсилоти умумӣ - мактабҳо то 16 август ба таътили тобистона мераванд ва соли таҳсили 2020 – 2021 аз 17 август оғоз мешавад.

"Тибқи ин қарор, баҳои чоряки чорум аз рӯи натиҷаҳои се чоряки аввал ва давомоти чоряки чорум ҷамъбаст карда мешавад. Баҳои имтиҳонҳои аз синф ба синфгузаронӣ ҳам аз рӯи натиҷаи ҷамъбасти чорякҳо бояд гузошта шавад. Аммо имтиҳонҳои хатм барои хатмкунандагони муассисаҳои таҳсилоти миёнаи умумӣ дар синфҳои 9 аз рӯи 4 фан ва дар синфҳои 11 аз рӯи 6 фан аз 15 то 24 июни соли 2020 баргузор мегардад", - гуфт Эҳсони Хушвахт.

Тибқи қарори Ситоди ҷумҳуриявии ҷилавгирӣ аз густариши бемории "вируси корона"- CОVID-19, таътил дар муассисаҳои томактабӣ – боғчаву кӯдакистонҳо "то ба эътидол омадани вазъи эпидемиологӣ" дар мувофиқа бо ин Ситод тамдид карда мешавад.

Тибқи иттилои расмӣ, дар Тоҷикистон 662 боғча бо 102 ҳазору 175 кӯдак ва 9 ҳазору 766 омӯзгор, 3884 мактаби миёна бо 2 миллиону 033 ҳазору 900 хонанда ва 124 ҳазору 593 омӯзгор, 63 муассисаи таҳсилоти ибтидоии касбӣ бо 21 ҳазору 890 хонанда ва 2 ҳазору 305 омӯзгор ва 75 муассисаи таҳсилоти миёнаи касбӣ бо 87 ҳазору 696 донишҷӯ ва 6 ҳазору 381 омӯзгор фаъолият мекунанд, ки ҷамъ 4686 муассиса, 2 миллиону 245 ҳазору 661 муҳассил ва 143 ҳазору 045 омӯзгорро ташкил медиҳад.

Вазорати маориф ва илми Тоҷикистон 25 апрел "ҷиҳати ҳифзи солимии ҷомеа ва бехатарии аҳолӣ, махсусан кӯдакону наврасон дар муассисаҳои томактабӣ, муассисаҳои таҳсилоти миёнаи умумӣ, муассисаҳои таҳсилоти ибтидоии касбӣ ва муассисаҳои таҳсилоти миёнаи касбӣ" 27-уми апрел то 10-уми майи соли 2020 – ро муваққатан таътил эълон карда буд.

Он замон мақомот гуфта буданд, ки ин як таътили муваққатӣ буда, карантин нест, зеро дар Тоҷикистон ягон эпидемия сабт нашудааст ва ин давраи таътил бояд барои гузаронидани корҳои профилактикӣ ва зиддиуфунӣ ё дезинфексияи муассисаҳои таълимӣ истифода шавад.

30 апрел Ситоди ҷумҳуриявии ҷилавгирӣ аз густариши бемории “вируси корона”- CОVID-19 аввалин мавориди гирифторӣ ба "вируси корона" – ро эълон намуд ва тибқи иттилои расмӣ, то ба ҳол дар кишвар 230 мавриди гирифторӣ ва се фавт сабт шудаанд.

2720
Барчаспҳо:
таътил, тамдид, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (487)
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

22
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

22
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

142
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

142
Барчаспҳо:
решакан шудани дарахтон, ронанда, Тоҷикистон