Сулаймонзода Акрам Раиси шаҳри Исфара

Сипоси раиси Исфара аз соҳибкорони маҳалӣ ва бурунмарзӣ барои кумак ба пизишкон

605
(Таҷдидшуда 16:21 07.05.2020)
Раиси шаҳри Исфара эълон намудааст, ки соҳибкорони бурунмарзии зодаи шаҳру деҳоти Исфара аз минтақаҳои гуногуни Русия барои пизишкон лавозимоти тиббӣ равон карданд.

ДУШАНБЕ, 7 май – Sputnik. Сулаймонзода Акрам Раҳим , раиси шаҳри Исфара дар як паёмаш эълон доштааст, ки соҳибкорони бурунмарзии зодаи шаҳру деҳоти Исфара, ки дар минтақаҳои гуногуни Русия, аз ҷумла шаҳри Маскав кору зиндагӣ доранд, 100 маҷмӯъ либосҳои махсуси ҳимоявӣ, ба маблағи умумии 45 ҳазор сомонӣ, равон ва ба беморхонаи марказии шаҳр тақдим карда шуд.

Ҳамчунин ӯ таъкид доштааст, ки 40 маҷмӯи либосҳои махсус, ки бо кумаки соҳибкорони хайрандеши ворухӣ харидорӣ шудааст ба беморхонаи минтақавии Ворух низ дастрас хоҳад шуд.

Ҳамчунин вай афзуд, ки дар рӯзҳои оянда боз миқдори муайяни доруҳои зиддивирусӣ аз ҷониби соҳибкорони дохилӣ ва бурунмарзӣ  дастраси муассисаҳои тандурустӣ мегардад.

Раиси шаҳри Исфара ёдрас шудааст, ки бо ташаббусу иқдоми соҳибкорони Матлубиддин Қозиев ва Абдуризо Абдулахатов ва ҳамсафони онҳо 5 рӯз қабл аз ин дар Русия иқдоми наҷиб ҷиҳати таъсиси гурӯҳи эҳсонкорон ҷиҳати дастгирии мардуми худ дар муборизаи бо бемории сироятии Коронавирус рӯйи кор омад ва аз ҷониби кулли соҳибкорони зодаи Исфара ҷонибдории васеъи худро пайдо кард.

Инчунин, Сулаймонзода Акрам Раҳим аз  соҳибкорон Исроилҷон ва Нарзуллоҷон Улмасовҳо ва Абдуҷалил Савриддинов, ки дар ин рӯзҳои неки моҳи шарифи Рамазон ба зиёда аз 5000 нафар сокинони камбизоату эҳтиёҷманди шаҳру деҳот бо маводи ғизоӣ кӯмак расонида истодаанд, изҳори сипос кардааст.

“Мақомоти шаҳри Исфара итминони комил дорад, ки мо бо сарҷамъию муттаҳидӣ, саъю талоши якҷоя ва албатта, бо кумаку дастгирии ҷомеаҳои меҳнатӣ, бо саъю кӯшиши муштараки сокинону соҳибкорони бонангу номуси шаҳру деҳотамон ин мушкилотро паси сар мекунем, аз ин вируси корона раҳоӣ меёбем ва ба рӯзгори орому осоиштаи худ идома мебахшем”, - гуфтааст раиси шаҳри Исфара.

605
Барчаспҳо:
пизишк, минтақа, соҳибкорон, соҳибкор, Русия, Исфара, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (485)
На рынке Панчшанбе, архивное фото

Анҷоми таътили “вируси корона”: тоҷирони бозори “Панҷшанбе” сари кор баргаштаанд

8
(Таҷдидшуда 10:52 04.06.2020)
Даҳҳо нафар савдогарони калонтарин бозори Хуҷанд “Панҷшанбе” бо гузашти ду моҳи таътили пешгирии “вируси корона” дубора сари кори худ баргаштанд

ДУШАНБЕ, 4 июн – Sputnik. Ғаниҷон Почоев, раиси соҳибкорони бозори “Панҷшанбе” дар суҳбат ба Sputnik Тоҷикистон гуфт, баъди тақрибан ду моҳи таътил аксар тоҷирони ошёнаҳои якум ва дуюми бозор корро оғоз кардаанд.

“Дирӯз беш аз шаст дарсади савдогарони ошёнаи дуюм ба кор баромаданд ва қарор аст, то чанд рӯзи дигар ҳамаи дукондорони бозор ба кори худ идома диҳанд. Ҳоло дар ошёнаи якум қариб навад дарсади савдогарон ба фурӯши меваю сабзавот ва дигар маҳсулоти ниёзи аввала ба кор шурӯъ кардаанд”, гуфт Почоев.

Раиси соҳибкорони бозори “Панҷшанбе” гуфт, ба далели хуруҷи бемории “вируси корона” як моҳ қабл, аксар соҳибкорон бо пешниҳоди ариза ба унвони идораи нозироти андоз боздошти муваққатии молиёт (патент) и худро тақозо намуда, ба таътил баромада буданд.

Бино ба таъкиди Почоев, ҳоло баъди ба эътидол омадани вазъи хуруҷи ин беморӣ, соҳибкорон дубора бар асоси санади дар дастдоштаи худ метавонанд фаъолияти худро идома диҳанд.

Маъмури Юсуфзод, котиби матбуоти раиси шаҳри Хуҷанд аз роҳандозии корҳои безараргардонии саҳну атрофи ин бозор хабар дода, афзуд, ки масъулони сохторҳои марбутаи шаҳрдорӣ, ҷиҳати пешгирӣ аз бемориҳои сироятии кроновируси нави COVID-19 ва таъмини солимии шаҳрвандонву фурӯшандагон гирди атрофии бозорро безарар гардонида, корҳои назоратиро ба иҷро расонидаанд.

“Панҷшанбе” и Хуҷанд аз зумраи калонтарин бозорҳои пушидаи кишварҳои Осиёи Марказӣ шумурда мешавад, ки дар соли 1964 бунёд шудааст. Ба таъкиди нафарони солдида, ба рӯзи панҷшанбеи ҳафта рос омадани нахустин рӯзи кори он, ба номи бозор асос гузошта ва минбаъ ин калонтарин бозори маркази вилояти Суғд “Панҷшанбебозор” номида шудааст.

Як фавт ва афзоиши теъдоди беморон: омори тозаи маризони COVID - 19 дар Тоҷикистон

Бозори мазкур аз ду ошёна иборат буда, фаъолияти он шабонарӯзӣ ба роҳ монда шудааст.

Дар айни ҳол наздики 1300 соҳибкор дар он фаъолият мекунад. Қарор аст, калонтарин бозорҳои матоъ ва либосфурӯшии Суғд аз ҷумлаи “Атуш” ва “Сомон” то нимаи моҳи июн дубора ба кори худ шурӯъ кунанд.

8
Барчаспҳо:
тоҷирон, бозор, Панҷшанбебозор, Суғд, Тоҷикистон

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

130
(Таҷдидшуда 10:16 04.06.2020)
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

130